NGAIHSUT HUAI

"Tun sung khat pan, piang hi ngei ngei hang e" A la bek mah zong i sak ciang nuam tuam lua mah mah hi. Pawl khat in bel hih teng bek sim zolo in behlap in " Tu in tui bang gawm lo mah zong leng, nung ciang in tui bang gawm veve ding" ci zezen thangah huai mah mah hi. A kua mah midang zong om lo, a dang zong om tuan lo. Zotate mah hi hang. Pupate lungmawl man in Chin Kuki Mizo a hong na ki ciamteh Zo tate mah hi hang. Tun khangthakte khanglo ta hi, "Ma-lo bang pan ta-ni ci¢n leh tuai aw ". Hih bangte i gen ciang in i lung a hong phong zezen hi.A ngaihsut huai mah mah Zomite ki gawmkhop zia en thak leng, i pilna uh leh i hainate uh i mu kik ding lametna tawh thu tamlo gen ni.Delhi khuapi ah 1982 in ZCF na ki phuan khia hi. Tu 2007 ciang in ZCF Delhi pan a tai khia, i ci diam, a piangthak i ci diam Zomi Christian pawlpi i khutmal-zah bang om ta hi. Unification nai mah mah napi in, gam-la mah mah zel mawk hi. ZCF pen Zomi Christian pawlpi tuam tuam te¢n Donghu bang in zang hi leng a ki lawm mawk hi. A Christian pawlpi teng bek mahmah zong a ki gawm khom theilo-te i hi lai uh hi. Nung diak in India gam muhkhat ZCF pan in pawlpi khat keuh khia thak hi zong om hi. Zomi Christian makai te¢n Haleluiah cih ding maw Topa aw, a maute mawhna na maisak in ci ding. Hih bang khong peuh in ei a Christian tata om mawk leng in Zo tate unification koi tan tung peuh mah ding a hi hiam ? Ngaihsut tham i sa na hiam tu ni in.Saukta cih mah tah Kumpite laipi (Memorandium) piak i kin mah mah uh hi. 1960 in PNC (tun PTC) in Zo mite kigawm kikna dingin India kumpi laipi na pai-in a thulu dingin For the re-unification of the Chin of India, Burma and Pakistan(Bangladesh ) Tua khit Zomi National Congress in laipi na pia leuleu in Unleash the political chain that bind the Zomi(Dismantle the political barries between the Zomi of Burma and Indai) cih thulu na zang uh hi. Hih pen Pu T.Gougin hun in ki pai hi. 1993 in ZRO in laipi na pia leuleu in Re-unification of all the Zomi of Burma and India into one political unit, cih thulu ki zang leuh leu hi. Hih lai ah 1960 kum a PNC laipi piak pen « Indeed the Paite National Council (Same people pf Zomi) submitted a memorandium to the then PM of India in 1960 » na kok muh leu leu hi hang. 1993 kum mah in CNF, Pu John Kho Kim Thang hun in UNO ah laipi na pai leuleu uh a Zo mite India, Burma leh Bangladesh Re-unification na ding in. ZORO in zongLaipi USA President-lui Bill Clinton kiang ah 1993 kum in For the re-unification of the Chin-Lushei country(Zoland) cih thulu zang in na pia leu leu hi. Tua ban ah ei theihpih loh in Kuki lam KIF hi in, KNF in zong laipi Kumpi tuam tuam kiangah a na piak ding uh i um hi. Hih bangte i ngaihsut ciang in hoih mah mah napi in i min loh dan uh a ki bang tom mah mah hi.A masa in PNC in Zo mite hong huam kim mah mah hi, India, Burma leh Bangladesh. A kik ciang in India leh Burma bek in huam ta uh hi. Hih bang a hih leh 1960-1993 kikal in Bangladesh Zo mite India leh Burma gam tung mang khin ding bang mawk hi. Zogam, Zoram, Zoland, Chinland, leh Kukiland ah ei teng mah mah i buai phot uh hi. Hih bangte i ngaihsut ciang in i sungthu a hong theinuam in Kumpi lam pan hong sawl sim le uh, i kel-lu phum teng uh a hong mu suah ding uh hi. I ki pumkhat loh zia uh hong thei ding uh ah, Election a i ki hel lo i cih ten ten hang, i ki hel lam a nung ciangin mite¢n hong thei khia veve ding uh hi. Minkhat, pawlpi khat in i ki pauk zawh uh ciang in i Unification na ding uh lampi hong vang pan ding hi. Bekthamlo in Zomi cih India, Burma, Bangladesh Kumpi ah recognization omlo sawn sawn hi. Makaite leh ei a mipite sep ding na tam mah mah lai hi.Nikhat India hiam, Burma Kumpi hong hai-vat hen la, Zo mite no mau deih na bang hi hen hong ci mawk le uh¢ Lungdam huai mah mah ding a, a hi zong in buaina lianpi a hong piang ding i mu khol theih hi, Haokip State, Guite State, Sukte State cih bang in i phung min teng mah mah in zong a Laizom melma a suak kik dingte hi lai hang. Hih bang thute tampi te¢n a nagaihsun kha khol kei ding a, a na ngaihsun kha te¢ na lungnuam huai hetlo ding hi. Suahtak-ni in tual-gal pian ding a baih mah mah hi. Hih bang thute i ngaih sut ciang in Makaite leh ei a mite¢n Topa Kote hong huh in cih cih ding mah a hi hi.Zomite¢n Zomi ci in India, Burma leh Bangladesh a ciaptehna i neih nailo hang in, a sawt lo in Mizoram ah Paite Autonomus District ki nei ta ding hi. Zomi mah hi hang, Autonomus District ki sam mah hi. Zogam, Zogam, Zogam pian na Zogam nuam a la beak in sasa ni maw ?India Prime Minister pa zong Assam gam pan in MP ngah theih hi ven, Zo mite MDC lunggulh peuh mah a ding in khua hong vak pah ding hi ta hi. Takkhe Zogam Vontawi ! Zomi in deidan nei lo hi ! Zomi lungsim pau ciat mah ni !Thu khat a pian ciang in , ahaite a ding in , haipih khop ding mah thu om a, a pilte a ding in zong pil-khoppih ding tu mah om hi. A simte a ding in zong, sim beh ding om mah bang a. A simlote a ding in zong, simloh ding mah hoih zaw hi. A theilote a ding in theih loh mah ding¢ hoih zaw a, a theihte a ding in theihtak mah thu om leu leu hi. Thu ngaihsun theite a ding in ngaihsut tham a cing mah mah thute bek hi bang in ki gen hi. I Zogam Agape sang in, zai lua sa keng, Zomite¢n i Zogam Agape ngaihsut huai sa ing.Celebrating Freedom of Expression ZonoZolim,Bekanlei