THANGHO leh LIANDO BANG IN

Posted by: "khai boi" laizomzomi@gmail.com
Fri Jun 5, 2009 3:01 am (PDT)

Ei Zomite paunak khat ah "Munkhat lam-ah guahzu munkhat lam-ah
nisa" ii cihmahbangin, 1996 - 1998 kikal sungteng Manipure ah ii sang-gam
thahdou tetawh kitelkhiahna hangin buainalianpi hongom-a kawlgamlam ah
adiakin CIKHA, KANSAUZANG leh akim-a khuate ah galtai honpikhat hongom ngei
uh hi. Tuatepen inn leh lo kipia, kilamsak in et-theih tawp hihtheihzahin ki
entek hihtuak hi. Tuate amauzong mangngilh lo uh hihding hiven mautam kial
hangin anntang leh atuamtuam tawh huhna hongpia uh a, adeih angahnuamkhuate
adingin ngetna laizongh aform a-om in kingenthei hihtuak hi. Tuacibang huhna
hongpiakciangun ngenpahngeingai uh-a ngahpahziahziah uh hihtuak hi. CIKHA
khua te leh KANSAUZANG khautenzong ngenkhawm uh a, Cikha ten ngahin
Kansauzang ten ngahlo uh hi. Ahizonghin CIKHA te thusiam uh a Thangho leh
Liando in mimtang taangtang aphelhawm uh mahbangin angah khalo akhuaveng uh
KANSAUZANG leh KHUADAM khuate hawmuh cih kabilsung ah kanagalzak ciaiciai
hi. Hihcibang ki-itna kilainatna pen ZOMI te ngeina, Zomi te khat leh khat
ki-itna lahkhiatna ahihmanin thupi mahmah kasa a, Dr.Cinpu pau kawmpakleng
ZOMI hihmah nuamzel ei cihdinglongal lungsimsung ah bangmahdang omloliang
hi. Hihcibang ki-itnate khahsuahloin apungsak akhangsak akizelsak dingin
laisimkha mimal kimin hanciam tekni. Kithutuahna kipumkhatna kilainatna khat
leh khat ki-huh nain minam cidamna leh khantohna namkhat hipah hi.ZOMI te ii
kithutuahzawk nading leh ii khantohzawk nadingin ii Biak Pasian in kialpi
leh Talpak singnuaimite hongzang ahitam ci-in, kazalna laikhuntungpanin
kangaihsunthei zel hi.

Khaibawi