Mikang gal, tua khitteh Mikang missionary te, tua khit Japan gal, cih te tung tawn in Chin Hills a kici Khamtung gam ah, Khamtungmi te nuntakna le thutheihna te hong khang to pha mah mah hi.
Ih pu te (khang masa, 1st generation in ngaihsun leeng) a mau hun in Kawllai tawmtawm athei na om uh hi. Lai thei te' nasep le nuntakna pen lai thei lo te sang ol zaw, baihzaw cih mu ahihmanun a ta te lai theih ding deih sak mahmah uh hi.
Tua tawh kizui in, ih pa te gual(2nd generation) bel lai thei, min le za nei, sum le paai nei, cihbang in na om uh a, Zomi te khantohna kician mahmah hi.
Ei hun (3rd generation pawl- tu laitak kum 35-60) hun sung pen lei tung ah "pilna sangin sumhauhna in thupi zaw hi" cih ngaihsutna in hong khup mahmah mawk ahihmanin summeet kibawlciat a, azawnlawh ih tam mah bangin ahauhlawh zongh ki om hi. Asihlawh zongh ki om a, asiatlawh zongh tampi mah ki om ve ve hi.
Tu hun (4th and new generation:16- 35) khangthak te hun leu leu ciangin , ei a nu a pa mah mah in pilna thupitna telcian pianta ih hihman in, ih ta te pilna ih hihtheihtawp in ih hanciampih kik ta hi. 2000 khit, tu laitak pen pilna le theihna hun knowledge age hi ta mawk a, lei tung mi khempeuh in knowledge lamsang a hanciam mahmah lai tak hi cih pen ih theihsa hi a, computer hun himawk ahihman in ih ta te tua level tawh ih pattah zawh kei mawk le bel, mi banlo ding hi mawk ta hi. Tua hi a, ahau te' ta te mah, pilna sinna ah hong nuamsa uh a, mizawng ta te adingin, pilna sin ding zongh hong haksa mawk zeel hi.
Khangnawnte (next generation 15 nuaisiah) ading in, zongh pilna mah 1st priority; pilna mah 2nd priority le 3rd priority zongh pilna mah hong hi zaw ding hi ta cih pen ki mu khia thei khi zo hi.
Tua hi a, mailam khangnawnte ading khual na in, pilna sinna tawh kisai fund khawng neih ding leh loan khawng nawh vaihawm mah mah le hang hoih ding hi. Tu ciangciang pen, ahau te' ta te bek in pilna sin zo a, azawngte' ta te'n pilna sang sin zo lo cih mah hi ve ve zel mawk hi.
Tua bang paisuak mawk le hang asawt lo in "pilna sangin hauhna mah hong kisam masa" leuleu zel denkeei ding hi.
Keimuhna dan hi ei, guai.
Suanpi
Korea
No comments:
Post a Comment