How far is America?

How far is America (America bangtan in gamla hiam?)
Posted by: "Hau Za Cin" http://in.mc391.mail.yahoo.com/mc/compose?to=suante2002@yahoo.com&Subject=suante2002
Wed Jun 6, 2007 10:57 pm (PST)
How far is America?: America bangtan in gamla hiam? ciin kidong leeng i dawnna kibang hetlo kha mawk ding hi. Pawlkhat in khuk ciang ci dinga, pawlkhat in tong tan ci ding a, pawlkhat in baan tan ci dinga, pawlkhat in dinkhuum ciin, pawlkhat in mualmong et tan ci kha ding hi. Pawlkhat leuleu adingin Uiphuk' Kawl Hawh Thu bangin ngaihsun ding hi. Bang hangin America cih sese? Leitung sum hau pen gam hi a, mi khempeuh tenna dingin a kilunggulh gam hi. Zong teng zotakpi leeng (teeng thei takpi leeng) vaimim ciim bekzong limzaw deuh a, niangtui zong khum zaw deuh hih tuak hi. Zomi te adingin Zogam Thak (New Zogam) hi mawk hi. Nuntakna thak ah nuntakna, Zogam thak ah tenna, mun thak, ngeina thak tawh nuntakna kici thei ding hi. A tungzo te tung henla, a pai ut te pai henla, a teeng ut te teeng hen phamawh kasa kei hi. Zomi te bek hia gam zuan hi lo a, minam tampi in uipi saguh bawk kituh bangin a kituhna gam hi ven, Zomi khat a tun zawh leh a hampha ciin lungdampih ni. A gamla sa mahmah i om laiin, naino bangin a tung ziauziau thei zong om veve kha ding hi. Tuni na tung nai kei leh zing ciang hi thei a, thai ciang, maikha, mai kum, mai kum 5 ciang .... cih bang zong hi thei hi. Tun sawm teitei ni ciin ka ngaihsun tuan kei a, a lunggulh a om leh tuate adingin deihsakna pia nuam hang ka ci zaw hi. A lunglut lo te lah kisawl ding hi kei, a lunglut te lah kikham ding hi kei, (ko khua ah mi khat in a cih danin) "eima ngaihsut dan tek" ci leeng hilo diam. Tai tulkhat khualzinna ding kalkhat suanna tawh kipan hi ciin Sen te in paunak na nei uh hi. A gamla mahmah i sak America pen i tun sawm leh kalkhat suan kheh phot leng kalsuan zahzah in kinai semsem ding cihna hi. Tua mah bangin nasepna khat peuh ah kalkhat suan to zel leeng, i nung kalkhat in kinusia a, i mai kalkhat in kinaih hi. Hau Za CinPhuitong Liim
Dr Cinpu
Posted by: "suang dal" suangdal@yahoo.com suangdal
Fri Jun 8, 2007 10:38 am (PST)
Dear Dr Cinpu,
"Ka laikung pan" cih Zolai bu Taipei pan a at pen na hi na, sia? Manila pan sia Thang Cin Lian in, laibu vakha nuam teng a tangko a, ken laplo a, nikhat ni teitei teh sim nuam ding hing. Nang le nang lah Dr ki ci ngei lo na hih ciang-a, ki niamkhiat lua na hih ciang-a, a theician nai lo hing. Zonet sung ah hong dawk vangvangin na lai atte, na lungsim sauziate, Zomite na pahtawizia, na huaiziate angtang mahmah hang. Khuazu magazine sungah na lai atte zong sim zel ingh. Na minpi Dr Hau Za Cin mah hi mawte U Cin? Genkhialh a om leh hong maisak in. Tun kaw na omlai tak a, U Cinpu? Zogam aading nalian hong semzo ding pilna hong pia i biak Pasian phat hang ei.
Khazih sungah na Zomi sanggam Suangdal (Dal) ZozaangTawmvei Manila

