Posted by: "Carey Suante" careysuante@gmail.com mailme_carey
Sat Nov 8, 2008 11:26 am (PST)
Zomite'n leitung buppi ki zel suak ta hi. New Zealand nangawn ah Khuado Pawi
zang ding khop om ta hi.
Tua hi a, Zomi mun tuamtuam omte leh innngak a omte'n makai kician kisam
mahmah ta hi. Gentehna in USA a om Zomite makai ding in Zomi Innkuan USA
kiphuan hi. Rev Dr Chin Do Kham in President len in USA Zomi makaipi suak
hi.
Tua dan in I omna gam tek pan makai khat kician takin nei tek in, tuate in
Leitungbup Zomi kipawlna khat tawh makaipi (President of Presidents) hong
tel khia lai leh Zomi makai nei kisuak ding hi.
Makai (kipawlna hi in, mimal hi leh) kineilo ahihman in a thelthang bang in
i omna tek uh pan i deihdan tek zui in Zomite'n vaihawm in i om uhi. Tua man
in nasep khat peuhpeuh i neih ciang in zong thupi zolo in, hong local mahmah
hi.
Na khat peuhpueh i sep ding pen Zomi leitungbup vaihawmna mah tawh sem in
vaihawm leng hong thupi zaw pah ding a, media attention zong kingah zo pan
bek ding hi.
Hih bang kipawlna nei leng I thu-le-la zong kiza kim, ki thei kim ding a, ki
itna ki ngaihna zong hong khang ding hi.
Tua mah bang in a buaite buaina leh a thuakte thuak zong Zomi buppi mah in
ki thei pahpah ding a, gam khat i om khoploh hang ki huh theih dan ding
ahihzong, ki hanthawt dan ding ahizong hong nuam tuam mahmah ding hi.
Tua bang kipawlna in leitung buppi Zomi khempeuh cing in kem ding a,
thu-le-la a local ah ki vaihawm theilo khempeuh zong hong vaihawm ding uhi.
Kuamah in hih bang kipawlna neu muh thei lo ding hi. Zomite a ding in "Self
Government" kisinna hong suak ding a, ei-le-ei kikepna, kivaihawmna hong om
ding hi.
Namdangte hong muhna pan in zong hih Zomi namte kiit in, a kituak mahmah
minam hi cih hong tel ding uhi.
*Dotna: Leitungbup Zomi Kipawlna Kisam na sa hiam?*
--
Carey Suante
New Delhi
Buy Zo Chronicles
@ www.zoaw.blogspot. com
Posted by: "MoveOnZomi@aol.com" MoveOnZomi@aol.com move_on_zomi
Sat Nov 8, 2008 8:46 pm (PST)
Leitung bup Zomi kipawlna tampi tak iki sam zaw-hi.
Banghang hiam cih-leh
(By Andrewkhai)
Global village cih (iten-na Leitung neucik hi ) kammal izak pen khangkhat mah hong hito ziau mawk hi. Tua ahih ciang-in Roma Emperor hun lai bang-a thatang HAT gawpna tawh iminam ki tawi sang zolo ding-a, British Emperor hun bang-a Mitampi uk cipzawhna zong 21 Century Leadership aa ding in lemzo nawnlo hi.
Mite pen a suahtak zawh-uh na sawtlua khin uh-in, “Freedom is not Free� ci-in a suahtak na-uh abeimang loh nang Campaign bawl-in ki koko ta uh hi. World civilization en leng ki ukdan leh ki vaipuak dan a tuamtuam-in, Mihing te khuamuhna tawh ki tuak in, ahoih zaw hong ki laih toto a hihi. Tulai tak-a Leitung bup phial-in lemtaang pen leh hoih isak mahmah Democracy bang zong, a lungkim zolo mi pawlkhat ommah-leh tuasang aa ahoih zaw system dang kimu nailo ahih man-in, a nunung pen mah ahoih pen hong hi veve hi.
