Manipur Express Feb.18, 2009 ni a suak hih Zomi Pilot tangthu hong khahsawn ing. Khangno hih bang sem thei i om pen lungdam mahmah hang. Topa in Tg. Mang thupha hong piaksak ta hen.

Zosuante lak a Pilot license ngah masapen hidi¹n gintak huai
Paulunmang Kawpsiam in America apan Commercial Pilot License ngah
Lamka, Feb 17: Mr Paulunmang Kawpsiam s/o Upa T. Thang Thiang of Langgol, Imphal in tunai chin in United States of America apan Commercial Pilot License ngah a, Zosuan/ Zomite lak ah Commercial Pilot License ngah masapen hiding in gintak huai chih thu kiza hi.
Upa T Thangthiang leh Nu Nemkhoman te gil a gah goutan 6 te lak a a 5 na Paulunmang in 2006 kum in 10+2€ ¢Â (Science) a, huchi€ ¢â’ ’¹n a neu apan a lunglutna Pilot sinding in kisa a, July 2006 in Asia-USA Aviation kichi Indore, Madhya Pradesh ah selection ngah hi. 2006 July kha in training pan pah a kha 1 leh akim vel a training nung in hih hoih mahmah in Florida , USA a Kemper Aviation University a maban sunzom thei ding in lawhchinna ngah hi. April 2007 in United States of America tung a, training pan ngal in kha 3 nung in Private Pilot License la a, a ban kha 6 nung zawh in Instrument Rating ngah nawn hi.
Huchi¹n, kha 6 sung in Mr Mang in a thil zilpih (a lawmte) mi 5 in lenna kiat (accident) ziak in sihna tuak ua, tuabang thil atun ziak in FAA (Federal Aviation Administration) in hiai Institution khak sak guih uhi. Kha 6 a kivei zawh June 2008 in Cessna Pilot Center ( Airborne Sysmtem Aviation University ) Florida ah training sun zawm thei nawn uhi. February 11 2009 in Mr Paulunmang Kawpsiam tel in a batch mate mi bangzah hiamte kiang ah training zawh taktak na CPL (Commercial Pilot License) Asel + Amel, Instrument rating, Multi engine rating, CFI (Certified flight instructor) ban ah CFII+MEI certificate te piak in om a, amaute Pilot ding in chin (qualified) mahmah ahi uh chi uhi.