Zusa in Ni(sun) pen pi et mahmah in, lah hoih sa mahmah hi ci.Tua leh a tanu zonghoihkhading cih lamet na tawh, nikhat Ni kiangah vahawh in,Zusa....."Ni aw nangpen leitungah avang lianpen, athahatpen,ahoihpen na hih teh na tanu tawh hongkiteng sak ve" ci in va ngenhi.Ni........ "Zusa aw kei sang avang lianzaw, athahatzaw omlai hi.Tuapen Mual hi. Zing kathawh simin kavang, kakhuavak tenghongdal, hongliah den in hongkhaktan den hi.Tua ahih teh keisang athahatzaw Tua Mualpi kiang va pai dihin"cih sanhi. ci.Zusa....."Mualpi aw nangpen leitungah avanglianpen, athahatpen,ahoihpen nahih teh na tanu tawh hongkiteng sak ve" ci in va ngenleuleu hi.Mual...."Zusa aw keisang avanglianzaw, athahatzaw omhi.Ka omom naah akii tawh hong pikden in hongtuancilden sial pen keithahatnatawh kadokik zo keihi, tua sial kiang vahawh dih in" cihsan hi.ci.Zusa...."Sial aw nangpen leitungah avanglianpen, athahatpen naihteh na tanu tawh hong ki teng sak ve" va ci leuleu hi. ci.Sial...."Zusa aw kei sang avang lianzaw, athahatzaw omlai hi.Tuapen khauhual hi.Koimah kapaikhiat theihloh nading in hong khihcip in amah keisangthahatzaw hi. Tua ahi teh khauhual kiang vapai dih in" ci in sawlki hi ci.Zusa......"Khau aw nangpen leitungah avanglianpen, athahatpen,ahoihpen nahihteh natanutawh hongkiteng sak ve"ci in va ngen leuleu hi ci.Khau....."Zusa aw keisang in nang nalianzaw hi, keinong petpethangin bangmah kongthuk kik zokei hi. Tua ahihteh kei sangalianzaw,athahatzaw pen zusa mah ahih teh nang aa ding akilawm,akituakpen zusamah hi"cih san hi ci.Tuabangmah in mundang, gamdang ah itensuaksawm zaveizong inipiannagam, ilamkiat nagam, Pasia'nhong piansaknagam pen eitawhakilawm, akituak pen hipah hi cileng khialh luat om in um keng.Tua aih leh mundang,gamdang pen sum leh paai zonna bekin zanginizogam mah deilhkik, zuankik tangtang leng. I Zogam zong kiilbanghongkhang hanhan zawleh kilawmsang.
Khaiboy
Hong ki-it loh hangin hong ki mudah lohding hanciam in.Hong kingaih loh hangin hong ki phawk ding hamciam in.Hong kiphawk loh hangin hong ki mangngilh loh ding hanciam in.Hong ki mai-et loh hangin hong ki pampaih loh ding hanciam in.Hong ki pimuh loh hangin hong ki neumuh loh ding hanciam in.Hong ki maibiak loh hang in hong ki nawlkhin loh ding hanciam in.Hong ki zahtak loh hangin hong ki nopneh loh ding hanciam in.Hong ki phat loh hangin hong ki ko loh ding hanciam in.Hong ki pahtawi loh hangin hong ki gensia loh ding hanciam in.Hong ki lamsang loh hangin hong ki netniam loh ding hanciam in.Hong ki kihta loh hangin hong ki zawhthawh loh ding hanciam in.Hong ki maitai loh hangin hong ki maigum loh ding hanciam in.Hong ki pakta loh hangin hong ki nuaisiah loh ding hanciam in.Hong ki maimuak loh hangin hong ki dekngat loh ding hanciam in.Hong ki thupisim loh hangin hong ki zahpih loh ding hanciam in.Hong ki panpih loh hangin hong ki theihpih ding hanciam in.Hong ki daipih ngamloh hangin hong ki telkhial loh ding hanciam in.Dik hong kisak loh hangin zuauthei hong kisak loh ding hanciam in.Ngaihsunthei hong kisak loh hangin apkaai hong kisak loh ding hanciam in.Siam hong kisakloh hangin lungkia ken, hanciam in.
No comments:
Post a Comment