Zomite ading Cimphawng khat

From: Langh Suan Cin Subject: [ZONET] Hello! Zomi ( Ciimphawng Kipuah kawm ) To: zomi@yahoogroups. com Cc: ZISweden@yahoogroup s.com Date: Wednesday, 30 December, 2009, 5:31 PM Hello! Zomi, Khaihleh lawm Zomi ... 2009 sung aa, ihguallelhnate nuihsan hieuhiausa in nusia ni-in la, ihgualzawhnate tonpihto in, 2010 sung aa, ihgualzawh lai dingte ngaihsun kawmsa in nui dihni ei leh...phot zawzen ah maw... 1. Malaysia pan aa, USA ah aleng Vanleng tung ah Bill Gate ciimlua mahmah ahih ciang agei aa, amah guak anuisimsim Zomi khangno Tungpi kiang ah, Thu kidong ni-in kei kongdotte natheih kei leh nang kei 5 dollar hongpia ding nang nongdotte ken katheih kei leh ken nang 500 dollar hongpia ding na ut na? Ut maw...ken hong dong masa ning ei leh. Bill Gate --- Leitung leh Khapi tai bangzah kigamla aa leh? Tungpi --- Ken kateh ngeilohpi kigamla ngello dia, theikhangh ei...5 dollar den ciang hongpia ning ei na ciamteh au. Bill Gate --- Ha.ha..ha... haisi cia... tai 238857 hi ei ciamteh au...nakhantawn. Tua ahih leh khat hong donglai ning ei...Tuni tuhun ciang dong leitung ah Mipilpen aa, akiciamteh pa kua ahia leh. Tungpi --- Sese cia leh katheihloh teng hong dongkha sese teh sese...sese. .. 5 dollar den ciang maw. Bill Gate --- Naak hai tatak ciai...Zomi Khangthak Tungpi aw zawzen teh. Nang sangh aa, ahai zaw pa zongh nang zah in hai ken teh. Albert Einstein ( Israel ) hi ei. Nang hong dongta au leh. Tungpi --- A suak tung aa, khe li nei, kum khat aphak ciang khe nih nei in, kum thum aphak ciang khe anei nawnlo Ganhing bang aleh nathei na... Bill Gate --- Kangaih sutsut hangh lah katheizo mahmahkei vial aa, vial mahmah aw vial teh...heau 500 dollar bang ganhing aleh genpah au. Tungpi --- Ken zongh theikeng ae...heau 5 dollar leh den aa kongbat 10 dollar. Tungpi in 485 dollar aip sung ah aguan phitphet khit ciang amah guak nuisimsim kikkik leuleu hi ci. 2. Tedim ah galkap gambuluh mangpa Thanswe pai aa, papi teng in Thau lawn in Mipiten hagawisa in muak zihziah uhhi ci. Pu Lian --- Bawi...Tungpi hongpaisin tua thauging ngeingai abang vai ahia...lawng tam kilawnsi ae. Tungpi --- 2010 kitel ding vai tawh kisai agen ding aa, Thanswe Tedim ah hongpai hilo maw. Pu Lian --- Lawngtam tawh kapsi uh kapkhat aa, khalo uh maw...lawmhlawmh. ..muitang kei si uh ae liakluak geuh. 3. Kawlpa --- No Zomite bel na Pasian uh kimu lah kimu theilo um mahmah pongmawk naak haivai uh teh. Zomipa --- Na Nu pen na Nu takpi hi ci-in na um na? Kawlpa --- Um mahlo dia kaNu takpi mah hi ven. Zomipa --- Na Pa ae le... na Pa takpi hi-in na um na? Kawlpa --- Um mahlo dia ka Pa takpi mah hi ven. Zomipa --- Nang mu maw leh? 4.Galkap thukanpa --- Koi Tungpi kha nah lii Insein giilbem ah hong zuipak dih au. Gamthu gamvai ( Politics ) nasem ve leh. Tungpi --- Na kha nah lii uh bel lipkhappian ing in, abang hilaizang ahia...ken gamthu gamvai kasep zenzen lohpi. Galkap thukanpa --- Hiah! na innsung ah politics tawh kisai Van tampi aom ve leh. Tungpi --- Politics tawh kisai Van tampi kaneih hangh ken politics sem kikeuh kilkel keng. Galkap thukanpa --- Kinawhsin kinaupang khemkei dihni. Tungpi --- Tua ahih leh Numei tampi buan hi cih mawhna tawh hong manvet vo. Galkap thukanpa --- Dihlaizang inah nang Numei nabuan zenzen lohpi. Tungpi --- A Van kanei ve leh. 5. Sia Thang --- Tui pen Mihingte ading thupi mahmah hi. Hei...Tungpi abang dia laihilh laitak kimawlmawl na hia...awngawng zolo ding kai maw... gilkial tawh niangtui man ding neihloh tawh ding in la, Tui amanphat