Posted by: "suang dal" suangdal@yahoo.com suangdal
Fri Feb 22, 2008 11:38 pm (PST)
Vaphual LugolPu Thang Za Khan le Pu Paam Za Veih ki ho-na Pu Paam Za Veih: Na Vaphual lu lialia uh bang na deih na uh ah?Pu Thang Za Khan: Zomite ki itna ki sihpih ngamna a lak hi ei Pam Za Veih awPu Paam Za Veih: Tua i vaphual lung lawk lialua pen gamdang te'n vasa gilo nam khat-a a ngaihsut uh hi-a, mu sa ne nam khat hi lo maw khawng peuh ci ve uh e...Kittaat huai lip khap huai khawng peuh hong cih san uh hi lo maw. Ganhing khawng etteh le genteh a na neih uh no mihing hilo maw khawng ci ve uh e, he he he.Pu Thang Za Khan: Vaphual nupa peen a khat a sih leh a khat zong vaan sang dawn ah leng to vingveng in lei lak ah ki kia suk sak in si khawm uh ahih manin Zomi te'n i etteh khat hi ei. Ki sih pih cihna ai vePu Paam Za Veih: Aw ki sih pih ci leng ki nuntaak pih ngam lo cihna ai ve maw...Vaphual a pa peen a sih man-a a nu zong amah le amah ki that ahih leh gui awk sihna nam hi-a, Judas Siakazuh piapua sihna nam daan hi-a Christian upna tawh ki tuak lo pi, Christian upna peen ki nuntaak pih ngamna hi zaw hi venPu Thang Za Khan: A gen daan na siam mahmah kul ding ai ve. Zomi te a ki it mahmah ihihna i gen i bulphuh nopna hi e...Tun bel tua Vapual ki itna pan'n singlamteh ki-itna ah Zomi te a ki kalsuan to ta hi. Tua man-a Zomi namni sticker te tung khawngah Vaphual le Singlamteh i suahsak khamn denna tua hang hi. Pu Paam Za Veih: Tua leh Vaphual ki itna le singlamteh ki itna a ki bang a ki zakim-a i ngaihsut ahi na?Pu Thang Za Khan: Hi peuhmah lo e. Vaphual ki itna in singlam teh ki itna a lang zong baan lo. Vaphual ki itna pan'n a saanna lam ah kahto in singlamteh ki itna Zomi te aa hi ta i cihnopna hi zaw ei. Pu Paam Za Veih: Tua leh singlamteh ki itna in vaphual ki itna a ciing a tuhkhuu(immitate) hi kei maw?Pu Thang Za Khan: Hi ei, syapipa aw. Singlamteh in vaphual ki itna a cingtaak ki itna ahih nai lohna hong lak hi zaw. Zomi te peen Vaphual ki itna siksan-a singlamteh ki itna ah a kaalsuan ihihna symbol hi ei lawm-a.Pu Paam Za Veih: Hoih pah ei. Ki tel tuam pah ing ei. Tua leh i pu Vaphualte Zogam ah muh zawh in om nawn pha kei veh aw...Zogam leh vaphual ci-a vaphal mahmah muh zawh nawn lo banghang ai tam?Pu Thang Za Khan: I pu i pate aa ki pan sa mah ki duh ngiat ahih manin ki go lum mang khin ta hi lo dia? Ken zong tam pi tak man ing. Vaphual lu ka baang tung vuah honkhat ki suang ding ai ve, Na muh nop leh ong hawh ve lawm Paam....Pu Paam Za Veih: Aw hi maw. A nung ta lai vaphual muh ding sangh a lu hawm baang tungah muh ding baih zaw hi mawk maw...Pu Thang Za Khan: He, Zomi te baang tung teng peen piahtaih (museum) hi pah ei. Vaphual lu na muh nop leh ong hawh in ka ci ve, tua zah ci ni...maw... lawm-a...lungdamSuang DalZozaang khuaTawmvei Manila
No comments:
Post a Comment