May ni 4 Siallum Ni

tuang pu <siallumkulh@ gmail.com> wrote: Siallum thu atomMaangkaang te kawl gam a laak khit 1887 kum in, Zogamdong ala suak ding in maangkaang galkap maang Captain Wright, Kawlpihong tung hi. gal kisim lo a, hong uk thei nading vaihawm nuam in khamtung ukpi, khua hausate kawlpi apai nading , kamtai sawl a, hongsam sak hi. Zomi lampuite zong taang mi ( 5 ) teal a, kawlpi pai sakhi.( Sizaang Khua 5 pan ) Captain Wright taw a kimu uh ciang, mai etna in, Khap 5 le zung 3 azai Zam 5, Taubeal 5, Puanvan sil 5 lehhaangke( puan ten )ten 120 pia hi. Tuakhit ciang, thu hi bang aa vai kha hi,"Kam awi kazat luang in Letsong( Presentation ) hi te hong khak ung, thusau ngaisun unkawlpi hong sim nawn kei vun. Kawl te om na gam teng la zo khin ungZogam teng leh , Kawlpi zaang teng a uk ding ka koi uh hi , UK pa thuna man kei uh leh ka mang kaang galkap ten hongman sak ding hi ung Taangmi ( 5 ) te in lungkim lo a, nial pah hi. Zogam a tun kikuh ciang, gam lampui te kikum a, Hibang in thu zasak kik hi."hoih hi no maangkaang te zong ko gam sung hong pai kei vun.Ko nohong mu ngei lo hi ung.kazi kata te in nong hong mu leh hong lauding hi.A hi zong Maangkaang te in eimi makaai te ii thugen awlmawk lo in" Kothu hong ni zaw un, kilem na hizaw hi, tu in kamaikaai uh tekhamtung gam hong pai ding hi ahizong no hong susia ding hi lo hi, Pawi ukpi patawh akimu ding leh gam en ding in hong pai to hi" ci in thuzasakkik hi.Sizaang makai te in hi bang in thuzasak kik hi"Ko No makaii te ii gam et dih thu hong khaam zo lo ding hi ung. .Ahizong pawi te ukpi pa tawh naki mu nuam uh le, Kawlpi khua ii nitum nasang pan, Pawi ukpi ngam pai na lampi om hi" ci in azasak hi.Ahi zong maang kaang te in "Ko Pawi Ukpi ngam paina lampi thei lo hi ung Upper Chindwin le India ngam, Sitta Kaung dong a tung ding Lampikhat ziik ding ka hi uh ciang, kulli le nguai-an ding vai hawm vun" a ci lel uh hi.Sizaang makai te in "Bangma hun, Thaangmual kan sak ngawl tu" ci in khensat aa, baangkua khat pan pasal khat sim naam , thau , tei, tawi inMangkaang te ii lamziik na Phual Phatzaang dong simkham aa tua munpanhei,siksem ,tupek, nam le lamziik na ah aki zangh van tuamtuammatsak hi. Kawlpi dong hawlsuk gawp hi. Tedim hausa pa khawcin in a galkap 400 le mualbeam pan 30 zong Sizang te huh in panpih hi. Kawlpiasim na ah Zomi 5 thi a, Maangkaang te 17 man hi. Tua hun pan kipanMaangkaang te zongh a galkap te Thuangthi ( kawlpi pan tai 8 na )akoito hi. Sizaang gam le Kawlpi kiikal teng ah Mangkaang te le Zogal hangte( United Zomi Force ) sakidelh gal ki delh in gam sung ki uum in kisimhi.( Skirmish )Ahi hang galvan te ki khaai lei ahi man nung kinkik hi. Tuulsuk Zuhawm maul Phat zaang mual Leisan mual , Han Thang lei ziikna , Nilum mual teng a, hong sim tato sia, Khuasak hong theng a, innkhat zawk inn khat haltham hi. Khuasak a tun lai tak Buanman khuaaa,Sizaang ngam, Kamhau ngam, Sukte uk ngam, Zahau ngam, le Tedim khua pan ki ngawm ( Zogam galkap ) 2000 bangh kikai khawm in Maangkaangte sim ding leh sim lo ding( surrender ding ) akikup lai tak Mangkaangte in Khuasak panTop ( Cannon ) tawh Buanman khua kap mang gawp in,Inn, singkung lopa hong kaang ngawp aa, Zomi ten lamdang ki sa hi. Sukte le Kamhaute,Zahau te in Sizaang makaai te kiang ah "Ko koma gam ciat pan simzaw nung ngei " ci inSizaang te hong nu sia in gam sung ah taisan pah hi. Sizaang te zong atam zaw ngamsung ah ki bu in taai hi.Khuasak le Buanman ahaal zawk ciang ThuklaiZaangpitam ah , Maangkaang galkap te phual hong sat leuleu aa amautetawh kilemna a bawl nuam te sam a, pawlkhat te in kilemna vawt hi.Ahihang, a lel nuam lo( surrender nuam lo ) teng le kilemna a bawl nuamlo Buanman&Voklak pawlkhat te tua nuam tuu te in lampuui in,Siallumkul