(1) 'Zo' cih kammal pen 'Chin' tawh kikim in i ngaihsut leh ei pau pen "Tedim pau, Tedim Lai" ci leeng. 'Zo' nuai ah Falam pau, Kuki pau, Mara pau, Hakha pau cih bangin hong kigual diudeu leh a hoih ding dan khat hi.
Ei'n zong "T - Tedim pau eima pau" ci viauviau khin i hih buang ciang.
>ahih kei leh>>
(2) Sanggam dangte in 'ZO' hong zatpih zo ngei tuanlo ding ahih manin, thukhual kul kei, aituam lak lel ni ci in, Tedimte in ei pau ei lai pen "Zopau' Zolai' cih lel a hoih diam?
 Mailam Zomite maban ding khuadak kawm in, a thukhual vai ding, a picin vai ding hong ngaihsut pih un.
Laisin bu sungah Zomi bup kampau tuamtuam ah Tedim kampau thu lah gennuam si, Falam, Mizo khawng tawh i kilamdanna (gentehna in G le R) khawng lah gen nop ciangin 'Zo' le 'Tedim' zatna kician (consistant) kisam hi. Hih thu pen tutawm a i tuah thu hilo a, Cope topa hun lai in "Chin Hills News" = "Tedim kam thu kizakna lai" na ci ngei hi.
Kei deihdan ah: Hih Zolai sinbu sungah kham le zang Zomi khempeuh a huam ciangin 'Zomi' mah ci in, (Gentehna: Zogam ah, Khamtung gam Zomite cih bang) ei le ei i kilawh nopnate ah "Tedim mi","'Tedim kampau Zomite", "Tedim pau" ci leeng a hoih pen tam a ci hiing.
Nong kuppih ngaihsutna tungah lungdam hong kokhol ing.
Khoilam
Zolai sinbu vaihawm pawl
ZCLS
No comments:
Post a Comment