Common Good and Civil rights

'Tawsawn' cih pen 'dictate' cih hilo ding in um ing. 'support', 'encourage' cihna hi zaw hi. Kipanpih, kihuh, i hih lah i sep lahte kihuh cihna hi zaw in thei ing. Sep khawmna, pankhawmna, team work, a kigenna hi zaw hilo hia, kei theih dan tua dan hi. Mikim hoihna ding leh mimal hoihna ding cih na gen (common good vs. individual rights) cih pen kei ngaihsutna tawm khat hong kum nuam ing. Zomi te pen pupa khang pan a kipawlkhawm te hi hang. Gentehna khat gen leeng. Zi leh ta kila ding hi leh zong nu leh pa deihna kizui in, tangpeek cih bang omlo a, a kiten khit ciang zong a zi neipa bek in nei hilo in, a innkuan bup, a beh leh phung, a meltheih khempeuh in thu nei lailaiin, amau nupa thu bek tawh gamta lo hi. Innkuan sungah mi khat in kumpi nasem in, galkap tum in, sum leh pai nei in sem khia zo leh amah leh a zi leh ta bek in nopsak pih in a innkuan, a meltheih kaan lo hi. Tua manin Zomi khangthu ah mimal thupina tamlo a, mimal kithupi sak masa lo a, avekin kihuamsak tangtang hi. Khuasungah mi gina lo khat omin hi leh khuazang bup in thuhilh in kamhilh uh a, mi khempeuh in mi khempeuh kihta hi. Tua pen kua mah tangtat theilo, kuamah in, "kei thu thu hi" ci theilo minam hi hang cih a kilatna hi. Tuate theihsa vive hi. I Thulu ah lut kik leeng: Zomi te khangthu ah mikhat in ama aituam in gamta theilo a, mi tamzaw phattuamna dingin a gamtat kisam hi cih hi. Tua manin hih laia laiat pa in zong tua lungsim nei hi in ka um hi. A lai at panpih ing, panpih keng ka cihna hilo in, i nuntak dan a ki lamdanna ka gen sawm hi. Zomi pawlkhat in i minam bup phattuamna ding a ngaihsut laitak in pawlkhat in mimal phattuamna ding kingaihsun ta hi cih hong phawk sak hi. US pen personal right, individual rights, a thupi sak mahmah gam hi a, a ut leh a guaktangin vak leh zong a nu leh pa in zong bangmah gen theilo hi kici hi (ken mu nai keng, ka zak thu hi). Ahi zongin Zomi khat tua bangin hong gamta leh a innkuan bek thamlo a beh a phung, a khuapih a tui pih leh a minam mahmah in zong kithu hilh nuam lai dinga, - innkuan, beh leh phung, khua leh tui leh minam minsia sak ci ding uh hi. Zomi te sungah lungsim thak hong lut ta a, tua pen Individualism (mimal bek kingaihsutna) ahi hi. Tua pen i pom pak diam, society mah in i om lai diam cih kumlui in zong lai pawlkhat ka at kha hi. Zogam leh Zomi te tenna mun te ah Zomi khat in gualzawhna nei ei cih a zak bektak un lungdam a khukdin a lungdam thu ko a om laitak in kei mimal hamphatna ding om kei lua ciin a biakinn kaai pihpa/nu nangawn a lungdampih sawm lo om ding hi cih hong phawk sak hi. Individualism pen i pom pak diam, kipawlkhawm, sem khawm, kikhual, kihuh mah in i nungta zaw diam - Zomi aw?Individualism i pom leh bel sihna ah zong ei mah i kingaihsut ding, nopna ah zong ei bek mah i ki ngaihsut ding, kuamah kiang pan pahtawina, huhna, panpihna, seppihna kilam en theilo hi. Sum tawh i lei kisam ta ding cihna hi. Zomi te in tua bang i hi thei ta hiam cih ngaihsun kawmkawm ni. PS: Thu kidong te pen mimala kimaingap a kihona zong hi kha in um ing. Tua thu hanga ka phawk khak thu leh Zomi te lungsim hong kikhek tohtoh dan a gen pak ka hi hi. Hau Za CinPhuitong Liim

La Hoih kasak khat

Ka-zotna Tuanglam, Ka-totna Lingtam!
Posted by: "zo khai" zo_zoa@yahoo.com.sg zo_zoa
Mon Jun 4, 2007 6:58 am (PST)
Ka Zotna Tuanglam;Ka Totna LingtamZo Khai-pan'n.Huihkhii honglaan ciang-in,Seenngaihno' gimsi nuamte'n hongphawng!Huihpii'n hongseem ciang-in,Seengualte' tong-el khumte'n hongdawng!Taikhua hongvaal mahlehzong,Sialding sinthu vengmawh-e!Muikhua hongziing mahlehzong,Suutding suunmang thengmawh-e!Itna damtui zaila'n ka-khiang,Laaizom ngaihna ciibang ka-tuh!Hehna tuibang khanciang,Dikna'n zawlbang honghuh!Laaikhunpan zuangka-tho,Ngaihmeel mulo kaduangvul!Sinlaai-ah lingbang hongdo,Kazaitha longbang atul!ciphotni!

Melmuh nai loh hizaha it theih hi mawk maw!

