Posted by: "Hau Za Cin" suante2002@yahoo.com suante2002
Thu Feb 12, 2009 12:26 pm (PST)
TONGSAN Editor Sia Khampeek in, "Zomite hai khem ziauziau theih nawnloh hi, mit pil, mipil, khuamu kiukiu ki omta ahih manin thukupzia zong khek ngaita hi.... " acih hong phawksak hi. Zolai pen mi-a hi, Zomi-a hikei, a nei masa om, Zomi ading bul pat kul... cih dana mipi a khem sawm, mipi lak ah "kei sep kizang leh, kei cih kizui leh" cihnop mana vai thak, thuthak pat sawmsawmte adingin maizum huaita, tua bang ngaihsutna picinglo tawh kalsuan sawm pen 'haivai' hong hi kiukiu ta hi. Kawlngian tawh kihai khem ziauziau cih pen hithei nawnlo hi cih hih a nuaia Sia Peter Suumpi hong kup thu pan kimu thei hi.
Zomite in a vom pen 'vom' hi cita, a kang zong 'kang' hi cita, a diklo peuhmah 'diklo hi' kici lianlianta hi cihna HUNTHAK sungah i lutta hi. Lungdam hang.
Hun thak ah Zomite kilutta a, koigam hiam khata zawhthawhthu, force, aana tawh mipi nawkgawp tawh kingah nawnlo hi cih i theih hunta hi. Zomite a pillo hilo a, hun khat laiin a pilna uh nangawn kisikcip sak, kinengcip in a om hizaw a, suakta taka lungsim a zattheihna mun uh pan (where the mind is without fear) Zomite pilna hong kilang khiakhia ding hi. Tua manin CHANGE cih pen Obama in a zatma pek in Zomi sungah a om khin hi.
Zomi, Zolai, Zongeina mite in hong hazat manin a ut bangin gen ding uh hi. Ahi zongin ei bel phamawhsa loin Saipi paiin pai ding hi hang.
A gahlo singkung suang tawh kideng ngeilo hi. A hoihlo naate kiko ngeilo hi. A hoihlo mite kigensia ngeilo hi. I phakloh, i demzawhlohte bek a ki-el, a kihaza, a kidem hi a, Zomite mite in demtak hong sakloh ding, kotak hong sakloh ding, gensiattak hong sakloh ding dahhuaizaw hi.
Zomi aw, Saipi paiin pai in.
Move on Zomi.
Hau Za Cin
Phuitong Liim
No comments:
Post a Comment