ZOMUS Khuado Pawi 2008

ZOMUS Khuado Pawi 2008 Yangon DVD - First Impression
Posted by: "Carey Suante" mailme_carey@yahoo.com mailme_carey
Mon Jun 1, 2009 11:31 am (PDT)



Nung kal sung in ZOMUS leh Zomi Idol dvd hong tung a, ZOMUS Khuado Pawi 2008 Yangon ka first impression a nuai a bang hi.

ZOMUS 2008 Yangon: First Impression

La - La 13 bang om a, lasiam khangno kibehlapto zel cih kithei hi. Thein Khai leh TuaTuang sak Zolianu hoih kasa pha diak hi. Tuun Sung Khat Pan cih Stephen Vocal Bandte´n a sak uh, siam mahmah uhi.

Fashion - Fashion show ciin Zo puan tuamtuam tulai design tawh a kibawl hong kilak hi. Mopuan zong Zo puan mah tawh a kibawl kilak hi. Fashion Designing lam ah tua zahpi-in professional nailo cih ding hi. Zopuante kipuah sawm cih ciang ah thupi himai hi.

Videography - Video zaih zong deih bangzo taklo hi. Khong kihei vatvat a, limtak en leng lung bang am zo phial ding hi. Hih bang pawi leh mipi omna ah video late in mi bang zah pha, a hall bang zah lian cihte a video lak uh tawh a dawn theih ding uh kisam hi. Video i et ciang tuate kingaihsun masa hi. Fashion segmentte bang ah bang close-up shot omlo leuleu a, bang puan silh a, bang ci design cih kitello hi.

Cover design - ZOMUS cih min pen deih bawl lua kisa in, Khuado Pawi kum 2008, Yangon khua ah kibawl a hih lam theihtheih zawhlo phial ding in DVD cover tung ah ZOMUS cih kilim suan hi. ZOMUS pen kipawlna min hiloin a pawi min ding bang zawzen hi. ZOMUS Khuado Pawi -Yangon pen a kisimtheilo phial in a DVD tung ah kisuang hi. Colour zong a ngo/white tamlo a, gial mahmah bilbel hi.

Zolaam - Zolaam lahna kicingtak in om a, lungkim huai mahmah hi. Hih bek hang in zong keptaak leh leitaak hi. Dr Kham Do Nang leh Rev Dr Cin Sian Paute makaihna hi.
Zo musical instruments - Zomite musical instrument tuamtuam, dak bu, phiit, khuang, etc Rev Dr Cin Sian Pau in a puahphat hong lak a, thanop huai mahmah hi.

ZOMUS in mailam ah Zomi Idol leh Zomi Concert (music tumsiam kidemna ngiat) puahto ding hi. Singapore, Malaysia leh US ah branch neita a, India leh Europe ah zong branch hon ding lunggulh mahmah uhi. Zo ngeina laam, Zola, Zopuante DVD ah kikem theita ahihmanin lei teitei in!

Note: Hih dvdte June 7 ni-in New Delhi ah kihawm khia ding hi. Online ah na etnop leh Phat Den Ning, Ka Hu Tawp Dong leh Zomi Naupangte Fashion Show ettheih hi.

Carey Suante
New Delhi
www.zoaw.blogspot. com