Posted by: "Hang Khan Lian" hangkl@zomi.net
Thu Nov 13, 2008 8:16 pm (PST)
Guai,
Zomite ihhoihlohna, ih thanemna ihgen ciang, siksan aa lapahdingin, bangmah
semngam nawnlo, kipan ngamnawnlo aa omding cihlam aa laakding hilo hi.
Thanem ih kisaknate ahoihlam in zangthei peuh lehang tha nemna hilo in kuama
phaakloh thahatna ahihi. "I'm black and I'm beautiful" cihngamding ahihi.
"Zomite kipumkhat thei mahmahlo" icihciang, kipum theilo cih nungsang "kipum
khat un" ci aa thatang sawl teitei ding hinawnlohi. Hih kipum khat
theihlohna bangcibang in ahoihlam zangtheiding, kai theiding cih lampi
zonding hibekhi.
Zomite 100 ihval naakleh kitapding kipan tahi kacihzel mahbang in ahitakpi
phial ahihi. Tua pen kitam loding thatang hanciam zawh thu hilohi. Tua
ahihleh 100 ihval aa kitap nading lampi ong omciang koicihding cih lampi zon
na in pilvai hibek aa, kitam kei un ki thatangcihna in deihsakna ahihhang
zawi leh san tawnlo ahihi.
Amau guak aa kimuang atangtat te mat zawhding thupi aa, ahonlak aa helsawm
teitei na in khiatna omlo hanciamna ahihi.
Mihing ihhihnaakleh ih uukna, thupi ihsak, ihvei kibanglo mah dinghi.
Kibanglo ahihman in akibatdong hanciamding, akibat dong ngaakding, akibat
masiah bangmah sem loding, kilawmtaakna bek hanciam lelding cihbang omtheilo
hi. Ei uuk naciat ah/ amau uukna ciat ah bangci sep sak theihding cih
ngaihsut dingbek ahihi. Kisel kitot ding kipat nahi cihtawh khawlsawm pah
lehang banghun teh semding ihhihiam?
"A time comes when silence is betrayal"
Zomite ihgam ihlei pan pusuak ziazua in migam milei ah, gammaang tulak
ah,(wilderness) leitungbup ah pusuak ngeingai ihcihpen, kilawmtaak nading,
fellowship, zongding aa pusuak hilo hihang. Hithei nawn mahmahlo, gamdai
thei nawnlo ihihman ahihi. Akilawm mah ahidiam, ngaihsutkik huai cihcih hun
hinawnlohi. Akizo taktak mah ihihiam? kicihcih hun hinawnlohi. Telkaak bei,
ahuntungta ahihi. A time to break silence.
Hihbang hun laitak,
Veina akibat kei leh vei naciat bangci sepding cih athupi hi aa, ko avei
tamzaw kahih uhciang nang nakhawl phot in kicihding hun hilohi. Ei uk naciat
suakta tak aa sep dinghun, ei kivakna ciat aa ma panding hun hizaw hi aci
kahihi. Hihpa makaih laisiah bel kihel vet keining cihding hilo aa, hihpa
tawh kalungsim kituaklo ahihman in ke'n kei uuk kakoici septheihtam cihding
hun ahihi. Zomite sunmang mat hithiat hun hilohi.
Singapore ah Hornbill Foundation, ZOMUS, Numei Thunget kikhop ci aa gentehna
kongpiakte, Zomi Innkuan tawh akibang aa minam ading nasem veve
ahihi. Kuamah akhawl hilohi. Ki pumkhatding, kigawmding sawm masalo, zong
hanciamlo, zong hanciam sawmlo, kigawmding hanciam zaw ni in bangmah sem
keiphotni zong cilo hi-ung. Ih veina kibang kei in, ih pianna ihkhua ihtuui
kibang kei in kitot kisel sang bangmah semlo in ki thutuak in omni aci
kuamah omlo, om sawmlo hi-ung. Om hunzong hilo hi.Kibatlohnate tha khauhna
suah theihding thupihi.
Zomi Innkuan(Singapore) in Biakna Sia masate, Siate nusiat meigong azi te
leh gammial nasep(Mission) khuasik mul tholiang aa kavei mahmah laitak un,
Hornbill Foundation in leitung pilna lam aa Sia masate, leitungpilna sinlai
hamsate na vei mahmahhi. Atawlngasa Pawlpi Sia masate akivei laitak in
Numei Thungen pawl in asemlai Pawlpi Siate naveihi. ZOMUS in khangnote
naveihi. Tua nangawn, ihminam pusuahkhiat laitak ahihman in Refugee avei
kisam laihi-ung.
Ihgam ihlei, ih minam gamdai thei nawnlo aa ah omlaitak, kihotheih,
kipumkhat theih nading, kilawmtaakna bek cihdihdih hun hilohi.
Tutak Zomite dinmun in "Exodus from silence"
Gamdaitak aa ih omzawh nawnloh napan pusuah khiatna ahihi.
Ahuntung cihciang sephuntung hita, kipusuakta, kigamdai zo nawnlo cihna
ahihi.
Makai ding
Zomite gamdang aa pusuak icihpen ih pumpi apusuak hizawlo in ih lungsim
apusuak ahihi. Lungsim in thuak zonawnlo ahihman in pusuak aa, pumpi in azui
ahihi.
Ihmipihte hibanghun, hibang dinmun laitak, "Kei ong kipia ning" cizawlo in
cial zawhloh, muhzawhloh aa om cihpen ihzuau hipahhi. Israel te pusuahpih
ding Egypt Kumpi innsung sungtum pusuah,kongzing atheikhinsa Moses ateelna
ahangtampi omhi. Tutak aa ihzon Zomite makai in tuadinmun ahihi. Gamsung
gampua kongzing theisa, pau leh ham theisa azong ihihi. Pharoah Kumpi
innsung aa thuneisa mi azong ihihi.
Akipum khat theilo teng kipumkhat sakding, veina kibanglo teng
kibangsakding, uukna kibanglo teng kibangsak ding makai azong hilo in,
akibangloteng, akithutuakloteng mah na asemsakding, agamtangsak theiding
makai azong masa ihihi.
Mimawkmawk in mipi mai ah thugen hun kingahlohna mun ah, mipi mai aa thugen
hun angah Biakna makaite azong masa ihihi. Tha awl kizong hilo in amanlah
kizong hizawhi. Kilawmtaakna makai kizong hilo in Minam makai kizong ahihi.
Kua mah ihkipiak zawh kei leh, Pasian in ong sawl lel dinghi.
Tua hileh ihngim, ihtup, ih kalsuan ziading icihcih tawm akitel zawdeuh
tammaw?
Ong tampianta in hizah ciphot dihni.
Hang Khan Lian
No comments:
Post a Comment