Sum bei selo bang mahpiak kul lo, mai zum zong kul lo, kuaman hong eng thelo, hong haza thei lo, hong tuh thei selo anuam lungsim ngaihsutna Sunmang. Lungsim ngaihsut na tawh lamgei ah sumlompi mu vat, taihinn lam in mawtaw hoih pen te tuang. Lungsim ngaihsutna mahtawh zawlhel, nungak hoih nono tawh kingai, ki khen kik. Lungsim ngaihsut na tawh zi le ta nei leitung ah I en zawk ding om lo Lungsim ngaih sut na tawh gamdang va pai, gam hoih nono mu, mangpau bang va siam keei. Degree sang pipi va ngah in mi te sep theih loh teng bang va sem mai. Hi kan a anum ngaihsutna lei tung ah bang om nawn hiam?Hih ngaih sut na sunmang in I tha hong hat sak in hong thanuam sak hi. Hi ngaih sut na in hong lawp sak in hong thakhauh sak hi. Singunau Adventist sang ah tan guk ka sin lai in Adventist sumbawl mi hau pawlkhat Spicer (India) sang a kah lai un amau leh amau self support tawh sang kah in tua pan sum bawl a ahau uh hi cih ka za ngei hi. Tua ka zak thu in kei zong tua bang in ni khat ni ciang gualzo ding cih lawpna hong pia hi. Sunday ni zing sang annek ma bawda (hostal) sangnaupang teng na ka sem den uh hi. Zingan nek khit ciang ei ut ciat in ki om hi. Pawl khat te kimawl, pawlkhat te lum, pawlkhat te puansawp, pawlkhat te khuasung vak, cih bang in nuam ki sa mahmah hi. Kei ka hih leh ka zak ngei thu ka lungtang ah hong vom a hih man in Siama Lun Huai te huan puah sak in sum ka tha lawh zel hi. Khat veivei ciang siapi pa te inn ah zong na ka sem thei hi. Self-support a sang kah nuam pa tua hun lai in Sunday ni sun thapai na ka sep ciang in Ks. 5/- ngah kahih manin nuam ka sa mahmah hi. Tua hun lai in kumpi sang ah manglai kisinlo in Pawlpi sang ah mang lai bekbek kizang ahih man in mang pau siam nopna lung sim in hong phu vanvan hi. Tan guk laisimbute ah English One leh English Two ci in na khen uha English One Sia Dal Mang (Dr. Dalmang) in hong hilh hi. Sang class ki pat ciang in Sia pa in Mang pau tawh thu hong ngen ahih man in lamdang ka sa lua a hi bang mangpau tawh thungen thei kawlgam sung ah mi bang zah a om tam maw ci in ka sialsial a, ka en pi mahmah hi. Manglai siam nuam pa laihuan (exam) masa pen a ka manglai mat (mark) -2 ka ngah demdam hi. Ahang in na upmawh in phi ken cih thu hi a, I mat ngah zahzah pan I khialh zah ong dok kik ahi man ahihi. Englih Two (grammar) ahih leh siama Lunhuai in hong hilh hi. Sang class ka lut tung in Noun, Verb, cih te hong hilh a ka zak cil na hiah man in lam dang ka sa mahmah hi. Nitak study hall ah sia te in ong cing den a tua sia te lai ki dong thei hi. Kei zong English one sung a manglai ka muh khat “officer” a kici kammal lamdang sa mahmah ka hi man in siama nu ka va dong hi. Athei nuam lua a adong ka hih kei a, India pan MA tawh Manglai a zo siama Lun in hibang lai mal lamdang athei pauh mah hiam amu ngei bek hiam, cih muanmawh na lung sim tawh ava dong ka hihi. Kei upmawh na bang lo in siama nu in mangkang te aw lian in hong sim suk guap a a khiatna ka tel theih dingin atuam tuam in hong hilh ahih manin ka siamah nu tuani pan ki pan ka enpi mahmah hi. (akihta sim pianpah hi acih dan ea, hehehe…).Mi pil khempeuh buaih (degree) ngah kin lo a buaih ngah te zong mipil pente hi khin tuan lo hi. Mi zawng khem peuh zong na niam suak khin sam lo in a lungsim ngaih sut na in asawn zawh ciangciang tungto thei veve hi. Ataktak hong pian na ding in Sunmang ki sam masa hi. Tua ahih man in ei khangno te in hun I neih lai in I ut bang bang ngaih sun in tua I ngaihsutna mun I tun zawh na ding lampi zongin thungen kawm sa a I hahkat ding, hih lai tawh ka hong zawn hi.Zomi momno mainawt ding a lung gulhDongbawi(tawmveisung)London
Lawm Dong Bawi,Hoih mah mah e na lai at, a hih hang in "Lung sim ngaih sut na tawh nu ngak hoih no no heel,ki ngai, ki khen kiik" na cih pen zi nei nai lo na hih lehtua ngaih sut na a-kaung-a-the hong phaw het kei awo.Zomi nu ngak te hun lo pi in mei gong a suak sak nuam tawh ki bang phial mawk in mul kim huai sa ing.Khang no te kiang ah zong hih bang lip khap huaingaih sut na te hong gelh nawn kei mai le teh nang a ding in hoih zaw tham lo khang no te' a ding hoih zaw in teh.i ciam muih na hin cia
Vahuii
No comments:
Post a Comment