1. Pa (the Father), Tapa (the Son) le Kha Siangtho(the Holy Spirit) sung panin Tapa in a thuakna le a sihna le a thawhkikna tawh mawhnei mite ong tankhia hi.
(Biakna tuamtuam te in zong hotkhiatna le gupkhiatna thu nei tei napi-un Thumgawm Pasian' Tapa Jesuh Khrih' Tatkhiatna thu nei lo gige uh hi. Tua bektham lo-in tuhun Pasian' thu gen tamzaw in ong hotkhiatna le ong gupkhiatna thu gengen napi-un ong tatkhiatna ci lo citciat se uh hi. Ih theih dingah Tatkhiatna omlo hotkhiatna in a si biakna hi. Jesuh Khrih' Tatkhiatna mitsuan lo hotkhiatna, Jesuh Khrih' Tatkhiatna siksan lo gupkhiatna in zuaupi hi. Tatkhiatna kihel lo gupkhiatna in a si hi. Faith apart from work is death. The work that is done by Jesus Christ alone. Justification by Grace through Faith in Jesus Christ alone).
2. Tua mah bangin Hotkhiatna(Salvatio n), Tatkhiatna(Justific ation) le
Gupkhiatna(Sanctifi cation) hih thum teng lakah ei mawhnei mite' aa dingin ih thumung pi pen Tatkhiatna (Justification by Faith) na hi gige hi.
(Justification le Redemption pen a tonkhawm den khat hi. Justification pen
Tatkhiatna hi-in Redemption pen Khaihkhiatna hi (full redemption cihdan).
Justification pen diktansakna zong kici thei hi. Honkhiatna hun le
Tatkhiatna hun kiman ta-a, Tatkhiatna a ngah thu-ummi te tu-in Gupkhiatna hun sungah ih om laitak hi ta hi. Tua pen Sanctification kici hi. Tua ih gengen Gupkhiatna pen Takhiatna ii a gah ahih kei leh a si hi ding hi.Biakna tuamtuam te-in zong hotkhiatna thu le gupkhiatna thu gengen napi-un Tatkhiatna thu nei lo gige uh hi. Tua bektham lo-in tulai Christians thuhilh Sya tampi takte in zong hotkhiatna le gupkhiatna thu tangko zakzak napi-un Tatkhiatna thu mangngilh citciatin lo nuam lo se gige uh hi.).
3. Tua tatkhiatna (Justification) thu ih theihtheihna dingin Pilna, Ciimna
le Siamna hih thum teng lakah ei mawhnei mite' aa dingin ih thumung pi pen
Ciimna (Wisdom) na hi gige hi. Tatkhiatna pen pilna le siamna tawh kingah lo hi. Ciimna tawh kingah bek hi. Zomi te pen a pil lua a siam lua ih om nai loh hangh Kha lamah a ciim kiukiau te ih hi hi. Amen!
(Leitungah mipil misiam tam mahmah ta hi. Ahi zongin Ciimna pen Pasian'
kammal Lai Siangtho sung lobuang panin kimu thei kingah thei lo hi. Mihing
te in pilna siamna kigen gen napi-in ciimna kimangngilh den hi).
4. Tua Ciimna(Wisdom) ih ngah theihna dingin Inn(House), Baangkua(Home) le Innkuan(Family) hih thum teng lakah ei mawhnei mite' aa dingin ih thumung pi pen Lai Siangtho upna nei Baangkua a na hih ding kisam gige hi.
(Mite in inn hoih le innkuan hoih cih thupi sak mahmah napi-in baangkua hoih thu kimangngilh den hi).
5. Tua Baangkua(Home Sweet Home where Jesus Christ is the head) picing ih
hih theihna dingin Upna (Faith), Lametna (Hope) le Itna (Love) hih thum teng lakah ih thumung pi pen Itna(Love) na hi gige hi.
(Mite in upna le lametna lim gen mahmah napi-in itna nei lo gige den uh hi).
6. Tua Itna(Love) ih lah theihna dingin Tuhun(Present) , Abeisa hun(Past) le Hong tung ding hun(Future) hi thum teng lakah Itna lah hun ding thumung pi pen Tuhun (the Present time) na hi gige hi.
(Mite in a beisa hun ah itna, hong tung ding hun ah itna cih thu te gengen
napi-un tuhun ah itna alah dinguh mangngilh gige den uh hi).
=>The best use of life is love. The best expression of love is time. The
best time to love is now.
*Nuntaakna ah a kizang thei pen itna ahi hi.
Itna lah theihna hoih penpen hun kipiak khiatna ahi hi.
Tua ki-it ding hun pen tuhun hi pah hi.
Zingciang ci se ken zekaai niteh!
Tg. Suang Dal
Zozaang
Tawmvei
Manila
No comments:
Post a Comment