Australia ah Khuakhai laam: Tunkhanpau makaihna tawh :Murlen

Zaanhal-in Zomi Association of Malaysia Lutangpipa' kiang-ah UNHCR uliante-in "CRC leh ACR te-ah luut kuullo, ZAM-tawh naseem khawmding" cihthu pulaak ahihman-in Zomite' ading-a gensiatna, gimhuatna, etkhialna leh kosiatna namcinte Zomi minam leh Pasian khualna-tawh apang tinten ZAM upateng' tung-ah naakpi pahtaakna omhi cihthu Zomite' maai-ah kong pulaak-hi. Tuabaan-ah, Malaysia-a ACTS makaaipinu Rose Mary-leh atanu Sarah (Malaysia IOM, UNHCR) te-tawh Nipikhuavaakni suunhun-in kimuhna hihlaai pan-in kana-nei uh-a, Australia Zomi Khuado 2008 laaileeng (flyer) te kana-lah uhciang-in lamdangsa zawzeen-in "Zomi thupi hongsakna" pulaak-hi. Tua nitaak-in Pa Nang Khup te' inn-ah honghawh uh-a, innkuan 5 khawngtawh holim ngeingai-in nuamsa peuhmah uhhi. Australia Zomi Khuado 2008 akibawlzia maanleh video muhtheihdingte- pen tangzaangte' zawhdaandaan- in hongki khahkhia ding-a, tuama-in hunkizatzia themkhat kongpulaak-hi; Mi 206 kihel-a, Organization 4 pan-in thugenna tomno kinei-hi. George Lekakis (Chairman, Victoria Multicultural Commission, State Government)- in Cialpi Honna hong neihsak-hi. Zokhai (Public Officer, Secretary; Zomi Association Australia INC)-in Zomite' ngeina Cialpite leh Khuado taangthu genna tomno. Tony Dib (Mayor, Councilor; Maroondah City Council) -in thapiak thugenna tomno. Judy McDougall (Migrant Information Centre)-in thapiak thugenna tomno. Pa. Tun Khan Pau (President, Zomi Association Australia INC)-in lungdam thupuak tomno
Khuakhaai laam (Zomi Khangnote) Huhnihna-ah Modern Music leh lasakna-tawh hunte nuamtak-in kizo-hi. Zomite Pasian-in Hongcing, Hongkhual, Honghuh tawntung tahen!
Zokhai