Tuatawh ki bang-in, ei Zomi te nun zia en kik leng. Hun khat lai-in, isa vai nang gamhoih ineihnak leh ilungkham-nang bangdang omlo aa, ei le ei Gal le Sa in iki manman hi. Hun khat ciang-in, ituh ikhawh loh tawh piangnawnlo- a lawm le gual veng le paam ih ki sap lam itel deuhdeuh ciang, a behbeh a bawngbanwg leh a khaukhau cihbang-in ih huang hongzai zawdeuh hi. Hun sawtnai lo deuh sung leuleu ciang-in Pawlpi denominations tuamtuam, Makai pawl khat an kuang hahzon hangham?, ei aa tek sial isa kik mawk-a nampi icin-nang kalkhat ituantual kha hi. Tun koi lam ah Zomi te ipai ding hiam? cih ngaihsut hun hongtung ta a hihi.
Leitung pen ilam-et nasang na nakneu zaw-mahmah ahih ciang-in, eimimal bek hilo Zomi bek zong ahilo Leitung milippi (Entire Human Race) in hih Leitung-ah ikhuasak suakzawh nang (Survive) ilim-ngaihsut mahmah dinghun hong tung vat mawk hi.
Khaul izin nopleh zong ikhe tawh koimah ki tungnawn lo-a, Van izuak nop leh zong ilu-a pauk zah bek zuak tham nawnlo hi. Lo ihkhawh nopleh zong innkuan khat in cingkhat cingnih tawh piangnawn lo-a Mi khat in Acre 30 bang ihkhawh zawh kei leh tu lai Living Standard aki ban nawnlo himawk hi. Technolygy lam-ah zong mite ki khangto mahmah ta-in Switch khat ki meekleh itenna Leitungpi vut le vai hong suak ding dinmun hi mawk hi.
Hibang khuahun sung-a anungta kha ei khangthakte aa ding i-challenge hong lian mahmah mawk hi. Tua ahih ciang-in Zomi khempeuh in ih pilna ikhuakte isiamna i-talent-te ik-sik hetlo-a iphungcin sak ziahziah zawh nang, ih Zomi Society sung-ah, Climax ibawl zawh ding a thupi mahmah ahihi.
Akibang theingeilo ding hihna tuamtuam, upna tuamtuam leh idea tuamtuam lak-ah hibang Climax ibawl theih nang-in, tangpitangta iki tanau/zop/vaipuakda n pen Demcratic system sung-ah innkuan khat ahi Free Society leh Capitalism te CONCEPT tawh ikal suan dingpen a hoih pen ding a hihi. Democracy, Free Society leh Capitalism te pen COMPETITIVE a om theih kei leh piang theilo ahihi.
Tua ahih ciang-in Zomi sung-ah ki pawlna namtampi ih neih ding kul-a, Tua ki pawlna khempeuh ZOMI sung-ah iki pum khat ding ahihi.
------------------------
Zomi te Mi khat peuhpeuh kiang ah hih ki dot na adong hi leng akuamahpeuh in kisam sa mah ing, aki ci tek ding in um ing. Tua ahih manin hih ki pawlna pen avai hawm ding/ hongpan khia thei ding te bek aki sam hipah hi. Hih vai pen atu lian aa ki kupna hilo aa kumsim phial aa Zonet tung ah ki mu thei zelzel hi.
Nang le Kei ki kup zelzel pen ki kupna Lai/mail sung bek mah-ah hong om ding aa, ki pawlna hong piang khia lo ding hi. Leitungbup Zomi Innkuan, Global Zomi Innkuan leh nidangciang Kha tung khawngah ateng i om ciang Universe Zomi Innkuan cih dong kikum ding hangaa bangmah hongpiang khia lo-in ki kup zel teng mah tawh kum khat khit kum khat hong beibei lel ding hi. Tua hileh kua te`n vai hawm aa, bangcihleng hong piang ding? cih i ngaihsut kop ding hi ta hi.
