Vitamin beisak: Aaluu sawplo in meet pah, meet khit teh sawp- aaluu aniinpi in imeet pah aa, i meet khit teh isawp pan pen, adat hoih teng beimang sak hi. Aaaluu a hawng leh a tak, kikaal vitamin tam pen, omna hi ciitciat se hi. Aaluu meet aa, ahawng vok an, ding ipaih pen, vok te in, vitamin omna teng a nekhaa hi zaw hi. Vitamin tamsak:Amasa in, sawmsiang phot in. Tu khit teh hawng kiat in laa- sawp nawn kei in. Na deih ciah phel in, huan suk in. Tua leh vitamin tam kipaai khia lo hi. Aaluu, meet lo aa, pumhuan aa ineek pen, vitamin tampen kingah hi. I meet sang in, ahawng kiat zaw lehang, vitamin ei aa ding, tampi taangzaw hi. Em le hang zongh vitamin tampi taang hi. Amin cianglian em ding, minsak lua (mei kaangsak kha phial) lenglah vitamin kiam kik. Tuikhuu tawh (steam cooked), amin dong huan lehang zongh, ineekciang vitamin tampi omsak, hong ngah sak hi. Ih an neek lah ah vitamin atam hang, athuuk (vitamin C), itam neekciang luat ciang, vitamin dang ineeksa te kiamsak hi. Aaluu pen, khuavak ngahna nitang ngahna te ah koihding hoihlo hi. Aaluu hong engpah hi. (green), tua aaluu eng pipi, pamaihsa aa ineek leh guunee tawh mah kibang hi. Cidamna ding hoih lo hi. Aaluu nakhol na, ip sung, anbuuksung, beem sung ah, khuavak ngahsak kenh. Naugilnei, agaai te in, tua aaluu eng neleh, a nau suah takciang in, bil neilo, muukkhi cih bang, melhem in, nau suaksak thei hi. (deformed), ahihang in, muuk khii natna pen zongh, sisan guizuih thei zel hi. Aaluu, phel lang- amuatsa namuh leh a hoihlai phel lang teng, pamaihsa in, huan teitei kei in. Lungno te, aaluu pum buppi in kizelh ta hi. Paih ding hi zaw hi. Aaluu in, mithausak baih hi. Sihuih sung, sathau tamsak baih hi. Buh sang, cholesterol tamsak baihzaw hi. Mi a gawng te zongh, cholesterol tampi nei thei aa, athau te zongh cholesterol tawm bek anei zongh om veve thei hi.
Vitamin tawmsak:
Anteh ihuan ciang, mal masa aa sawp pan lehang, vitamin kiam sak. Soda khawng, cih khawng khah pah lehang, a vitamin teng beisak tuam hi. Anteh min lua le zongh vitamin beisak hi. Tui huan lehang zongh a tui sung ah vitamin tampi kia hi. Athuuk tamsawh leng zongh vitamin tampi beisak hi.
Vitamin tamsak:
Atawn in, sawpsiang siset phot ding in, atawn in huansuk pah lehang, vitamin tampen. Ineek na bel nawngkaai zawdeuh ven cin. Sawpsiang khit teh, mal pan ding. Amin dekciang, cii khah pan ding. Soda khahlo hoih zaw. Athuk tamlua khah lo ding. Saa ineek ciang, anteh neek teei teei ding kisam. Ahang pen, sa ineekciang ipumpi, i gilpi cidamna ding, tampi kiamsak- anteh hing te ineek kikciang, i si le sa a kisiatna ding tampi dal tuamsak hi.
Chiin Maung Teh San:
Ih neekciang in, gilpi cancer dal hi. Mehthuk ineek denna pan in zongh cancer natna tuamtuam te daal hi. Singah nikhat pumkhat nelehang, natna dal hi.
Alim ding ideih leh:Mehthuuk khawng ihuan aa, meh khawng ibawl ciang in, amin mahmah in kang lehang or huan lehang lim pan hi. Vitamin tamding ideih leh a hing aa neek hoih pen leuleu hi. Ahih kei leh sawtpi huan lo ding. A sein kyaw cih khawng te ah vitamin tam pha deuh hi. "A sein taww na cih uh min pepeuh Oo"- [vitamin tam zaw]
No comments:
Post a Comment