Kial bawl Zusa thu : Murlen

Tu tung semester break(6-20 Oct) sung khualam ka ciahto aa, Mualzang dong kaban hi. Zusate' thu pen i galzak bek banglo-in ahi takpi na hi mawk aa,khasiat huai ka saliang hi.Hi thu pen tu tawm aa thupiang hilo a, tu nunglopawihun March khat khawng pek aa, akipan ahi hi. Tonzang gam gungal lamahzong nasia ci-in ka za a, ahi zongin Thangkaii kual Mualzang, Thangsan,MUalnuam, Pimpih, Tuizang, Dolluang, Tamdeng, Tuivial cih khuate ah anpeuhma lak ding cih thadah a po man vetlo ahi hi. Tuate lakah ka painaMualzang siksanin ka thei thute ka hong zasak nuam hi.Lo kihal khit ciangin buh kituah a, tu ni a atuh khempeuh uh a za cianginzusate in na gaimang pahpah hi.Zusam tamlua mahmah ahih manin nitak khat inkhangno khat in saili tawh luang 60 bang manzo uh hi. Zusate bel zutang gualvive hi a, a hon ahon in kizui ngalhngalh uh hi. A tunglamin a mat uh zusatene ahih manin zusa sa khamlua kisa-in khuasung nangawn zusa namliang kicihi.Tua zusa a matte uh a sung a khei uh ciangin, a note a nu vive tam zawtawn tung a, Tuivialte bangin a nungzang aa nawi po zusa lamdang tampi manuh hi, kici hi. Tua zusate in maugah a nek ciangin khang mahmah a, suakpahpah ci uh hi. Alamdang thu khat in , tua zusate in mihingte' zun duhmahmah a, mihingte' zun thakna khempeuh liaksiang pahpah uh hi. Mualzangkhua i pai ciangin Kawl lamka pan en leng, lo kikhote khempeuh kikhul khinahih manin khasiat huai pha mahmah a, i pu i pa khang panin a piang ngeilokial a tuak hi mawk hang, cih ding loh gen ding omlo hi.Zomi Kipawlna Tuamtuam Pan HuhhuaiI gam pen Lo kikho thei kei leh sep ding peuhmah omlo hi. Tua ahih maninvitamin kisam in naungek tampi si cih khawng ka zak ciangin hih thu awlmawhhuai ka sa hi. Thu ngetna, sumlepai leh neihsa-lamhsate tawh huhhuai ka samahmah hi. Gamdang tung Zomi vei, Zogam itte in hih i u i naute thuaknaawlmawh het a, Donghu Committee kician khat hong phuan in, tua panin surveybawl in, huh ding kilawm ka sa hi. I si i sate huh zo leng, tua in, itnalahna, Pasian' hong piak thupha zeeksiamna, i Khristian gah leh mihing ciatkihehpihna taktak( humanitarian aid) hi dingin ka lamen hi. Jerusalem ahkial a tun laitakin Paul in Gentile-te tung nangawnah huhna ngetsak hi.KHat veivei LS sunga Sumhaupa bang hangin vantung gam tunglo hiam? Amah'ntual that hiam? Mi' zi tawh mawh hiam? Zua gen hiam? Mite' na guksak hiam?Khat zong hihlo hi. Vantung gam a tunlohna hang thu nih om ngel a, tua in(1) Sum haupa pen ama ading bek leuliau-in nungta hi. Lazaras awlmawh lo hi.A kongbiang a khutdawh ngenpa theilo mawk hi. (2) Mihuapa a sepna hangavantunggam tan hilo a, sep ding kilawm a sep khak loh mana vantung gam a tanna hi zaw hi. Hih bangin i mipih tampite in kialletak a tuakkhak laitak in,i awlmawh ding thupi ka sa hi. I sep ding a kilawm mahmah thu ahih maninZomi vei, Zogam it, sumlepai a neizaw deuhte in i gam i lei, i minam i ittaktak leh hih kialpi pen awlmawh tak tham hi, ci-in kong it Zomite khempeuhka hong tou(challenge) nuam hi.Suang Khen PauPastorKansauzang Tedim Baptist ChurchMyanmar Institute of TheologyInsein, Yangon