Ih hihna ih hihlohna in kilang sak ding

Ih hihna ih hihlohna in kilang sak/ Ih hihlohna ih hihna in kilang sak ding
Posted by: "suang dal" suangdal@yahoo.com suangdal
Sat May 30, 2009 7:08 am (PDT)





Cain mah bangin na keel lu phum (Character) hong kilang ding
Â
Thupat nading thumung
…the tree is known by its fruit (Matthew 12: 33)
Singkung a gah-in kithei.
For out of the abundance of the heart the mouth speaks (Matthew 12: 34)
Ngul bangin ngian a zang note aw, mi gilo na hih uh ciangin bang ci-in thu hoih gen thei mah ding na hi uh hiam? Banghang hiam cih leh lungsim sunga thu om pen kamin a gen khia hi bek hi.
Mi hoihte in a hoih a khol teng suah khia a, mi gilote in gitlohna a khol teng a suah khia ahi hi (Maththew 12: 35).
Â
Cain le Abel (Genesis 4: 1-16)
Cain le Abel taangthu ih sim ciangin Abel in tuu kempa hi-a, Cain in lo khopa ahi hi. Cain ii lei pan-a piang gah tawh piakna nei a, Abel in a tuuhon tacilte le a sa limcite tawh piakna nei tuak uh hi. Topa in Abel le ama piakna thusim a, ahih hangin Cain le ama piakna thusim lo hi. Tua ahih ciangin Cain heh mahmah aa a mai sia hi.
Hih lai mun ah banghangin Pasian in Cian piakna sang lo sese hiam? Cih kidong thei zel hi. Rev Gho Khan Dal in ciamnuih le cihtaakin Pasian in zong muinam mah ci zek hiam aw Abel ii tuu sa tawh piakna a san sese ci ngei hi. Pasian pen muinam tawh kikhem zolo ding hi. Pawlkhat te leuleu in Pasian in sisan taakna a kal hi. A Tapa Jesuh Khrih Sisan luan lohin a phatmawhna a hong musak kholkhol ahi hi ci hi. Tua bang hi leuleu lelah Pasian’ deihna pen Abel in kamphat thu tawh a tuak kha daan hong suak zel hi. Pasian’ deihna le pahtaakna pen tua bangdan aa kamphat thu tawh tuah vat theih hi lo hi.
Bangbang hi leh, (if we interpret the Scripture to the Scripture), a hang (reason) pen thu-nung le thu-ma (before and after) a thei khol Pasian kammal mah en masa rehang:
Â
Thu-ma (before)
(Cain a keel lu phum a kilat ma a lungsim a thei khol Pasian hi)
Topa in Cain tungah, “Banghangin nang heh a, bang hangin na mai sia ahi hiam? Lim takin hih lecin, nang hong kisang lo ding ahi hiam? Lim takin na hih kei leh nang hong hih nuamin mawhna in hong buk a, nang hong uk nuam hi. Ahih hangin nang in tua mawhna na zawh ding ahi hi,� a ci hi. Hi lai mun ah Cain in a lungsim takpi tawh Topa aadingin limtakin pia lo ahihna kilang hi. Pasian pen lungsim pailet dongin a mu Pa ahih manin Cain ii a khol khinkhian a lungsim thei khol pah hi. Mihing te pen ih lungsim siang peuh leh kiheh lo lel hi. Cain in zong Abel na that sese kei hen la lungsim maan takin na om suak hi leh Pasian’ in ama aa a thupi sanlohna pen dotna (question) dot theih kha ding hi. Ahi zong tu-in a hang ahi tua a kibua khia Abel’ sisan a hup leitang Topa’ tungah kiko khin zo ahih manin ih vai siang pah hi. Dot ding bangmah om nawn lo hi. No more why? The evidence is perfect although the evidence is not the cause.
Â
Thu-nung (after)
Piancil 4: 8 pan’n sim suk lecin, Cain in a sanggampa ong that hi. Hi lai munah Cain ii lungsim pen a patpan ki pan a man lo ahihna a keel lu phum ong kilang khia hi. Pasian in Cain piakna a sanlohna a hang Cain in a sanggam pa a thahna pan hong kilang hi. Matthew 5: 24na ah “leave your altar and go. First be reconciled to your brother, and then come and offer your gift.� Tua ahih manin Pasian tungah biakna pia dingin biakna tau mai-ah na om laitakin na sanggamte khat peuh na tungah a lungkim lohna thu na phawk leh, Pasian na biakna ding nate a biakna tau mai-ah nusia photin, pai-in na sanggampa tawh va kilem phot in la, tua khit ciangin ong pai kikin Pasian biakna pia in� a cih le Cain sepzia kilehngat hi. Cain in a lungsim maanlo pi tawh biakna pia photin tua khit ciangh a sanggampa that lai hi. A thu-ma aa Pasian’ genkholhna ih um nuam kei phial zongin lungsim manlo-a a piakna pen a thu-nung ahi a sanggam pa a thahna pan kilang veve ahihna
Pasian kammal mah in hong gen kik hi.
