Nungak hel dan tuamtuam:

Ka pa tangval laiin meilah de in nungak hel uh hi. Kei tangval ciang leitung khangto zaw deuhta a dry cell battery kithuah datmei kici 'torch light' zong akici tawh nungak kihel a, ka tangval lai mah in electric vak ah nungak mel kician taka kimu thei in nungak kihel thei a, ..... (a ban pen ngaihsutna tawh zom ciat ni)...Ka pa khangah khuakhat nungak bek kihel uh a, khuazin ciang zinna khua nungakte hel uh hi. Khualzinna pen khe tawh lampai vive hia, tua manin gim uh ahih manin ngeina danin mikhual tangval pen khuatual tangvalte sangin ciah baihzaw, lum baihzaw uh hi. Leitung hong khantoh zel tawh kituak in nungak helna pen khetawh pai bat, khetawh kitung zo hi mah leh ki style sakna leh noptalna zaw deuh tawh moto tawh a hel om ta a, Motor Bike leh Car tawh nungak hel om in, Jeep leh Truck tungah tuangin a vak zong om hi. Tua mah bangin Bicycle tung tuang leh Lawi tung tuang, sakawl tung tuang cih bangin om ding hi. Neih zawh dandan leh a kisap bangbang in kigamtang ciat ci pak ni. Tu hun ciangin leitung tawmkhat hong khangto zaw deuh a, nuntak hong nuam i cih hang nuntak a gimhuai hizaw ta a, nuntak nuam sangin sum leh pai tam kideihzaw ta hiam cih ding hi. Ahih kei leh a kilawm zaw deuh in gen leng i nekzonna hong kidang hi. Korea ah U Suanpi in la lui khat a gen zel mah bangin, "Sunni lah tum ta, ngaih tawh lah khawllo" hi den mai pawl om hi. Ngaih neite lah omkhawm lo, ngaih neilo te lah om khawm heelhawl cih zong om thei hi. Tua mah bangin ngaih neilote lah om khawmlo, ngaih neite lah om khawm cih zong hithei hi. Bangbang hi leh thu kizak tuah pen nuntak a nopna hi a, tua dingin laikhak kikhak thei in, telephone pan kiho in aw kiza thei in, "kong ngai lua" peuh kici pongpong sam in, internet tungtawn in laikikhak in, kiho on, online ah kizom in kiho lim cih bangin kizopna hong om hi. Meilah de a nungak helna pan internet tan kikhangto man cihna hi a, khangkhat khangthu dingin a thupi veve hi. Khe tawh nungak hel hun pan, Bicycle, Motor Bike, Car hun ban ah Vanleng na tawm tawh nungak a kihel ding hita tazen hi. Khantohna na sia mahmah hi. Bangbang tawh nungak na hel zongin itna kisam pen a, itna a kuitung ding thupi hi. Heina dang zong lailung kidang lo. Heina peuhah Zomi. Hau Za CinPhuitong Liim