Cimh Phawng: a lungluut ta ding:
Leitung ah Sazuk tampen na Gam, Canada khawng hi kha in teh cih in, ka ngaih sunsun kha ngei hi. Banghang hiam cih leh a gam leh Gol aa, mipi te bat mengmeng lohna reserve forest cihdan khawng Gisly Bear Vompi ta ding a lim bawlsak mahmah hang ahi hi.
Ahihhang in, ka theih kikciang, SWEDEN pen, Sazuk (moose), Canada sang in, tam nei zaw kici hi. Sazuk tam lua a hihman in, highway te, motor way ... country side te ah Sazuk tawh kitaih, sakhi tawh kitaih cihmah Car Accitdent tampi kumsial in om denh aa, mihing tampi sih lawh zel hi.
Tua, Sazuk le Gamsa dangdang te tawh accident a tawm zawk naang in, Kumpi inh, Highway te, gamsa tamh theihna munci teng, Fence --- Gan daal te, Siik tansakaa tawh limtak in na bawl..sakngiat hi. Tua pipi zongh, themcikcik a kihon na pan in, lampi tung ah na taa veve thei hi. Adiakdiak in, Zingmong leh Nitaak nitum khit, khuaziin cip madeuh in, gamsa te, katazasii lampi tung ah taa nuam deuh uh ahihman un, a kidop huai pen hun ci in, kiciam teh hi.
Daal tawh a ki uum loh na ah belh motor hawl ciang, kidop mahmah kul aa, Sakhi, Sazuk leh gamsa dang tuamtuam te a hon hon in, lampi gei ah taa ziahziah thei aa Rain Deer te bangh zongh muhnop thei peuh mah hi. Et lawm thei mahmah ahihman un, ki enen in, bangmah dang zongh ki ngaihsun beh tuan nawnlo hi.
Nidang in cilehang, Gamsa khawng, Vasa gol pian khawngte ihmuh sial in, kaap pah ding, a saa neekpah ding bek lungsim sung ah om thei mah hi ven, a sawtlam ciang, tua bang lungsim ineih te hong veng semsem ta hi.
Mi te ii, apple ciin na huan sung khawng ah, Sazuk a ki gol viavua khe mahmah te khawng, a apple uh neeksak ding in, hong pai zel thei aa, a huan nei te in, en hiit hiat lel uh hi. Kaap ding tuat see lo. Maan peuh zaih lel, video peuh zaih lel uh hi. Country side, khua taa zaw deuh te ah zongh, khuasung peuh aa Sazuk leh a no te a hon ahon khawng in, lampi ah, mi te inn gei ah pai lel aa, motor khawng, motor cycle khawng tawh pai lehang, lau se lo lel uh hi. Tano nei te, a gei nai aa mi pai leh, Sazuk pii te pen, a tano te hungkhia in gilo thei hi-.
Sabeng nuam lehang, Thautawi theih naang licence neih kul. Gammi suaksa te bek thau licence ki siauh thei. Ahihhang in, ahi lo lam aa, record neisa te thau licence pia lo uh. Thau licence ngahna ding in, tentaan kah sak, theory phii sak, thaukaap kisin sak... a tawm pen, kha 6 sung bangh tendan kah kul.
Sabenh ding ciang in, uut na peuh ah kibeng thei lo. Ani, a nai, a hun, a munh cih tuamtuam teng kipia phot a, tuading .... permit i ngah maaksak kul. Sabenh hun, season om sak aa, tua season lo hun te ah benh khuan ngah lo. Saben licence ngah lo aa, sabeng sim te, kum 2 pan, kum 4 thong kia sak. A thau tein sak. A motor hawlna licence zongh teinsak.
http://en.wikipedia .org/wiki/ Image:Lonesome- Lake-Moose. jpg (Sazuk lim)- eilam aa te tawh a Kii kibang phalo.
Pu Tong Seal
No comments:
Post a Comment