Topa in “na sanggampa Abel koi-ah om ahi hiam?� cih a dot ciangin, amah in, “Ka thei kei hi; keimah in ka sanggam a kempa ka hi hiam? Cihsan lai hi. Bangzah ta-in lungsim manlo ahihna Pasian na ngawn khem lai hi ven. Tua aih cianga Topa in, “Nang bang hih na hi hiam? Na sanggampa sisan, lei lak panin kei tungah hong kiko hi� na ci ta hi. Hoih tak aa a piak lohna a lungsim maan lohna khat khit khat hong kilang toto hi. Singkung agah aa kithei hi ven. Ih lungsim puak zia ih lei (tongue) in suahkhia pholaak khia hi ven maw…
Â
Tu-in Cain piakna aki san lohna pen, Cain in Pasian’ aa ding limtak ahih lohna, a lungsim a maan lo khin a hihna. A sanggampa a hazatna lungsim khempeuh le a tung a kipat aa a lungsim maanlo a keel lu phum khempeuh a sanggam pa a thahna, a that bek hi lo-in Pasian a khem lailai na te panin khat khit khat hong kilang toto-in, nial theih loh zahdong in a lungsim a maanlohna le Pasian’ aading piakna limtak a hih lohna ih tel ta hi. Lei pan aa piang tawh a piakna hang hi lo hi. Abel zong tuuno sisan taakna tawh piakna a bawl hang zong hi pah tuan lo hi. Pasian’ thupi sim biakpiakna pen kam thu khawng tawh a kingah kha vat hi lo hi. Abel in kam thu tawh Pasian ii thupisim biakpiakna pia kha citciat hi cih bang thu om thei lo hi. Pasian pen kam thu khawng tawh nasem hi lo hi. Pasian in lungsim maan kal hi. Tu hun ei Zomi te zong gal le sa kithah ki-aihna le ki tungnun tuh biakna, paaina le khanglui ngeina pan’n lungsim maan tawh Pasian aa ding biakna
ih lui’ theihna pen Lungdamna Thu (the gospel) hang bek ahi hi. Ahi zongin tu-in ih ki puah phat kik ding tam ta hi. Ei Zomi unau sung nangawn ah zong sum ih ki lei tawi ciangin lungsim maan lo tawh ih kileitawi hi. A meet-a-pung a kilawm lo-in ih kila hi. Tua bang tawh Pasian’ biakna tau mai ah ih paipai lai teng Cain a bang ih hi lel ding hi. Matthew 5: 24 na ah, “Leave your altar and go� a cih tawh kipuah pha kik dih ni ei guai!
Â
Ih hihna ih hihlohna in kilang sak / Ih hihlohna ih hihna in kilang sak
(Our being is evidenced in our character. But the evidences are not the cause)
Guta khat pen a guta ahihna gulo aa a om theih lohna in kilang sak hi. Mi haza khat pen mi haza ahihna hazaatna kampau lo aa a om theihlohna in kilang sak hi. Naa hoihtak aa a sem lo khat pen naa hoih aa a sem loh a hihna, na hoih mahmah sep ding a sawm lohna in kilang sak hi. Tua mah bangin mi hoih khat pen mi hoih a hihna, a hoih lo naa a sep theih ngiatlohna in kilang sak hi. Kawlgam ah tansawm lai a ki huan ciangh a etteh nuam lo, a etteh thei lo mi hoih tam mahmah veve hi. Ih hihna ih hihlohna in kilang sak ih cih mah bangin ih hihlohna zong ih hihna in kilang sak hi. Va-ak pen Utong a ut hangin piang thei tuan lo-in a va-ak hihna kilang veve hi.
Â
Khrih’ tuu ih hihna Satan’ tuu ih hihlohna in kilang sak hi. Satan’ tuu a hite Khrih’ tuu a hihlohna un kilang sak hi. Ahih hangin tua a kilang sak evidences te pen Khrih tuu hihna ding aa hong khaktan (cause) hi lo citciat hi (Ih hihna hong kilang sak nate pen a tua ciding mah aa hong siam nate hi lo se citciat hi).
Â
John 10: 26, 27na aa, “Ahi zongin note pen keima tuu hilo na hih manun Khrih ka hih lam na hong um kei uh hi. Keima tuute in ka aw za-in thei uh ahih manin kei hong zui uh hi� a cihna ah, Not being Christ’s sheep was not the CAUSE of the unbelief of the Jews, but their unbelief was the evidence that they were not Christ’s sheep. Khrih’ tuu hih lohna pen tua thu-umlo Judah mite ii aa ding aa kikhaktanna (CAUSE) hi lo zaw hi. Tua sangsikin, amau te ii uplohna (unbelief) penin Khrih’ tuu ahih lohna uh tetti-a-thauh- a-thaa (evidence) na hi khin gige hi. Mi khat pen Khrih ii tuu ahih lohna Khrih a uplohna in kilangsak hi. Ih hihna ih hihlohna in kilangsak hi. Ih hihlohna ih hihna in kilangsak hi.
Tuamah bangin Cain zong lungsim maan tawh limtakin Pasian aa ding piakna a piaklohna, sep ding aa kilawm lo teng a sepna a gah pan hong kilang hi.
Mi gilo a hihna mi dik a hih lohna in kilang sak hi. Zuau genpa a hihna thu hoih thu maan a gen lohna in kilang sak hi. Cain lungsim a maanlohna le limtak aa a hih lohna pen a kholkhol a tawpna ciang aa a suahkhiat a gitlohna in tetti pang hi.
(Character) I hihna maan tak pen kuama omlohna aa ih hih khiankhian ih sep khiankhian pen ih hihna maan ih (character) ahi hi.
Â
Cain zong a character maan pen a hih khiankhianna te pan’n hong kilang khia kiangkiangh hi.
Nang le kei e leh?
Your Character is more important than your ability or your degrees.
Cain Character? Abel Character? Or yours Character? Or Character in Christ?
Leave your gift there before the altar and go. First be reconciled to your brother, and then come and offer your gift…Matt 5: 24
Tua hi kei leh Christian hi ing na cihcih hangin Cain mah bangin a tawptawp na-ah na keel lu phum (Character) ong kilang ding hi.
Â
Â
Â
Tg. Suang Dal
Zozaang
Tawmvei
Manila