I zogamah singphuk ding omnon lo

I Zogam ah losing phuk ding bei ta ahih manin midangte' gam ah nuntaakna zongin ki tai ngeingai mah hi. Zogam nim dildel nawnlo hi. Hong puah kik sawm lo ding maw, Pu?Zomite in tuma kum zalom khat ma in pau bek ki nei in lai ki nei lo hi. Ahi zongin Pasian in lampi hong hon sak in Missioanaries te' tungtawn in, a diakdiak in Tedim-Zomite' aadingin Cope topa in phonetic system tawh Zolai mikaang ABC-Z te tungtawn in, hong bawl sak hi. Lai nei lo te'n lai ki nei ta hi. Tu in, i Zolai a sim ding mi ki cing lo ban ah kumpi in Zolai sin ding hong khak tan lailai hi. Kawllai, Mikaanglai le Vailai te uk cih thadah Zolai na ngawn sim ding a kinlo Zomite, i lai sin ding le sim ding hong ki khak tan lai sawnsawn ahih manin dah huai ta hi. I khua i tui ciat ah bel Zopau mah in ki pau tek lai a, i lai bel a mansuah kik dekdek le, lai nei lo te i suah khak kik ding lai huai hi. Buddist kumpi te'n Zomite a upna uh a lai sung uh ah teng hi cih thei ahih man un, i pau le i lai pan i ngah uh Christianity suksiat ding panla mahmah khin zo uh hi. Tua ahih manin i lai le i pau pan i ngah i upna i taan nop keh na lai kem cing in la, sim ding le zuun ding,puahphat ding kin velvel in. Kawl lai sang zong zatna nuam zaw a, Computer tungtawn a international a ki zang thei lai mal ngah minam te ihi khin hi. Tua ahih manin Zolai sim nuam le simding mihing hong ki beh lap nang le khang in pung in mitam pi i phak na dingin thungen unla, zi nei nai lo kei bang lai tangval te'n Zogam na ciah peuh uh teh zi la pah un. Ta zong tam pipi neih sawm lel un. A zawl gai a om le nau suksiat Pasian in deih lo hi ci in hilh un. Suak lel in tagah sang ah hong ki khoi sak ding hi ci in han thawn un. Zomite mitampi ki sam hi hang ci un. Zomi na it leh a suakkhia thei ding din mun-a apiangkhin nau susia (that) kei inla, a suksiat theihna dingin, adviser pa/nu zonghi kha ken.Lungdam hong kuppih Suang Dal (Manila)