Zomi minam huham ahi hiam?

Is Zomi still barbaric? (barbaric: barbarian, cruel, uncivilized, uncultured, insensitive, primitive civilizsyion, etc)Zomi te mi huham, a khangto nailo ihi lai hiam? Zomi thu - leitung muntuam pan i zak ciang hiamgamna, kithahna, sisan kisuahna, kihazatna, kihekna, kilaina, zukham leh ui hai banga kilai gamgamna leh a tuamtuam omlai tawh kibang hi. Nek leh tak zonna kidal sak, kibawlsia, kidal cih bang i zakte huham thei mahmah hi. Maisakna, thuahzawhna, kihehpihna, ki zahtak tuahna, kitheihsiamna, migitna, lungduaina, lungsim lian neihna, kihehpihna cihte om mello tawh kibang thei hi. Ka ma hong dal peuh ka vatmai ding hi (eliminate) cih dan lungsim khawng zong omlai hi leh kilawm sak hun om hi. Biakna in hong nunnem, migi, lungduai sak tuanlo ahih leh i biakna dik lo ahi diam? Ahih kei leh i biakna theician lo i hi zaw diam? Laisiamna in hong pil gamtat sak kei leh i laisiamna pen a nuntakpih lo cihna hi a, laisiam bek hiin khantohna leh pilna ngahlo cihna ahi diam? Ahih kei leh nuntakpih dinga pilna sin lo a sum leh pai muhna ding bek a laisim i hi diam? Ganhing nuntak, gamsung lungsim nei a ei hong thukimpihlo, ei lam a panglo peuh i galte ci pahpahna lungsim om ahi lai diam? Tolerance (thuakzawhna) nei mahmah nailo Zomi te i hilai hiam? I khantohna (civilization) pen themzong kikhin nailo (primitive civilization) ahi diam? Khuapi ah teng, ahi zonga ganhing lungsim pua. Thupi taka kizem lenlan in ahi zonga gamsa banga huham. Taihinn sungah teeng lianluan napi vompi leh sahang banga kual gemgam mit san gega lai i hi hiam? I minam laisiam tam dan, biakna thupi bawl zia, kizep siamtaak zia, nek leh dawn a limcit taak ziate tawh teh in mihing khangto te banga i nuntak, i gamtat (civilised lifestyle) hun veve ta leh bel kilawm. Gentleman gamtat (migi gamtat) pen i minam sungah kizeel zo nailo hi hiam cih hong ngaihsun sak hi. Kiho ciang awsuah ging zuazua, anne leng ankhai ging gamgam, innsungah lampai zong galdelh mahmah bang gamgam puak taptap a pai, i kizepna te lah i nu te kumkhat nasep thaman tawh zong a kilei zo loding pipi a manpha hita. Zomi te mi huham i hi lai hiam? A khangto minam lungsim i pua ta hiam? Ganhing lungsim, gamsung lungsim i pua lai kha hiam? Phu kila, sisan kisuah cihte i tangzang zat mahmah a, mulkimna neilo, maisakna neilo, migitna neilo, huham taka i gamtat leh bel - civilized culture ah i teen, i bial, i bual, i nuntak hangin a khangto nai hetlo, barbarian lifestyle a zang lai i hi kha ding cih lauh huai hi. Hau Za CinPhuitong Liim

PUPA KHANG AA KIPAN TUNIDONG CIANG ZOMI MINAM NAKICI KHA HET NAI LO AA NO KOIPAN AA NONG PAT KHIAT UH HIAM ?( ZO MINAM)CI BEK KEN KAZA NGEIH LEH ZOLAI KA NASIM NGEIH AA (ZOMI LAI)CIBANG KAZA NGEIH KEI HI.UANG LUA UH TEH NAPAU NALAI UH LEH NASEP NATE UH ONG KILAWMDING LEH KHANGTHU PUTE PATE KAMMAL TE (VOICE) NA KANSIAM LAI DIHUN>>>ZKK