Pawlpite kikhen kham Zomite mah in maw!

Zomi te minam min pua a, a om nailo mun te ah pawlpi ih din pen hoihmahmah na pi in, a om sasa mun te ah zomi te ih ki khemkhapkhap pen thunamtui hi khol kei leh ki lawm sa ing.India gam, New Delhi ah Burma(Myanmar) pan aa gambel a om Christian khempeuh ki pawlin 1990 kum in Delhi Burmese Christian Fellowship (DBCF) na phuan khia uh hi. Tua pawlpi ah kawlpau zang ding a cih uhhi na pi in a sawtsawt teh Falam pau leh mizo (Lusei) pau bek zang uh ahih man in mipawlkhatin mikim theih ding kawlpau tawh biakpiakna khatBurmese Christian Association (BCA) pawlpi 1994 kum September kha pan kipan in na nei uh a, tua a founder sungah ei zomi Pu Hau Suan Mung (TunCanada) na ki hel hi. Tua hun lai in a ki khawm mimal pen sawm leh sawmleh nga kikal khawng hih tuak hi. Ei mi khat leh nih khawng bek om uh hi.Kum 2000, ma in ei zomi khat leh nih ki beh lap sam hi. 2001 pawl teh eiZomi te pawlkhat a hon in ki tung a, tua BCA mah ah member lut in nahanciam in na makai to uh hi. Tua hun sung mah in Zomi ten eipau tawhkikhopna Saturday nitak sim in innkhat khit innkhat abanban in kikhopnana nei to suak uh hi. Tua nitak kikhop pen tun “Zomi Prayer Cell” ihcihcih pen hi. 2002 kum teh zomi hong kitam pian ta in pawlkhat te ZCF ahmember lut in pawlkhat te BCA ah lut uh hi. Tua pan kipan in BCA ah minamkim a ki hih hang, zomi tam pen a hih manin zomi te mah in makaih toto uhin kawl pau zang uh hi.HAKHA MITE;Tu laitak in New Delhi ah kawlgam pan a pai Christian te pawlpi tampi takom ta hi. A kiphuan masa pawlpi DBCF pan Hakha teng taikhia in ChinChristian Fellowship (CCF) cih uh hi. Tua pan kitam leuleu in mipawlkhatin Lai Christian Church (LCC) hong phuan a, tua LCC te khen nih suak inChin Believer Church (CBC) hong piangto leuleu hi. 2004 kum in Hakhasungpan UPC teng atuam in ding leuleu hi.MATUPI MITE;DBCF pen atam zaw Falam mi leh Matu te vive hi in Falam pau leh Mizo pauzang uh hi. Tua pan Matu te taikhia in Matu Christian Fellowship (MCF)hong piang a, tua MCF zong tun khen nih suak leuleu uh hi.FALAM MITE;DBCF pen Falam mi vive hi in, 2003 kum in pawlkhat taikhia in “LivingFaith Baptist Church” (LFBC) phuankhia uh hi. 2007 kum the tua DBCF panmah in pawlkhat in “Gospel Baptist Church“ (GBC) phuan leuleu uh hi.KACHIN (Jingphaw) ten zong 2003 pan kipan in Kachin Christian Fellowship(KCF) nei uh hi.SEVENDAY leh CATHOLIC zong ki om hi.ZOMI TE;Zomi Tedim kampau teng pen pawlkhat SEVENDAY hi in, pawlkhat pen CATHOLIChi. Tua lo a dang teng pen BCA vive ki hi khin hi. 2003 kum March kha pankipan in BCA ah Pastor pen Zomi sung pan Rev. Suan Khan Mang lehEvangelist dingin Evan. Thawng Khan Lian, Siama Mary Van Zing leh SiamaFung Par te kikoih hi. BCA ah Zomi, Falam, Kawl, Shian, Rakhaing, Kachin(Rawang), Kayin, Naga, Kuki (Thahdo), Mindat cih bangin minam kim hi intulaitak member mi 500 val pha uh hi. Pawlpi Upa, Numei makai, Khangnomakai te pen Zomi vive mah hi.Zomi te pen BCA pawlpi ah om khin in kipawlna ZOMI INNKUAN, ZNC, ZOMIWOMEN UNION (ZWU) cih bangin om in ki thutuak, ki pumkhat mahmah uh a hihman in minam dang akawl a zo in zahtak in pimuh mahmah uh a, UNHCRnangawnin thupi sim mahmah hi. Mi nam dang te lakah maipha ki ngah inPasian maipha ki ngah hi.Tua bangin Kawlgam bup tawh kisai biakpiakna te ah a makai ding in Pasianin Zomi te hong teel hong koih hi ci in ki angtang kipaak mahmah in Topatungah lungdam a ki koko hi. Pasian in Zomi sung bek hi lo, Kawlgam bupleh leitung gam tuamtuam ah makai ding in Zomi te hong koih hong teel ahih lam mangngilh kei ni. Pasian in hong lamsangin a lulam hong koihkoihta leh mang nuamlo in zomi sung bek mah cici leng, Pasian in minamdang tepia kha ding hi. Ih thupha ding ki tanlawh thei ding hi.Tua pen minam it lohna hi zenzen lo hi. Mi namdang tawh kipawl nuam keileng, minam dang te tung ah bang ci nasep thei ding ih hi hiam? Ih gam ihlei cikciang uk zo ngei ding ih hi hiam? Ni khat ni teh Pasian in Zomi tekawlgam kumpi, USA president ding khawngin hong koih leh ka Zogam bek, kaminam lak bek ah sem nuam ing ih cici lai diam?New Delhi ah 2007 kum June kha pan ki pan in Zomi Church Delhi (ZCD) hongpiang khia in, Tun 2008 November kha pan ki pan Zomi Prayer Cell makaipawlkhat te in mipi tawh kikupna om lo pi in khat leh nih thu tawhSaturday nitak kikhop pen Sunday sun 12:00 in kikhop hun leh kikhopna mun(RC biakinn) ah hong laih uh in Zomi pawlpi khat in hong ding uh hih tuakhi.Tun Zomi te khen 3 khen 4 ki suak ta hi. Na minam it nopna leh na Pasiannasep nopna pen thupi in pahtak huai na pi in, Ih Pasian leh ih minam penneusek semsem hang. Pasian gam leh ih minam gam zaisak semsem zaw ni.Pasian pen Zomi te Pasian bek hi lo hi. Mi namdang te zong it sawm ni.Ei pen a kipawl ding, a ki gum ding, a ki pumkhat ding te hi zaw hang. Kikhenkhen sawm nawn kei ni. Nang ai tuam ding bek ngaih sun ken la namipih te zong khual in.Zomi te kipumkhat ding a vei mahmah.Delhi pan.