danzia gen sin. Tungpi --- Tui pen manphalua mahmah hi. Tui om kei leh Mihing ten tuipek theilo ding hi hangh, tua hi leh ihvekpi aa tuikia in asi ding ihhi ve. 6. Winston Churchill --- Gammakai kicianpa in Mipite tung ah zing ciang bangpiang ding cih genkholthei ding aa, azing ciang agen bang aa, banghangh pianglo cih ahilhciantheih nangh pilna neihkul hi. 7. Sia Pipa --- Lianpu abangci nenghnangh na hia, laihuan sim aa, atawpna nangahden keei namai zongh azum in zumlo maw delhdalh teh. Lianpu --- Ka inn vuah kaNu leh kaPa kiboxing den keei in lai kisimthei vetlopi bangcih ding. Sia Pipa --- Na khawl au...naNu bel theiveng in naPa kua himawk aale. Lianpu --- Tua vaai mah hiveh aw...akitottot na uh. 8. Nelson Mandela --- Africa gam ah Mikangte Lai Siangthobu tawi in hong pai uh aa, thungen ding mitsi vo, hong ci-in ko kavek vua mitsipah ngeingai, kahakkik uh ciang koikhut sung ah Lai Siangthobu om in amaukhut sung ah kaleitaang teng uh om. 9. Charles W. Eliot --- Harvard University pen pilna namkiim kigawnna sanghoihpen banghangh hongsuak hiam cih leh, sang naupangthak tampi ten pilna siamna tampi hongpua in Lukhu nelkai ngah ten tawm bek puakhia uh. 10. Wilson Mizner --- Lai gelhsiampakhat ee laigelh pen agelhkik pa laiguta Mipoi kici napi Lai gelhsim Mitampi laite agelhkikpa Mipil kici sese. 11. Zomi Khangthak tangvalno khat in lukun ngeungausa in Thu hong ngaihsun ek aa, Pasian tung ah thu hong ngen hi ci... "Topa Miten tuma kum tampi laipek aa, Vanleng bawlkhin in kei khatvei beek tuangkha cih thadah kakhuazang vua vanleng aleng mule ung galtungta ding ci aa, atai tawh, cilkai liang aa, aen heha tawh nu ei kagen thadah, Miten Mawtaw bawl ziahziah in ken hawlthei naailo, Miten Computer bawl zuahzuah in ken leizolo zawzen zumlua ing, Miten company lianpipi tawh million, billion ciphangphang napi kei naikhat 9 dollar khawng tawh kawngna, tangaaina, ngawnggui na, ihmut cimlo mitsan nelnal, khuisasa kawm aa kipei gaigai in... nawt, phiat, sawn, sawp, kai, pua, zial... Topa aw thu ngaihsun in Zomite hong mudah tamai nahiam? Hong sianggen in, thungen in kong phatphat vevua leh, hia tak aa Mikangte Japante khawng in nang hongphat cih thadah hongthei beekkei uh naup kei leh dong teekteek in ka takpi hi Topa aw...Topa Midangte akhuak uh ahoih apil aa, bawl napi cin abang dia ko Zomite Khuakte hakkolsui, sailungtang hual, sialdaikhak, sakol nungzui..... .." Ci aa thu anget ngaaungaau leh Khuak kizuakna sai khat Pasian in phawksakvat aa Khuak lei ding in taipah vingveng hi ci. Khuak sai ah Zomi khuak, Japan khuak, USA khuak, Germany khuak, Sweden khuak, Englang khuak...khuak. ..khuak.. ..Khuak namkiim lah ah Zomi khuak tamman pen aa, alei ding Mi kigual detdat hi ci. Zomi Khangthak --- A bang dia Zomi khuak tamman pen ahia bilbel kei bang Zomi khuak deihlo aa, Sweden khuak alei ding aa, hongpai hi veng. Khuak saineipa --- Khuak dang khempeuh akizanghzanghsa, alui vive hi-in Zomi khuakpen akizangh naivetlo athak sitset ahih hangh hi. Zomi Khangthakpa zongh khukdinsa in " Aw Topa hong maisak in nangh Mi khempeuh nong itna kibang kakhuak uh zongh akibang aa nongbawlsak hinapi ken zanghlo apcipsak, keekseu sak, thu ngaihsunlo, kei leh kei kineu et, kimuanglo, lungkia pahpah, um zolo, Mikangte bek in asemthei abawlthei sakha theita ing ei... Topa...theita ing... tua aa kipan kakhuak zangh in HunThak ah gualzo aa kakhuak hong bawl kaTopa... namin hongthangsak Zomi Khangthak kasuah nangh hanciam ning ei... Topa... hong en gige au. Na sanggam Cinpi ( Hello! Zomi )