Wed Mar 18, 2009 6:04 pm (PDT)
Dear all,
khamyc@gmail. com ong gen thu te hi ka sa mah2 hi.ih khua zang a ki thu tuah ding leh pil vang tak a om ding hoih ka sa hi.tua ciang in zong ih ZRA te i mi zat te zong khat leh khat ki sih pih ngam lo mawk uh sa ing kei theih na ciang ah hih MAL SUANG ZANG hau sa pa ki mat na bang a lawm te man ma sa in a dot uh ciang gen uh cih bang in ka na za hi.Hih bang thu ih sep leh zong khat leh khat ki sih pih ngam ding kul sa ing.Hih bang in ki sih pih ngam lo mawk ih hih tak ciang in kei hoih sak na ah ZRA te in zong mi dang tawh ki zom lo in a mau mah2 in sem pah leh ei kawl gam lam a om ta ding in hoih sa pen in bang hang hiam cih leh en sem kei leng lah ZO MI GAL KAP te lah ih gal ong hi pah a gam gi zun a om ta ding bang in NAT NA,NOP NA,NEK LEH DAWN ZA TUI ZA HA khat peuh a ki pan ih lei na INDIA gam ki kawm ngam nawn lo ding sem leng lah IH KHUA PIH te hang mah a KAWL GAM GAL KAP ten hong thei zel tua sang in ZRA te ong thei siam
hen la a mau mah2 in mi dang sawl lo in na khat peuh2 ong sem pah leh hoih sa ing.Kum khat bangCI KHA MYO ah KAWL GAL KAP te mi zat KHUP PI pen ZRA ten a thah tung in KAWL GAL KAP ten CI KHA te khat leh ZRA te ki pawl ci-in man in tung siah lam puak ci-in pai pih cih ciang ki thei hi. a hih hang tu dong a tun na ki thei lo in a kua mah peuh in mit a muh loh hang KAWL GAL KAP ten THAT uh ci-in ki gen hiau2 hi.Tua bang dan in ong hih mawk leh ei gam gi zun a om ten mai lam ah koi ci kal suan ding cih ngaih sut huai mah2 hi.EI ZO MI te pen ki pum khat nang hak sa lua a hih man in GAM GI ZUN a te koi ci kal suan ding cih ong kup pih ve vua..ZO MI pih te aw......
____________ _________ _________ __
From: Thang Sian Kham
To: zomi@yahoogroups. com
Sent: Wednesday, March 18, 2009 3:43:39 AM
Subject: Re: [ZONET] Mal suangzang khua Hau sa pa kawl gam gal kap te man
Lawm Piang hong gen thu pen ngaihsut huaisa ing. Tu laitak hun pen
Uitalte leh Meiteite ki uitui mahmah laitak ahih manin a paing thei
ding thu mah ahi hi. Minam a ding nasem leh minam a kemte ci a i
ngaihsut ngei CNF te zong, a beisa hun khat lai-in Zogam khauneu pawl
khat ah kumkhat ai ding ci-in zawhthawh thu tawh sum khon den uh hi.
Kumpite in tua thu a zak ciangin khua hausate thusit zel hi. Tua bang
a Kumpi lamte thudotna uh CNF lamte in a zak kik ciangin, Hausa pa
mah thusit zel kawikawk in khua hausate ading lunggim huai mahmah hi.
A tawpna ah Sanganaupangte i cih CNF lamte mahin sum a paik zawh
lohna hang leh Kumpi lamte tawh kipawkl uh teh cih upmawhna tawh khua
hausa pawl khat Kaplum uh ci i za ngei hi. Tua a si hausate pen
Tungzang Hausa pa, Saizang hausapa etc...., cih bang hih tuak hi.
Tu in Malsuangzang hausapa Pa Piang hong kimatsak leuleu na hang pen
Meitei te mai etna tawh maw, ei leh ei kihekna tawh Kawlgam galkapte
upmawh mat maw... cih kitelsiang lo hi Bangbang ahi zongin, tukim
teng pen Meiteite leh i Zomi galkap ZRA te hong buaina huzap mah hi
ngel ding upmawh huai pah hi. Zomi leh Zogam ka it ci a, zuaupi tawh
a awngawng mi pawl khat ki om ahih manin lauhuai mahmah hi. Ei ma
angsung bek phattuamna ding zong a om pawl khat ki om cih theih huai
ahih manin, hih bang mite koici kankhiat a, vauhilh theihna lampi om
diam cih lungngaih huai hi. Minam it leh minam a ding nasem taktak te
in i mit hek zia zong kidawm a, LST hilh bangin" Gul bangin pil, Vakhu
bangin migi" ding hun hong tung semsem cihna hi. Khanglui thucin ah,
"Buipi lei keii in zong Khua ngai" cih pen diksa lawmlawm ing. I kim i
kiang a pawl khat pen angsung hamphatna neu khat tawh awlmawh mel
nei lo, minam it kineih om uh cihna hi.
Khanglui te in " Mi bawlin kimang zo loin, ei leh ei kibawl in
kimang zo bek" a cih uh pen hisa lua ing. I Hausate nangawn hong
kimawk thahsaknate zong ei leh ei kibawlna vive hipah ding upmawh huai
pen hi. I khua i tui ciat mah pan mipil, a siam zaw deuh leh makai zaw
deuhte mahin i mipihte hilh siam kipat ding hun ta hi. I khua ciat
ah i mihing nuntak zia, lungsim puak zia kibang kim lo vive hi hang.
Cihnopna bulpi ah i khua i tui kilem masa lo in, i minam sung a
huampi kilemna leh kipumkhatna ding haksa ding thu ahi hi. Tua hi-in
i minam bup sungah hih bang a i tuahkhaknate en kik in, ei leh ei
kisapna mah tam zaw kha ding cih pilvang kawmin i minam nasepna ah
manawt hun ta hi. A taktak in ci leng tu laitak i Zogam le Zomi namte
hong kembit taktak pen ZRA te mah ahi hi. A dangte bangin sum dong
Zomi galkap cih bang mawkmawk hi lo hi. No muhna ciat uh kikum ciat
dih leng e. Ngaihsut huai thupi khat hi mawk hi..
Minam a ding naseppih,
Tongsan Pu
No comments:
Post a Comment