Sisan namkhat pan i pian khiat lai in i tuun leh zua, pi leh pu te in hih bangin ZOMI te khangto in, leitung gam tuamtuam ah a tu a tate uh minthang vangvang ding cih ngaihsun baan lo maithei dingin ka um hi. Ahi zongin Pasian thei, Thupha Ngah Minam Zomite in tuni in leitung kiu tuamtuam pan i khantohna, i gualzawhna, i nasep dan leh i maban nangawn kikum thei in olno takin thu i kiza ziauziau thei a, nakpi takin lungdam huai kasa takpi hi. Makaipa Sia Thang Khawm Pau tapa neih i lungdampih a, HL Vum Nang in: "Lungzuan sinthu khaubang sut khawm,Nih gel itna zaila'n awi khawm niVon lungdeihno anglai ah sia'n Khan kum khuasawt lo bang tul khawm ni"a cih la khawng hong phawksak hi. Von lungdeihno Topa in thupha pia in, nu leh pa leh Pasian deihna bangin pumpi leh lungsim ah hong khangcing toto hen. Faisal Cup na cih uh football kimawl pen nak nopciit tuak sa ing. Singapore a Zomi khempeuh kidemna a omlai, May Day ni in, Zomi khangno pawlkhat Malaysia pan hong pai in hong hanciampih uh a, a suih dan, a goal khum dan, etc cihte hong hihpih uh a, tuate sanga nasia zaw no ZAM te adingin na koih gige uh hi ding hiven maw. A gualzo Zomi Football Team te hong lungdampih kik ing. Zomi Numei Kipawlna te kalsuanna khempeuh thupi ka sa penpen lai a, hih banga numeite i pattah ziahziah ciangin i nu, i ni, i mo, i tanu, i sanggamnu, i pi te khempeuh a pattah ihih manin Zomi minam bup hong khangto semsem ding cih kimukhol thei hi. Tua dinga ZAM te nasepna Zomi khantohna thu a kikan kik simin kisuut kik kik ding in ka um hi. Zomi pawlkhat in i omna munmun ah minam ciamteh tham ding history a piangsaksak hi hang. Numei kipawlna pan maan (photo) khempeuh i muh ciang bang Zomi i hih khak angtang semsem ing. Zomi khangto semsem leh nuam semsem. Zomi hih khak mahmah nuam e. Topa aw, lungdam si ung. Lungdam ung. Lungdam mahmah ung, nong teel. Zomi hih nuam a sa semsem, Hau Za CinPhuitong Liim --- On Mon, 9/1/08, Z A M <zomizam@gmail. com>