Sukte Ukpi hun sungah Sangkah vai
Posted by: "Anthony Lian" anthony_lian@yahoo.com anthony_lian
Mon May 11, 2009 6:50 am (PDT)
Dear Zomi Laizom te,
Meitei te simmawhna Zomi ten ih tuak laitak-in Sia Khensian in ih Taangthu luite tawh hong thapiakna "Alunglutte ading SIA" cih thu hongsun hangin kilunglutlo in i minam neu lungsim mah hong dawk zel a, Sukte beh tungah hazat na leh lungkim lohna te hong dawk khia leuleu zel hi.
Zonet tungah lai aki at-te pen Zonet pu Ginmang-in hih groups Delete ahih masiah na om suak, kum tampi kisim thei suak ahih man-in lai-at zong ki dop mahmah ding ki sam hi. Ukpi hun-in beh dangte Sangkah theiloh hun cih zangei ing ih cihpen mailamah zong khatpeuhin hih thusim kik-in hi bang za ngei ing hong hi den keei ding hi.
Ukpi hun-in beh dangte Sangkah theilo za ngei ing aciten ih zakna thu ahizong, no-ma beh laibu sungah aki ciapteh leh ahizongin akicingin nongzaksak ngam kei uh leh/ zawk kei ding uh leh tuni akipan na lungsim sungah koih nawn kei un. Tuhun ciang mimal ki mudahna, beh le phung leh pawlpi biakna ki gensiatna cihte pen At ding hun, Sim ding hun leh ki kup ding hun hi nawn lo hi.
Ukpi hun kipatna pan Ukpi hun abei hun ciang en kik leng tuasungah Mipil, laithei beh dangte na om veve uh ahihman in Sangki kah saklo cihpen Sukte min dai sak nuam bek cihna hi. Tonzang ah Pu Hau Cin Khup in pilna leh cidamna deihsak lua hi. 1915
pawl in sang hong a, Sia Po Ku a cih khat cial hi. Kuamah kah nuam lo
hi. A kahte kiguai zawsop hi. Mite in pilna deih theihna lungsim nei
nai lo. Sukte beh taangthu bu sungah tuabang Sang aki kahsak loh thu ciaptehna omlo hi, beh laibu sung khatpeuhpeuh ah aki ciap teh leh hong suak sak un.
Pa Cin Za Suan Suante Family hopihna,
Nagen bangin tangthu pen aki hoih kaih ahih khak ding hoihlo mah hi. Aki hoih kaih ahilo tangthu man laibu cihbang na neih a, Sangkah khakloh thu aki-at leh hong lui khia in. Luangel khua Pu Kai Suan kidong thei nacihpen ama Personal feeling zong hi thei a, ama theih hun sungah Sukte'n beh dangte sang kah saklo acih leh ama beh laibu sungah na guang leh hoih ding hi.
U Paul Thangpi hopihna
Nangtawh Gamkhat a om khawm, Company khat ah nasem khawm hi hang a, hibang thu nongsungpen lamdang kongsa hi. Sukte beh na dai sak nopna hang na hi a, atheinuam taktak hile cin honggen thei ding Tonzang Innpi sung a te na geiah aom gige hi. Sukte beh thu Zonet ah nongat anih vei na hita hi. U Heavy Thang tawh ka Innah annek kop khatin U Heavy in "Ih ki ho ciang teizangpau hong helh kha leng na heh diam?" hong cih bek pen tha khat thu-in dingto in Sikkeu kaa tawh na bawh pah sawm phawh lai-in hong um in." ei tung hong bawl ding na deih mah bang in Mi tung na bawl in" cih thu laisiangtho sang akah ngei khat na hihmanin athei mah ding in lamen ing.
Beh le phung leh Biak na Pawlpi thu te tawh i ki gengen sangin ih mabante ahoih thei pen ding in zom ciat ni. Meitei te'n banghangin Zogam ah hong tatsia? 2010 election ciang Zogam di'n mun ding? cih khawng ki kum toto leng hoih ding hi. Zomi teng Ukpi ki ukna pan asuakta sa Mipil vive ih hih man in!
Gen khialh, tel khialh aom leh hong ngaidam un.
God Bless Zomi
A.Lian
Frankfurt
1 comment:
Ka min Sian Khan Mang, Lailui khua siah kai hi lo siah pia sukte pan ka hi a,ukpi te muh khialh nangin,thu maanlo ki nak gen mah mah hi.Tun USA ah ka teng a siah mah ka na pia pia lai hi.Siah (Tax) piak oh tawh gam ding zo lo ding hi.Pu Kam Hau aw ko khua, ko mi ong hu ing, siah ong pia sak in, siah ong pia nung ci a a ngen tampi om in ka um a siah piak man in huut na kep na ngah ding uh hi.Tun kum 70 ka pha a ukpi hun sangkah sak lo ka za ngei kei a, sang kah nuam lo te sum tawh guai liangin sangkah sak cih bek ka za ngei hi.Ukpi te mi gen bangin gilo tatsia leh ka neu lai in khat vei beek za in ki um ing. Thu man thupi sa a kong at hi.
Post a Comment