Kei zak khak thu khat hong kum nuam ing.
Nidangin khatvei tuiphum sia khat Israel gam a hawh lai in Topa nitak annkuang a um uh ciang ann taktak mah gilvah takin ne uh hi ci hi. Tua pen Jesuh in zong ama hun lai a a nekpih pen amau nitaak ann ngeina mah (supper) hi cih a lahna uh hi.
~~~ (ko a mi nautang te ngaihsutna pan) ~~~
LS pen literally a zuih i sawm leh bel ahi theilo ding pawlkhat om hi ciin kei ka ngaihsun hi. Gentehna dingin - "Thungen tawn tung un" (Pray without ceasing) cih bang. Thungen tawntung leeng bang ciang nekding zong ding. Bangciang i kisap teng sem man ding, bang ciang naukem man ding..... nitak ann nek cih thadah zing ann zong bang ciang huan man ding........
Sen te Lai Siangtho ah 'Phim bil vang sungah Sai a lut ding baihzaw ding hi' kici hi. Camel (kalaoh) kici tuan lo dan hi. Sen gam ah omlo ahih man ahi tam ci ing.
Jesuh in, Kei nuntakna ann Ka hi a cih ciangin ama pumpi pen ann tawh a teh hi pak ding hi. Lenggahtui pen tuisik ahih manin sisan tawh a kibang nuntakna a pia a cihna hi ziau dingin um ing. Lenggahtui a san manin sisan tawh kibang a ci hilo ding hi. Amau mehtui pen, ahih kei leh ann tawh a meh uh pen lenggah tui bek mah hi a, mehtui dang zanglo uh hi kha ding hi. Tua a zat mehtui pen 'ka sisan tawh a kibang hi' a ci hi ding hi. Sisan a bat manin 'ka sisan lim hi' a ci ahih ding ka um kei hi.
(Israel te in moh leh lenggahtui pen ann in zang uh hi ven maw).
Vaite in Roti leh Dal ann in zang uh hi. Roti pheeng 3 khawng zial in haizan in valhsuk uh a, a malhsak dingin Dal tui khutdim nih ding khawng dawnsuk lel uh hi. Tua dan in Israel te in moh luum khat leh nih balnen in ne uh a, a malhsak dingin lenggahtui a dawn uh hi ziau hi. Tua pen amau ann ngeina hi ding hi.
Zomi te adingin:
Tua banga a nitaak ann nek tek uh tawh zang ding hi leh pen Zomi te adingin Buhsih leh Meh mah zat kul ding hi. Buhbel a vil pen nupi te hi zel a, ahi zongin tua bang hun ah Pastor pa in Buh a thuk kisam ding hi. Buh a thuk ciangin, Topa kammalte zang ding a, Mehtui a thuk ciang zong Topa kammal te zang ding hi. Tua bangin mipi khempeuh in gilvah tak in ne ding hi.
(Israel te hun ah zong moh balnen pen Nupi te a hih ding um pong ing. Innteek penpen in a len hi kha in um ing. Topa ankuang luina ah amah a innteek pa ahih manin aman a balnen hi ding hi).
Na tha ding, na sisan ding uh kong luikhia hi. Hih ann pen keima sisan leh keima sa tawh a kibang hi, acih nopna hi ding hi.
Kei ngaihsut dan ah:
A THU thupi sa ing. A zatdan thu tuam kik zaw. Topa zatdan sese zuih sawm a moh leh lenggahtui nek sawm teitei ihih tawntung leh bel ahi thei lo thu hi. Zomi te in moh pen ann in kine ngeilo hi. Lenggahtui zong cikmah in anntui, mehtui in kizang ngeilo hi. Hih te mikang dan ahi hi.
A lim ciinna bek ahih leh bel thu tuam kik sa ing. Limciin pen a kizat theihna tampi tak om mah hi. Tampi zong beilo hi. Ahi zongin "Tu'n Israel mite annek dan ciing ta ni ei" cihna tawh zong ki bang phial hi.
Dohkan/sabuai/ table lianpipi i neih a, sabuai khat tungah sia khat maw, upa khat maw in moh a balneen kisam kha ding hi. Biakinn khat ah zong sabuai tampi neih kisam kha ding hi. Biakinn zong khaan 2 beek a phak kisam ding hi. Puantualpi vive zong i silh tek kisam kha ding hi. I sam khawng zong i bil ciangciang beek i hawi ngai kha ding hi.
Hau Za Cin
Phuitong Liim
No comments:
Post a Comment