Sunday, July 5, 2009

Ih Gam leh ih Nam aa ding Dinmun Thum

MoveOnZomi@aol. com wrote:
Leitung gamkhangto leh gamlian te-un a minam leh a gam aa ding thu a gen-uh ciang-un namthum in nakhen-uh hi. Tuate-in (1) Government, (2) Business leh (3) Volunteer te hi ci-uh hi.

Government; Political pressure khempeuh a lehphut zo ding Mipawl khat kisam hi ci-uh hi. Zomi ten Kumpi ihneih loh hang Political tawh kisai ih haksatna tuamtuamte a lemkheh zoding kipawlna kician ihneih kul hamtang ding cihna a hihi.

Business; Gamkhat Minamkhat-a ih-dinnop leh Business kician mahmah tampi ih-neihloh a phamawh na hihi. Thukhat pan Mihau tampi iom ding kisam cihna hi.

Volunteer; Gam leh Nam aa ding kisapna khat peuhpeuh ah Sumpiak kullo aa akipumpiak zoding mi pawlkhat kisam na ci leuleu uh hi. Tuamun-ah Gam khangto leh gamlian te-ah Biakna Pawlpi(Churches) tuamtuamte un a tamzaw-in panla hi ci-uh hi.

Minam/Gam khat peuhpeuh ah hih Mipawl thumteng-in kikim tak-in Mun honglak theih uh-aa ki thutuak tak-un pan honglak theih nakuh-leh Minam ahi-a Gamkhat ahi zongin khantohloh phamawh hi ci-uh hi.

Tua ahih man-in ih Gam leh ih Nam ivei tatak leh hih dinmun thum lak-ah munkhat teitei kiptak-a iluah masak kulding hi ci-in ka um hi.
Gam leh Nam veina tawh;

Andrew D. S. Khai.

Kuama dotlohpi-a veina bektawh lai igelh zelpen "Gambling bang hi" cih zakna
neithei zel kahih manin ka lungsim sungah tuadan mah sasuak ingh, Tuaman in
hih bang iki kuppih ciang nuam mamah ingh.

Mutsuk cihbel ciamnuih vai leh thutak vai kei lua deuh ven ilungsim-a om
bangbang Lungsim siangtho takin kikum-ni cileng maw!

Government;
Nuntakna(Life) a om theihnangin akisam thu thum omhi ci uh hi. imihing hihna
kikep kul(to defend our Person being or the Right of our existence),
suahtakna (Liberty) leh Neihle-Lam (Property) hih thum teng kem zo kei leng
leitung-ah mihingte ki nungta zolo ding ahih manin hih teng kepcing theih nang
Thuneihna (Right) pen Pasian hongpiak hi ki ci hi. Tua hangin US te Declararation
of Independence sung-ah Thomas Jefferson in hibang-in nagelh hi. "We hold
these truths to be self-evident, that all men are created equal, that they are
endowed by their Creator with certain unalienable Rights, that among these are
Life, Liberty and the pursuit of Happiness."

Tua ahih manin Mihing aa ipianciang utleng utkeileng inuntak zawhnang-in hih
a tung aa teng ihkep ding akul na hihi. Mimal khattek in isepding naktamlua
ahih manin iki batpih iveng ipaam teng tawh kipawl in tuateng hong kepsakding
mipawlkhat kicial hi. Tua pen tu-a igen Government a hihi. Government khat ii
nasep dingpen tam mahmah dinghi, ahi zongin athupi penpen a sepdending
khatbek om ci leuleu uh hi. Tua-in Gammi mimal khatciat-ii Suahtakna leh
Thuneihna-te kepbit sakding a hihi. ( The most important single function of
government is to secure the rights and freedoms of individual citizens )

Goverment ii Function dandingteng genkhin ihih ciang, Ih Zogam/Zomi aa
dingpen mimal khattek ii ngaihsut dingin koihleng hoihsa ing. Thutam igen luat
sang tam ngaihsun leng kacihna hi.

Zomi sungah ki Pawlna pawlkhat ka tuah/muh napan ka ngaihsut khakden khat
pen "The creature cannot exceed the creator" cih kammal a hihi. Mimal khattek
ki tangsap nangteng hangin Kipawlna aki phuan hi napi, a tawpna ciang Kipawlna
in Mimal khattek thusim nawnlo-in Makai honkhat teng-i thuthu danin pai
denhi. Ei bawlsa kipawlna aa Panmun neitengpen ei nasem dan-in kimu theilo in
eisang a thupi zaw dan aa ituat den hi, Thukhat peuh vagen leng Makaite langpang
ki suaksak den lai mawk ih hih manin, A lipkhaphuai Tyranny aa ding Kongkhak
lianpi tak Zomi sung-ah kihong lai tawh kibang hi. Tua iki doptheih ni
ciangin ih Nam bup in tha ingah mahmah ding-a, ih Gam leh ih Nam ipuah zo ding hi,
Ih deih Gam inei zo ding aa Minampi ih suak ta dinghi cihpen kei muhna hi.

Itna tawh;
Andrewkhai.

No comments: