Leitung kipei cih i theihkhit nungsang, na zosiah, a ngeingei, a veuveu inkhawlcip, omciplo ki khelkhel cih ki ngaihsun zom thei pahding hi.Leitung ki pei cihciang mainawt a ki pei cih zong phawk huai gige hi. Nungtawn lo, ki leh pei kik nawnlo cihna hi ding hi. Kumzalom (21) sung i luttaktak ciang, leitung akipei sawtlua zang khengval gawp a hi ding hiam,adang khempeuh zong lawhgawp hi ding hi ven, huihpi tuihual, sunami,zinlinna, theih ngei loh natna tuamtuam, khuahunte ki pei lua kisa maivom,maikang, upna biakna deidan om lo a banban bunuai pingpevei, phialzangawpmang, mang le tak ki thei lo zah dong hi ta mawk hi. Tua hangin, tuhunpen mipil ten "Age of uncertaity, full of unknown, no security onlyopportunity, no more must but only may" cih bang in leitung pianzia te mintuamtuam ki nei sak ta hi.Tua bang hun lai tak in, leitung makai te le mipil ten a lau penpen namkhatom hi.Tua in x-Factors (Ngaihsut khak loh te, phawk khak loh te) ci uh hi.Tua x-Factor te'n i phawk loh lai tak, i ngaihsut loh lai tak in hong bunuaivat thei ci uh hi.A diakdiak in I.T. lampang pilna siamna khantoh luat hang le adang khantohna tampi te huhau a hongpiang khia tuhun globalization (You can run but youcan not hide) hunciang, theih kician neilo, neih kician omlo, ut thu tawhgamta (hai, zawng, lungkhauh) gamneu gamzawng te le tua bang gam te sung aom minam neu cihtaak lo minam te in mailam neilo (Futureless) a suak nuamkei uh leh a ngaihsutzia, a gamtatzia te uh nasia tak in ki khel in, a mausang ngaihsutna picing zaw, muhna zai zaw (kapteh dimzaw) mite, gamte thungaihsutzia le gamtatdan te mitsuan enkaak kawmkawm in amau aituam dan lezia (group identity) te huntawh kituak in khangto tangzai thaksuah sak dinguh hi. Tuaciang bek in lemet huai mailam nei (Future possesing) te suak theipan ding uh hi."Kikhelna in ngaihsutna pan gamtatna tungtawn in kilangh khia hi. Kikhelnaom lo in khantohna piang thei lo hi."
*****By Ignatius Thang Sut Mung
****Chief Editor****
Zingsol thukizakna*
No comments:
Post a Comment