Galpi Nihna-ah

A True copy of Chief Pum Za Mang´s letter
Tedim Khua
Kamhau Gam Ukpipa Zum thu
Ni 25-5-1944
Anuai a khua min om hausa tengleh upa te aw, a nuai a thuteng theih kim nangin thukong pia hi.
A thu pan in tu in mi kim khat in Kumpinu na sem deih na tawh seem hi ci-in na ngaih sun kha ding uh hi. Ko te in tuabang deih na tawh nasem ka hi kei uh hi. Ei gam ,ei lei puahna, khantoh nang leh suaktak nangin a sun a zan in hahkat in na ka sem uh hi.

Ko in tua zah a hahkat a sem napi in, mikimkhat in galte lam ah panna lung sim nei hi cih theih na, muanmawh na ,ding gamtatna hoih lonei thei lai hi. Tung kha ni 14 ni in Lamzang khua hausa Vung Za Nang, Upa Khup Za Neng ,leh a khuapih Hang Za Gin, Luai Thang, Lian Khaw Gin te zong a gamtat na muanmawh theih nang om a hih man in, a kiman hi.

Amaute in Nippon galkap te leh motor pai te sim in a galte tungah thu kipuak thei hi, cih ki muang mawh a hih man in, ei gam,ei lei,khantoh nang,puah nang nopsak nang hong nawng kaisak a hih ciang in thahding,a khut a khe sing ah kileh hen in thu ki sit ma teng gim kipia hi.

Tua thu pen ko a vaihawm teng kaki kup uh ciangin , a maute in khialna tak tak nei a hi zong in , ei mau in a thu sit le hang hoih zaw ding hi, ciin Mangpipa kiangah ko hong ap un ci in ka thuum uh hi.Tua mah bang in Mangpipa in ko a vaihawm teng tua mi 5 hong ap hi. Lim tak a thu ka hilh khit ciangin tua mi 5 te maisang ah tuabang a a gamtat nawn lo nangin Amah ka khan uh hi.
Tua a hih ciangin note khempeuh zong hoih takin gamta peuh le uh cin,upa vaihawm te in, no a ding ka hahkat ding uh hi.Ahih hangin a gamtat na uh a hoih kei leh,limtak in ka hi zo kei ding uh a, amau mawhna mah tawh kituak in a ngah ding ko vaihawm upa 20 in hi bangin thu ka khensat uh hi.
Khan Pau at lai thu ( ) ngah ding ki um kei uh hen. Ei nop sakna ding lungsim hoih lo neite ki that ding hi.
Na uksung teng na theih sak khial leh na tavuan hi ding hi.

S/ x x x
Pum Za Mang
Kamhau gam Ukpipa,C. Tiddim


NB: Hih lai pen Yangon Siyin Baptist Church "Silver Jubilee Magazine " Page 168 sung ah Sayapi U E. Pau Za Kam gelh "MUSING AND REFLECTIONS OF AN OLD MAN" pan a ki tei khia hi.

Zamdothang

--- On Tue, 14/4/09, J. Thang Lian Pau wrote:

A theizawte dotna:-


Galpi Nihna-ah Ukpipa Pum Za Mang in Mikang le Japan koi zaw gum? Mikangte tawh pangkhawmin Imphal-Tedim lampi ziik a kicih laiin, Mikang phuh Chin Levy-ah Kam Hau mite lut nuam lo kici zel! Japan a gup manin Mikang ten manin Imphal puak a, lampi pan kikhahkhia sim a kicih lai takin, Japan gal sunga a nasep hangin Mikang ten pakta in, 1941 kumin K.S.M (King Service Medal) minphatna pia ci zel! A kilangin Mikang, a gukin Japan gum cihna ahi diam?


Galpi Nihna sungin Mikang ten Imphal-Tedim lampi ziik kici a, Tedim-Kawlpi zong tua sung maha a ziik uh hiam? Tedim-Kawlpi road vai gelh mu ngei mello hi ing.

A dang zong om toto ding hi.

- JTLP