toin, Maangkaangte do veve hi Siallum kul pen( Kulpi, Nupi kul, Kulbaan, Kulpeang, Ngalvil Dum ci in nasia tak a, bawl uh hi.Kulpi pen galte a dona mun pi hi.Nupi kul pen, Numei, naupangte bukna hi.Kulbaang pen kul khat le khat kizopna hi.lKulpeang pen, Pu Enkham te inn khuan bukna hi. Ngalvil Dum pen galte ngamtatna , mu theina tu dum a kito hi.Maangkaang te do nading in, nasia tak a kibawl Siallum kul thumangkaang ten azak uh ciangAgalkapno a nau taang te pai sakin kilemmna bawl a, unau bang om thei nading thu zasak hi. Siallum lampuite in 'Bang ma hun , niam zawlel zaw lo ding hi ung" ci in azo kik zeau hi. Maangkaang te zongh in" kilemna nongbawl nuam kei uh le, 1889 may 4 ni hong kuan ding hi ung. kidawm vun" ci in zasak hi. Siallum lampui te zongh" Hi ma hen, hoih hi. aMan lang kuantavun, Na sisan uh tui luang a hong luang sak ding hi ung." ci in zokik a , asun azan innasia tak kiging hi.4th May, 1889 ni in Maangkaang te Siallum siam ding in ngaldap 380 tawh Thuklai pan kuan hi .The Chin Hill vol 1 na sung lai mai 30 na ahSiallum sim tu in apai 125bek ci hi.Pu Bo Khup Za Thang ii laibu baw;sung 160 ki ci hi.Liim khai khua pan a khang , kamphen Kyaw Thwe ( burma sila ) in lamlak in Thuklaipan Buanman, Mualsan, Nuunpi Na- lun, Taai-khe Taaitaan, Minsii tawnin Siallum sang hong kuan hi( Lamlak pa in Lam khialpih hi ).Maangkaang galkap te hong kuan na thu Na-lun Mual tung pan , galvil a om That Khup tuu, Pu Zong Awn in mu a, Siallum kul a thu zasak pha hi.A dawl a dawl a om galvil pawlte zong. galte mi pha za sim in ,kulpi pan a do tu hong theng hon hi.Lampui khat ahi Pu Vum Mang in galte hong nek taktak ciang, ama le Pu Thang Hau, thakkhat thu, kul pan leng to a, kap ahiman , mangte 2si pah ngal hi. tua pan kipan, khawl nawn lo inkikap uh hi. Tua hunlaitak pen zing sangnai 10 hun ahi hi. Sunkhua kikap aa, nitaknai 4 val dong kikap hi. Maangkaang te in kul ii condition sia thei zo lo. Sizaang galhaang te ii achin khauh na thu phul zo lo hi. Liimkhai khua pan Khatkap ,Kam suak , Son thuam te U nau te in "Ih uule nau te mong siat pet ma ngawl tu ziam" ci aa Maangkaang te nung pan hong kaap ciang, Maangkaang te in Zomi pih adang te in akiim uum sa inlau in tai gawp leuleu hi.Maangkaang te 3 le adang 83 chi hi ( Gawrakhas , Kawl , Vai mi pawlkhat ). A hi zong Chinhill vol 1 page 31ah maangkaang officer 1 chi aa, Captain Mayne le Surgeon le Quesneliam hi. ngaldap 3 chi aa, 8 liam hi ci aa,ciam teh hi gal hahsat mahmahciang aki ngah Victoria Cross sia Surgeon le Quesene in ngah hi.,Maangkaang te galhiam hoih zaw ahiman, nikaai sang ciangin, kido zo nawn lo in, Siallum kulpi pan, gam le minam ading in luang 27 kisialsuak hi, Sisan tuiluang in luang tak pi hi ( hawktui luan in ) Zomi 80bangh aphak sungpan thau lawng 30 bek nei hi.Thau zangh lo teng kulhsung ah kibu hi.Tua hi man, voklaak khua mawk Siallumkul pen kipuah a, mikhempo et thei ding in , asi teng ii min, Suangkaang tungah at in tunidong kimu thei hi.Siallum kul panin gam le nam ading anuntak na a pia teng min, anuai a banginkiciamteh hi.1. -Pu Khup Vum 15. -Pu Zong Thuam2. -Pi Vung Neam 16. -Pu Za Vum3. -Pi Ot Huai 17. -Pi Lam Ciang4. -Pu Khai Suak 18. -Pu Thang Hau 5. -Pu Lian Kam 19. -Pi Uap Nuam6. -Pu Vum Mang 20. -Pu Lu Kam7. -Pu Tuang Vungh 21. -Pi Niang Ciang8. -Pi Huai Nuam 22. -Pu Son Suang 9. -Pu Pau Suang 23. -Pu En Kham10. -Pi Lian Vung 24 -Pi Dim Ngiak11. -Pu Zong On 25. -Pu Pau Lam12. -Pu Pau Suang 26. -Haang Sing 13. Pi Lian Vung 27. – Pi Uap Huai14. Pu Zong onreferenceBo Thawngkhawhau II 1954 zokhangsim na laibu part one .Bo Khup Za Thang ii Kawlkam tawh a at Siallum Fortress ( History ) Lia Esther Cingh Khan Dim ii Siallum Brief ( A ma ii thesis )2006 Sizaang laisim bu tan 4 sung Siallum thu