Posted by: "Thang Sian Kham" khamyc@gmail.com
Sun Dec 14, 2008 4:03 pm (PST)
Dear Sia Khen Za Sian,
Sia Khen aw,
hih Zo Aw tawh kisai nang theih dan Kawlpi a Zo Aw a
kiphuat lai in Committee te theihdan leh phuat khiat zia kibang het lo
ahih manin na theih nop mahmah leh limtak hong gen leng maw. nang gen
mah bangin Pu Rev.Khup Za Go (Late) in Lamka lam pan hong patkhiat
masak hi mah hi. kawlgam kawlpi pan abeisa 2002 kumin Myanmar Young
Crusaders;MYC( Klay Branch) , Maranatha Building,Bomu Steven Taung
(late) inn pan a kiphuan khia Zo Aw pen Zomi sung pan laisiam ,
mipil, minam veii, leh Mihau pawlkhat hanciaamna tawh minam sungah
kaalsim laihawm khat kinei leh cih ngaihsutna hong om ciangin, a min
ding nam3,4 kiteel khawm ngeingai hi. Tua sung pan a tam zaw
thukimna leh hoihsakna tawh Zo Aw ci in khutlapna tawh kikipsak hi.
Tua bang in a min a kiphuah khit lian ciangin Committee a tamzaw in Pu
Khup Za Go i hawm ngei lam zong kithei kha lo in, Rev.Job Thawngno leh
nih leh khat in hong gen ciang bekin kithei pan zaw lai hi.
Tua ciangin Rev.Job Thawngno mah in i mipil neihsun Pu Khup Za Go
zahtakna tawh zaksakna khat laikhak leng ci in mipi in hoih kisa pah
hi. Tua theihsakna lai khak dingin Sia Job Thawngno leh Sia Khampeek
mah hong kiseh pah a, a sawt lo mahin MYC letter Head zangin ka khka
pah uh hi. Job Thawngno kidong thei lai ding hi. Cihnopna ah a ma
phalna tawh Zo Aw (Kawlgam)a kiphuan khia leh akisem hi lo zawin a ma
phuat khiat lam zong thei mello a, kiphuan khia leh kisem khia ahihna
a gennuam i hi hi. Kawlgam pan i patkhiat Zo Aw pen Pasian in thupha
hong pia in mipite in kideih in minthang zawzen man mahmah hi. Tua
bang kawmkal pan Zo Aw Committee sung mah pan in panmun ngah loh man
lel tawh thuneite kiangah i kikhia ta zen hi. Committee in zong
zumhuai kisa lua lel ahih maninCommittee thukimna tawh Zo Aw kikhawl
pah hi. Tua bangin hong khawlsak ding laitak in thuneite in thu hong
dot mi teng pen Zo Aw nasemte sung pan Sia Khampeek leh Committee
sung pan Pa ngul Do Tuang leh Pa hang Lian Khup bekte kidong uh hi.
Tua a thukidotna sung pan Zo Aw min mahmah zong kumpite in a
deihlohna hong gen a hih manin ZO cih kammal limlim a kizang ngam
nawn lo ahihna hong theisak kik nuam ka hi zaw hi. Tua ahih manin Zo
Aw min tawh lai kihawm ngam nawn lo suak hi. Committee a kikhawl
zawh kha 5 khit ciangin minam veiina tawh Zo Aw ci ngam nawn loin
TONGSAN ci in a min phuak in kei kia mah ka kipan kik hi.
Kawlgam (Kawlpi) a Zo Aw pen kumpite in hong khawlsak a kipan mimal
ahi a, committee min tawh a hi zongin kua mah in septheih nawn loh
dingin Zo Aw Commiittee in Laibawlna Zolai leh Kawllai tawh nei in,
thukimna letmat kithuh ngetnget a kikhawl ahi hi. India gaam a Pu
Khup Za Go phuat khiat Zo Aw pen si lo mah a, Kawlgam (kawlpi) pan
kiphuan khia Zo Aw pen a si khin ahi hi. lai ihmu cih bang nang kiang
bek pan za pan hi hang. Zo Aw(Kawlpi) tawh kisai mai lam ah sem a
om teitei leh Zo Aw Committee in thukimna sa om bangin thu kilehbawl
dingin letmat kithuh hi.na teelnop taktak leh Zo Aw Committee(kawlpi)
dong in.
Thukiza kik zel leng maw.. tellohna te
By.Sia khampeek
Tongsan Pu
No comments:
Post a Comment