Friday, September 3, 2010

Zomi Aw Khanlawh Hunta!

Zomi Aw Khanlawh Hunta!
Posted by: "Carey Suante" careysuante@gmail.com mailme_carey
Sat Feb 7, 2009 7:05 am (PST)
Tuni ka email ka et ciang in thu nih in ka lungsim hong lawng pen hi:
*
1. Meiteite leh ZRAte Haiciin khau ah nai thum val kikap tuah cih thupen
Zomite omna mun khempeuh ah kigen hi.

2. A langkhat leuleu ah Zomite leitungbup kipawlna ding vaihawm zo nailo!
A lunglut leh a kuppih ding om lo!*

Hih thu nihte ka lungngai a, i la khat ah "...Zomi aw khanlawh hunta!" cih
pen hong suak velval hi.

Kei bek in bangmah ka sem zo kei ding a; nang bek in bangmah na sem zo tuan
kei ding hi!

Tu hun ciang in, thau leh thautang tawh kido zong thukhat ei, thu mahmah
tawh zong i pan kisam hi. I buaina, i haksatna kuama'n hong phawkpihlo lai
kha ding hi.

Tu mahmah in, hih (kikapna thu) news bangzah in gelh a, radio, tv ah koikoi
ah a kisuah zen tam!

Nang leh kei bel galmuang in zong thuak kha kei ni - Zogam pua ah teng in
nek zong thei hang. Aihhang innngak a omte pen a hatlo pen, a siamlo pen
leh a neilo pente hi kik bilbel kha ding hi.

Leitung mun tuamtuam ah i om uh a, i kipawlnate in a sep sunsun pen pawi
bawlna (Khuado Pawi, Zomi Nam Ni etc) hi lel leh kilawm hi. Zomite pawi bek
a pakta, nopbawl ding bek a ngaihsun hi leng kilawm mawkmawk hi. Buaina
neilo, issue neilo i kineih thei kha zel uhi. Tua man in kipawl khawp ding
zong kisam sa zolo, kul sa lo hi kha ding hi hang.

Leitungbup kipawlna a deihhuaina khat pen hih bang thute mah a ngaihsun ding
i deihna hi. Tu'n zong i omna tek pan i hehna leh i lungkhamna pen Zonet
sung ciang bek mah i tun thei hi. Coordination leh information kisam
mahmah hi hang. I gam ah bang thu piang a, piang ding a, piang lai ding
hiam cih ngaihsut kisam hi. I kiim i kiang ah galgim nam in, ei pen "..ko
bangmah ci kha kei n'ung" ci hi leng kilawm hi.

I sep masak ding, i ngaihsut masak ding i thei tuan kei hi.

Zogam sung veve ah zong, khua a haksa diak leh a tuantual diakte in thuak uh
cih na hi ziau hi. Zong thuak toto lai kha ding uhi.

Gen khialh a om leh kimaisak ni. Makaite (kua ai tam!) mah in hong ngaihsun
kik ve ua maw, i Zogam cih dong hong bei ma in...!

Carey Suante
New Delhi
www.zoaw.blogspot. com
www.csavaphual. blogspot. com
www.ZoTimes. net

No comments: