Thursday, November 4, 2010

SITNI PA' LUNGDAMKOH BIAKPIAKNA:

> SITNI PA' LUNGDAMKOH BIAKPIAKNA: (March 18, 2009)
>
>
>
> Sitni pa pen Pasian in sih nading dinmun tuamtuam pan a suahtaksak
>
> lungdamkohna bulphuhin biakpiakna hun limci khat zani
>
> 17/03/2009(tuesday) , Pm.2:00-4:00 sung Kawlpi a a innah bawl uh hi.
>
> Chairman sia Ngul Khan Dal in sem a, Hunpi pen sia Haupu ding hi ta
>
> leh pawlpi sung dongtuahna hangin hong pai thei lo hi. Ama taangin sia
>
> Khen Mung in zangin nasia mahmah hi.
>
>
>
> Sitni pa' gente lakah a thupi kasak pen khat in; ih mite ka itna leh
>
> ka veina tawh sitni line a zui hi masa pen ing ci hi. Hun khatlai-in,
>
> thu manlo pipi a tunglam te'n i mipih tampite a bawlnate ka muh, ka
>
> zak ciangin ka mipihte ading leh ka gam ka lei a ding ke'n bang cih
>
> lampi tawh mapan pih thei ding ka hi hiam ci-in tua pana mapan a kipan
>
> ka hi hi, ci hi. Hih ciang dinmun ka tunna, ka tuahkhak thu tampi te
>
> om hi ta leh ka nuntakna hong hawisak a, no teng tawh cidam a hong
>
> kimu khawmsak i biak Pasian tung ah ka lungdam mahmah hi. A nihna ah,
>
> meltheih ulenau khua le tui, lawm le gual leh ka mipih te' mahmah i
>
> nong panpih ciatna uh tawh hih ciang a tung thei ka hih manin lungdam
>
> ing ci-in, amasa pen in Pasian' hoihna mah lo tangtang hi.
>
>
>
> Sitni pa pen a neu tung pan tagah ahi hi. Gam leh minam a itnna hangin
>
> thong 9 vei vilvel kia hi. a sawt pen kum 3 ahi hi. Cidam lohna tawh
>
> khatvei a kal at khia ngei hi. Tua panin a gilpeeng atkhia leuleu a; a
>
> beisa kum, Nargis vai a lunghihmawhna leh a vanna panin galkapte'
>
> singpua motor in nawk a, ka ki-atna tawh 3 vei ka ki-at ngei ci hi. A
>
> la phuahte bang ngaihthei mahmah hi. Nung deuhin ei mi Norway a om te
>
> i pahtawina; "National Reconcilation Hero Award" zong ka ngah cihte a
>
> kipan lungdamna tampi gen hi. Zanin zong meltheih lawm legualte lampan
>
> in puan laisan piakna, tukpaak piaknate nei-in, hun thupi takin zang
>
> thei uh hi. A nuphal pa, sia Ngul Khan Dal in bawng khat gawhin, a
>
> sanggam te in zong bawng khat leh vok khat gawhin lungdamkoh pawi kham
>
> hi. Sitni pa pen a melzong hoih, thacing in, Pasian' hehpihna zong dam

sa lel ing. Ahih hangin a lungsim thu tam in nawngkaisak lua ahidim,

hehpih huai sa ing. Mailam ah thungetna leh thapiakna, panpih theihna
lamlam tawh panpih ciat ni, cih tawh hih teng hong kum ing. Omna

ciatah Topa thupha ci ni.....K.Suanno.

No comments: