Zomi Church Delhi tawh kisai kuppihna2 : Murlen

ZCC cih pawlpi khat ong piang khia in lungdam huai bang na ven ngaihsut dingtampi om sa ing. A lai suah te uh pan in ken ka kuppih nop tawm tawm om.Amasa in *Zokam tawh biakpiakna Delhi ah om ngeilo, Zomi Pasian nasem tampiom napi* ong huai zolo na cih uh pen man lo hi. Tulaitak lianin Tedim kamtawh kizang Zomi Christian Fellowship (ZCF) ah Rev. G.K Samte, Zomi PrayerCell ah Sia Thawng Khan Lian, EBC Church ah Rev. Kham Khan Gin,Kawlkamzatna Burmese Christain Association (BCA)ah Rev. Suan Khan Mang leh Rev.Vung Hau Thang cih bangin ei Zomi pastor te makaihna tawh pawlpi tampi omkhin hi.ZCF pen Kawlgammi, India gammi Zomi teng khempeuh kipawlna hin eima mothertongue ciat( zo,paite,tedim, vaiphei, thado etc.)zattheih hi. Ong nusia khinta ahi Rev Khup Za Go in kum tampi ana hanciamnatawh hi ciang ki tung hi a, aman ong nutsiat khit ciangin Rev. GK Samte onghi to hi.BCA pen 1990s pawlin Zomi nih leh thum bek ih omlai in Kawlgammi Christianom sunsun teng tawh kipawl a kiphuan hi. Zomite mah pastor, pawlpi upa,numei, khangno makai in tuni dongin ki pang toto hi. ZCF Church tawh kizomin nasem khawma North East India Christian Association ah zong member inki om hi. Tawl khat sung Sia neih loh laitakin ZCF Sia te ahi Sia Khup ZaGo, Sia G.K Samte te in ong van sak uhi.Hih BCA ah minam kim ahih mah bangin eima pau ciat ( Zo, Lai, Kachin, Mizo,Thado-Kuki, Hindi, Kawl etc.)tawh zong thu gen thei, lasa thei a Kawlkam penmedium dingin kizang hi. ( e.g Nung nipini in Pu Sian Cin Zam in Tedim kamngiat tawh hun zang hi.) India kumpi danbu tawh kizui in registration kibawlahihmanin nopni dahni adingin: nupa kitenna pan kipan sivui dong ciangintavuan a la to ngiatngiat hi. UN siau ding nupa Marriage Certificate cih teBCA a pen UNHCR Zumpi ten ong thupi sim mahmah uhi.BCA member lo Kawlgammi misi bang a om a a vui ding a om kei leh BCA intavuan la hi. Cina, nausuak a kipan vehna leh huna ki nei to ngekngekhi.Refugee a om kawlgam Zomi teng atamzaw kikhopna hi. Pawl deidan om loahihmanin RC, Baptist, AG, Seven Day etc. kim uhi.Hih BCA sunga Zomi khangnote makaihna matawh Zomi Prayer Cell cih Pawlpikhat( Kawlgam Zomi Refugee te deuh) om in BCA, ZCF te tawh kitheisiam inSaturday ni in Tedim Pau, La,Laisiangtho tawh biakpiakna kinei a tulaitak inSia Thawng Khan Lian in makaih hi.. Biakinn zong golpi khat kisap hi. Nungkum in Rev.Dr. Gin Khan Khual te, tukumin Sia Lang Do Khupte bang tawhcrusade nasia takin Tedim Pau ngiat tawh nei uhi.Tuaciangin nung kumnih bang pan kipanin Zomi Church a kici khat ong piangkhe leuleu a Sia Thang Khan Thawn (tun Norway) in makaih in Tedim pau sitsetmah tawh Refugee Zomite kikhawm hi.EBC cih adangdang te bel India Zomite kikhopna deuh ahihmanin tam gen keini. Eimi Refugee* Seventh Day Advantists* te zongin kikhopna khat Sanini innei lai uhi.*Delhi a Zomi Pawlpite hibangin om uha banghangin Zo Kam tawh biakpiaknalunggulh ung cin pawl thak phuanphuan ding ihiam? Tedim/Zo kam ih lunggulhleh hih a omsa pawlpi te khat peuh ah kikhawm leng hun mahmah hi lohiam?*Zokam / Zopau tawh Pasian thu za nuam mahmah ten nung SiaGKKhual te LD Khupte crusade bawl lai bang hang ngai kha lo ihi tam?**Tu a ZCC a cih uh ah Siapa Ngin Khan Do pen ning kum lamin* Lord JesusMission *cih India mite pawlpi khat huhna tawh *Zomi Church* cin ong bawluha tua ah sia sem in thei hang. Tua Mission ten khasum zong apiak hi(bangzah cih iki gen lai diam?). Tua hi a amah pen Lord Jesus Mission tekhutnuaia nasem, a mission sepna alah nop manin ei Zomi Refugee te sung pananai huai/ athuzawh teng ong kaikhawm pak hi. Tun Zomi Christian Church cihong phuan leuleu ahihmanin laisiangtho lamah Buaih bangmah aneih ngeilohhangin *Pawlpi Phuatkiat* lampang ah kiva mahmah khat hi ngel ding hi. Apawlpi lui pen bang ci nusiat ahi tam?Pu Ngin Khan Do te pen: Tedim/Zo Pau mah lunggulhna hi aman ci ven, innsungah ata te Tedim pau zanglo in Mizo pau zang sak se citciat Siapa ahihmaninngaihsut huai mahmah hi. Mizogam pan ong pai hi in Mizogam Zomipihte tawhbanghanga kipawl theilo a refugee te sung ong toknawi hiam cih zong ngaihsuthuai. Member teng zong a innkuanpih teng khawng hi leh kilawm. Tedim pausang Mizo pau zang zaw leh uh telzaw mai un um huai zaw lai.Tam gen kha zawzen hangin ka cih nop na bulpi pen eimite *Sia i ut man,sponsor zon nop man peuhin* hibangin pawl tuamtuam ah sialek denkek ih batpen lungdam huai tanghtangh khollo hi. New Delhi a veng khat sung adingin Zomi Pawlpi a omsa teng hun mahmah ta hi.Kikhen lam sang Kigawm lam leh kithutuah lam kisin zaw leng Zomite khantohnaom zaw ding hi.Zomi it,Sian Siam.