Minam it leh mei-aam sikkhak

Reply non bawl zatzatdan apan leh tuma lama i pankhawmdante ka etin i nam na itna leh Mizorama i dinmun na khualna thupi ka sa a, tulaia reply non bawla na thugente apan pilvanna ding leh kizil ding tampi omin ka thei hi. Ken zong politics tawh kisai ka lungsima ka vong gige khen khat, kong genkhia nuam hi.Gam leh minam pen a it taktakte in phut zo bek uh a, laisiam ten zuun uh hi.Politics sai pen haksat tawpin haksa a, mei-am siik khak bangin leh tangtel sihtan banga kitom ut chang om thei hial mahleh, nungak heel omdan banga om kul a, BANGKIMah kideek zawhna pen i qualification poimawh bel khat hi.Minam nasep pen collective work hi a, tua paipih theihte makaih ding hi. Leitungah mi kineihsiamte nawngkai pen zel hi.Nam nasepnaah, plan hoih tak neiin tot ding hi a, non-plan in hong buaisak tam zawk khak ding kidop kul hi. A masa-in i pawl sung, a nihnaah i minam sung i setup phot ding hi a, tua dingin mun tuamtuama i mipih teng in tanvo i kihawm ding leh i kithuahkhawm ding hi a, poimawhna tuam chiat nei vek i hi. Tua zawh chiang external lam nga-in kal i suan ding hi. Tua ahih kei leh kisakkholhna om lopi-in innlum nusiat ngai thei hi. Lampi sialsa tot kul hi. Sum a tawm lai sung teng gam leh nam it taktakte kilang a, sum a om chiang khuak neite hong kilang zo pan uh cih zong theihsa hi hen.Mahni angsung chauh khualna, minphat delh luatna leh kilalsaknate in mipite huaikhawm ngei lo a, mipi lungsim i zawh theih chiang chauhin THA kinei pan hi cihte ngaihdan kinei a, gam leh nam it taktakna leh mahni kipumpiak taktakna i neih naak leh Kanan gam i lut lah na’ng omlo hi.Ei sanga experience neizaw, kamsiamzaw, sum leh tha neizawte nawk i hihlam i phawk gige kul a, hong lamlahnate uh leh hong deihsakdante uh i suut detdet siam ding kul hi. Gam nei khinte leh minam dingkip khinte omdanin om thei i hi nai kei hi. Aman i piak zah i ngah ding hi.A suakta gam leh a khawsuak minam phuh zaha a haksa nasep dang om lo hi. Mizorama eimi ten munphiah chiin sang, a neekching ngei ding ADC ciin ki-ut hi. Zusa omna ngei a kua tawh/laih sawm ni.Hong kithuahpih zel ta un.- JTLP