KINIAMKHIATNALai Siangtho simdingkongteel;Huaihamna lungsim leh kisialhnop na lungsimtawh bangmah gamta kei un.Kiniamkhiat ciat unla,midangte thupi ngaihsut zaw un.(Fil 2:3)Tua ahih manin Pasian maiah mite akisak theihna ding thuomlo hi. (1Kor 1:29 )Hih nate khempeuh keima khutin abawlsa ahih manin hih nate khempeuh kei' aa a hi hi,Topa in ci hi.Ahih hangin kiniamkhiatin lungsim a kitamzan mipa, kei ma thu-ah lau-in a lingkelkelpa, kei ma deih mipa a hi hi.(Isa 66:2)A masa in kalsim thalakna hongnei sak den a,hunhoih,hunnuam hongpia i biak Topa min ka phat masa hi.Tu ni-in Pasian kiangah lungsim kiniamkhiat a om na thu tawh tha kongpia nuam hi.A masa in ei zomite pen lungsim a kiniamkhiat zolo,i hihna bangbanga,a om nuam,a gamta nuam minamte ki hi hi.Fil 2:3 sungah a gen mah bangin huaiham nopna lungsim leh kisialh nop na lungsim a nei minam,midangte a thupi sim lo mi,makaite,siate athupi simkhol lomi ki hi hi.Tua ahi manin tu ni-in a thakin Topa tawh nungta khawm a,a kiniamkhiat zomite i suah thei nadingin Topa in hongdeih hi.Luka 18:9-14 sung i et ciangin Farisai mipa leh Siahdongpa thugenteh na i mu hi.Farisai mipa in Pasian kiangah thungen a,Topa aw kei pen mi dangte banga ahuaiham,a thuman lo,numei tungah a mawh mi ka hi kei hi;hua lai-a siahdongpa bang ka hi kei a,nipi khalkhatin ni nih sung an ka tang a,ka ngah khempeuh panin sawm-ah khat nang tungah kong pia hi ci-in thungen a, a ma hih nate kisialhpihin, kisak theihna lungsim pua in Topa kiangah thungen hi.Ahih hangin siahdongpa ahi leh gamla pi sim-ah dingin biakinn nawlkhat ah vantung lamah zong dak ngam loin a diip humin kuncip a, Pasian aw kei mimawh mi khialpa hong hehpih in,ci-in kiniamkhiat tak leh lungsim kitamzan in Topa lau-in a ci-ling kelkel a,Topa kiangah thu a nget ciangin i biak Topa in a thu ngetna te dawngin a mah tawh kilem sak a,a ma deih mipa suak sakin,Topa in a lian in koih hi.Tua ban ah Belshazzar in apa Nebukhadnezzar nuntak na leh,Pasian in apa tungah a bawl nate thei napi-in a nungta Pasian bia nuamlo-in,lungsim kiniamkhiat nuamlo-in milim te hong bia in kumpi hongsem hi.Nikhat ni-in pawi hongbawlin Jerusalem biakinnpi pana a puak khiat ngun hai,kham hai leh kuangte tawh zu leh sa ne in,a ut ut un,a u liante,a zite, a zineute tawh om in a nungta Pasian bia nuamlo-in milim pasiante a biakuh ciangin Pasian in ama kumpi za bek thamloh-in a nuntak na nangawng that lum hi.Tua ahih manin Isa 66:2 sungah hong genmah bangin na khempeuh a ma khutin a bawl sa hi a,hih nate khempeuh kei ma a hi, hong cih mah bangin i biak Topa in kiniamkhiatna deih in,mi dangte thupi ngaihsut zawk ding zong deih hi.Tua ahih manin Pasian maiah mite akisak theihna thu molo hi cih 1Kor sungah honggen mahbangin tu ni-in kongit sanggam aw nang na nuntakna in koi bang na hi hiam? cih nang leh nang kisit tel in.Kongit lawm aw tu ni-in Farisai mipa bang leh Kumpi Belshazzar bangin na nuntak na-ah kihihsakna,kisialh nop na lungsim nei lai na hi hiam?A nungta i biak Pasian phawk nawnlo-in sum leh paai bekbek lunggulh lai na hi hiam?A hih kei leh siahdongpa bangin lungsim kiniamkhiat a,Topa azuan na hi hiam?i biak Topa in a kiliansakte pen kiniamkhiat suk ding a,akiniamkhiatte pen a lianin kabawl ding hi, ci-in hong gen zo hi.Tua ahih namin i biak Topa in zomite khempeuh a kiniamkhiat zo den dingin thupha i om na mun ciat ah hong pia den ta hen!Amen.
Lai at Pa Khaipi HZ
No comments:
Post a Comment