Bangcih leng/ bang hih leng ki nei zo ding hiam?- Mun tuamtuam Gam tuamtuam aa om Zomi Innkuan kipawl na anei teng mah-in ki pawl khawmin vaihawm khawm leh hong piang thei pan ding hi. Amahsa in Organizer ding aa akipia zo ding ki sam aa, tua khit teh Innkuan khat le khat thu ki zak nang, holim theih nang leh ki mai ngap nang ki zopna ahoih pen groups-mail khat zong ki sam hi.
Organizer ding: Nung October kha sung USA pan Dr. Do Kham pen Zomi a itna leh minam avei na tawh ko Europe sungah hong zin koikoi in, Leitungbup Zomi Innkuan ki pawlna nei zo leng ahoih ding hiam? ci-in atun tun na ah kuppihna hong nei hi. Kigal kup keei bek hilo aa amah mah hongpai aa hong kup pih aa ki lawpin, zong thupi ki sa mahmah tek hi. Amahpen gam tampi apha khin leh aphalai zo pen ding ahih man-in, aki thuahpih ding amuan teng hong kai khawm leh ahi thei pah dingin ngaihsun ing.
Groups-mail ding: Thu le la ahunhun in aki zak theih nang leh ki kup theih nang-in Zonet pute, Zogamnet pute leh Zomi center pute mah-in hong vai hawm-in, amunmun aa Zomi Innkuan teng hong kan khia-in, amahsa-in EC teng groupsmail tawh kikupna nei himhim phawt leng cih khat zong ngaih sun ing.
-UN khawng leh atuamtuam te ah Zomi min dawk sak ding cih bel ei hanciam zawh thuthu hin-cin, amahsa in ih Zogam aa ding tampi tak sepkhop hong om pah lel in um ing.
-Zomi Innkuan Makai teng ki thu tuak in, ki pawl thei leh Leitungbup Zomi Innkuan hipah ahih man-in agamgam aa- amunmun aa Makai teng ii ngaihsutna athupi pen hongsuak hi.
- Kikup pongmah nuam i sak leh ki kumkum lai-ni in, neih ding hoih ih sak leh Vaihawm pah-ni. Maban Topa`n hoih asak leh gualzawhna hongpia den ding hi.
Keima hoihsak na hi, Lungdam!
Tuni ciang ka zakngei mun tuamtuam aa Zomi Innkuan teng anuai aa bang hi, aki sam aom leh hong behlap un.....
USA gam sungah;
1. Zomi Innkuan Washinton DC
2. Zomi Innkuan Florida
3. Zomi Innkuan Oklahoma
4. Zomi Innkuan Chicago
5. Zomi Innkuan Portland
6. Zomi Innkuan Texas
7. Zomi Innkuan Applachian
Europe sungah;
1. Zomi Innkuan Germany
2. Zomi Innkuan UK
3. Zomi Innkuan Denmark
4. Zomi Innkuan Norway
5. Zomi Innkuan Finland ( asawtlo in om ding)
Asia sungah;
1. Zomi Innkuan Singapore
2. Zomi Innkuan Korea
3.Zomi Innkuan ( Ciimnuai Innkuan) Philippine
4. Zomi Innkuan Japan
5. Zomi Innkuan Malaysia
6. Zomi Innkuan Aizawl
7. Zomi Innkuan New Delhi
Australia lamah;
Nelson Zomi Innkuan, New Zealand
Hih atung aa Innkuan teng-in ki pawl khop na hong nei leh Leitungbup Zomi Innkuan = Global/ World Zomi Community cihdan hong hi pah dingin lam en ing. Mun tuamtuam aa om Zomi Innkuan Makai ten zong ki pawl khop ding hoih ih sak na/ loh na, ih muh dan atuamtuam leh ngaihsutna te ki zasak leng hoih ding hi.
Ih ki pawl theih ding ana dah simsim om ding cih bel thei kholhsa hi,
Anthony Lian
Pawl Thusa
Zomi Innkuan Germany
No comments:
Post a Comment