Malaysia Zomite :Leitungbup a thawn

Malaysia ah ZOMI te tuahsiatna hangin leitungbup ah ZOMI thu kigenta hi. ZOMI te kuate hiam ciin mite in hong kanta uh hi. A thei omta ding hi. A thei nuam omlai ding hi. Amau leh amau kithei peuh leh Zomi pen midangin a theih masak kisamlo a, kithei nuam semsem ding hi. I omna gamgam ah ZOMI ciin hong kitheih ding thupi penpen a, abaan dam in hong piangpiang lel ding hi. Takkheh ZOMI!Leitungbup a thawn ding Malaysia Zomite: Zomi te Music lam ah kipawlna ZOMI MUSIC UPLIFT SOCIETY (ZOMUS) kici te in February 10, 2008 ciangin Malaysia pan leitungbup a thawn dingin LASAK PAWIPI khat bawlsawm uh cih kaza hiau hiau hi. Hih lasiamte lasakna in ZOMI TE LEITUNG bek hilo, LEITUNGBUP hong thawn ding hi mawk hi. Ut huai, lawp huai, zaknop huai........ ... Guitar tune siamlo te zong lasak a kiphal tam aw!!Zomi bup Pasian lasak pawipi Tedim ah a omlai in HALLELUIJAH CHORUS (ZOKAM) tawh kisa in leitungbup thawnsuak a, tu in tua hunlaia kihel sang a tamzaw Malaysia ah Zomi kihel ding ci leeng bangzahta in nuam in, bangzahta in lunglut huai ding hiam cih na ngaihsun siam mai ding hi. Zomi khempeuh lawngkhat-a i gin taktak ciang kuamah kieng nawn samlo hi aw. US pai ding, Australia pai ding, NZ pai ding... cih bangin Malaysia Zomi te in leitungbup hong thawn den ahih manin "leitungbup a thawn Malaysia Zomite" ahi uh hi. Tuate sanga thupizaw LASAK PAWI in leitungbup a sawt hethetlo in hong thawn kik duupduup ding ahih manin ZOMI HIH MAHMAH NUAM EI. Nuam ei, nuam ei..... Hau Za CinPhuitong Liim

ZOMUS Lasak Pawi ah kihel thei hi zen leng': Bangzah takpi in nuam kasa tam maw! Shillong ah College kah ciil lai a zong makai te in lasa nuam (solo) na om uh hiam a cih cianga Guitar man-a lasiam Khan Dim in a sak 'Khawl hit hiat in daak in ngai dih ve To Zeisu hong hehpihna' cih khawng, A pawn khutte... cih late a awi ngaingai ngam khat kihi saam ahih ciang a.... ha ha ha... Masi Kumthak sim a Bethlehem leh Bawngbuk ngaihna late sun tawh zan tawh ihmu manlo lianga zanhaka ka saksakte hangin lasiam kisa a ka lasaksakte khawng solo tawh a kibatloh dan ka theih tak ciang solo siamte zong Lengkhawm La sak siam mahmah tuan khollo maithei khawng ka ci dekdek liang hi. A taktak in bel solo siamte pen Lengkhawm La sak a siam penpen te hizaw uh hi. Lapawl sak siam khempeuh solo siam tuan lo a..... (khawng ci to dandan dek liang hang e)... Malaysia ZOMUS te Lasak Pawipi ah kihel hizen leng Zomi lasiam Lengtong Pauno, Lengtong Kam Khen, Ciimnuai Vontawi JK Kam, Topa aw hun tomno Nu San Lun, leh a dangdangte tawh kimu in ki 'nohset' (khut kilen) maithei. Zomi lasiam te pen Zomi a minthangsak, Zomi a domsang, Zomi hoihna a tangkoko, Zomi thu leh la a dinpih mite hi a, thupi in zahtakhuai uh a, pahtawi huai in, mi khempeuh in mu nuam in, a khut uh lawngkha nuam hi (a 'AW' bek uh a za nuam hilo hi). Zomi te celebrities hi mawk uh ahih manin mi tampi in etteh in nei uh hi. A 'aw' uh, a thugen khat uh, a kammal khat uh, a kizep dan uh, a lawmkholhpihte. ......... .. etc.. a tomin ci leeng amau thu limlim ci pak ni a kiza nuam hi. Amau tawh a kimu kha, a kikhawlkha hih pen khangkhat nuntak ah a manpha in a kituat hi. ZOMUS lasak pawi ah kihel peuhmah leng tua a hampha mi khat ka hi takpi ding hi.... Aw nuam zen si'n cia!Hau Za CinPhuitong Liim