Manipur numei 5 te Imphal puaktung hiding

Posted by: "Gin Khan Nang" http://in.mc1120.mail.yahoo.com/mc/compose?to=nanggk@yahoo.com&Subject=nanggk
Fri Oct 10, 2008 6:06 pm (PDT)
(Manipur Express Oct.10 a thu suak hong kikhah sawn hi.)

Zuak a om Manipur numei 5 te Imphal puaktung hidingNew Delhi, Oct 9: Malaysia khawpi Kuala Lumpur a Indian High Commission thusuak in tuni a agendan in, Malaysia khawpi sung a zudawnna leh kipolhlimna tuamtuam a zuak leh pi a om Manipur singtangmi numei 5 te Imphal tut hiding in gen uhi. Indian High Commission thusuak dan in North East India apan numei 5 te tungtang hun bangtanhiam ngaihtuah ahihnung in human traffickers te lak a om kha uh ahihdan muhsuah hi a, huailaitak in khum bichilh a a om na mun ua pan amaute hong suakta thei uh chi uhi.
High Commission thusuak dan in, numei 5 te zingchiang (Oct 10) in Malaysia khawpi Kuala Lumpur apan Chennai zuan in puak hiding ua, Kiginni (Oct 11) chiang in Manipur capital Imphal tunpih hiding chi uhi. North East Support Centre & Helpline a Spokesperson Madhu Chandra in tuni a thusuah abawlna ah, New Delhi a om Malaysian High Commission tawh kithuzakna pailel ahihdan gen in, amau India malsuah bial a numei-te ading in pilvan nang tam mahmah a, human traffickers diakdiak ah pilvang mahmah ding in hon theisak uh chi hi. Manipur numei 5 te ahihleh, Malaysia a zuzuakna leh kipolhlimna (pubs) ah koih in om uhi.
Amaute Manipur apan Singapore puaktung ahihnung un kha 3 sung Singapore ah a pikhe te¢n sepna leng pelou in om sak maimai ua, tuazawh in Malaysia capital Kuala Lumpur ah tonpih in night club ah koih uh chi uhi. Zuzuakna leh nungak-tangval thanghuaitak a kipolhna mun night club ah kha khat vel a om nung un, amau leng bangchi chi hiam in taikhe thei ua, Kuala Lumpur a om Pastor David kichi kiang ah tailut kha in huchi¢n Indian High Commission, Kuala Lumpur kiang ah thil omdan tut in om u, huai apan mipi theihding in a tanchin uh taklat in hong om hi¢n gen uhi.
Indian High Commission in leng Kuala Lumpur a om Pastor David kintak a thuzak ngal in numei te dinmun leh amaban ding uh Manipur a organization tuamtuam tawh kithuzak in nasep pat hong hingal chi¢n thusuak in gen hi. NE Support Centre in tuni in North-East state a Government om teng kiang ah ngetna nei in, Singapore pansan a om Abel & Joe Networking Pvt Ltd (www. abelnjoe.com) leh a kizoppih uh NE region a branch om teng te cheet dan bengvak ding in ngen ua, tuaban ah South Asian country te leng pilvang mahmah ding in ngen uhi.
Abel and Joe Networking Pvt Ltd, te¢n tuni tan in NE apan numei 150 vel Singapore, Malaysia leh mun tuamtuam ah pikheta uh hi¢n gen ua, Nepal, Bangladesh leh Burma ah mi hausa te ompih ding chi¢n numei naupang zongsan lel uh hi¢n North East Support Centre in gen hi.
dsp