Mon Jun 4, 2007 6:43 am (PST)
Melmuh nai loh hizaha it theih hi mawk maw!:Naungek a nu gilsungah a om laiin a nu in amel mu nailo hi. Ahi zongin a it dan, a ngaih dan pen a lamdang hi kici hi. Bang hangin muh nailoh hizah a ki it thei hi ding hiam? Bang hangin i muh ngeiloh Pasian hi zah in ki it thei hi ding hiam? Nu adingin tano pen amah a bulpi ahih manin, ama lungsim leh a ngaihsutna ah a mailam ding khempeuh khualna khat om ding hi. A mel muh ding ngaklah ding hi. A khut ah a tawi ding ngaklah ding hi. A nohnoh hun ding ngaklah dinga, a khantoh dan a muh ding ngaklah ding hi. Khansuah a, mihing ngeina khat, mi picing khat suak sak ding cih pen ut mahmah ding hi. Tano pen a melhoih ding hoih loh ding tawh kisai lo hi. A ta ahih peuhmah leh it pah lian hi. Hi bang itna a neihna pen lametna a neih hang hi ding hi. Lametna, upna a om man in itna a nei hi ding hi. A ta mihing khat hi ding, ata in amah lungdamsak ding cih upna leh lametna nei hi ding hi. Muh nailoh US gam pen it mahmah om thei kha ding hi. Tua mah bangin sum leh pai leh kham leh ngun te zong e! Tua sanga thupi zaw Vangam leh mihing te a piangsakpa Pasian zong e.....Na mit tawh na muh nailoh na it mahmah bangzah a om hiam?Hau Za CinPhuitong Liim

Lamka Khuapi sianthona lam

Posted by: "guite james" tguitejames@yahoo.com tguitejames
Sun Jun 3, 2007 7:49 pm (PST)
Ih Zogam a khuate singthouna lam nakpi tak a pan lak ngai in ka mu hi. Tunung kumnih lai pawl a Lamka ka pai lai bangin, Ih khuapi a nit zia leh ih ki sak theihpih mahmah ih lampi te hawktui,buannawi (mud) a dim khawng puah ding tampi om hi. Ih khuapi te ah singthouna kitak sapziak in natna tam a, tua in khangnou lai tampi te lupna tungah damlo in ih om tam mahmah uhi.1. Sewer system/ToiletHihtawh kisai ah ih Lamka a toilet a tamzaw te hoihtak a a tung ki khuhlo, cement zang sese lo a ki bawl, eklong bang ensuk leng a nuai a ek kimu suak thei chih bang in om hi. Hiai ih en thou (fly) in bawh in, Huai thoute'n ih annek kuangtung peuh bawh ih natna lungnou te nisim in ki nekha den suak hi.Hiai tawh kisai in Lamka in sewer system a kin thei bangpen a bawl ding thupi mahmah kasa hi. Tuabang a ih bawl zawh kei leh zong cement zang in hoihtak a ekinn bawl ding kisam kasa mahmah hi. Sewer system ih neih louh ziakin ihlampi te a tuihawk/hawktui vungin ih khua nin sak mahmah a, ekinn a tui dim in huai in ih khuapi namsia sak mahmah hi.2. ElectricityElectric power ginat louhna in ih khantouhna ding nakpi takin hong kiamsak mahmah bek thamlo in, nek leh dawn a ih siangthou dingzah ih ih siangthou thei kei hi. Hih tawh kisai a news tuamtuam, TV leh power kisam tuamtuam a vanzat theih te ih zat theihlouh man in ki kia niam mahmah hi.Hihbang a power ginat louh hangin kuaman fridge na tawm lei dingin ih ngaihsun kei uhi. Tua hangin ankhing peuh mawk neknek in, a hing gim a nam kei nak a leh ih nesuk uh a huai contaminated food te ih nek gige ziakin Hepatitis natna bang ih nei zelzul uhi.3. Mehzuakna mun/ BazaarLamka khuapi sung a mehzuakna te ka muh teh Pasian in hih zah a thupha hongpia a hong damsak pen lamdang kasa mahmah hi. Nga ( fish) zuakna, Sazuakna ( Meat) mun leh nateh tuamtuam zuakna te ka muh leh thou (fly) tam lua mahmah in sa/nga lei ding bang nakpi a thoute a hon zap khiat nungua, ki lei in, huai a ki ne suak a , Huai in bacteria tampi a a ki nekha suak hi. Ih meh huan te a bang tan degrees celcious zang a, hun bang tan huan a bacteria si hiam chihna tawh ih thei kei lai uhi. Huai in nek leh dawn sianthou louhna ziak a natna tuamtuam tampi ih tuah lawh uhi.4 Drinking WaterLamka a teng a tamzaw ten tuikul ( wall) ki nei in tua tui ne ih ki khawsa uhi. Electric hoih louhziakin suanmin sa a dawnlo 80% bang ih hi uhi. Ih tuikul te kumkhat a khatvei na tawm a puahlo 90% bang ki hi dingin ka um hi. Ih tuinek ding a ih ngak lah mahmah Khuga Dam ( water supply) lah kum hiai tan ih buaipih uh a tui khatvei mahmah ih ne kha nai kei uhi. Tua a hihman in ih tuikul neih sunsun filter zang ih water pump tawh tanky ah koih leng natna lungnou bacteria tampi ih ne kha kei dingin ka um hi. Tua a hihman in ih tui nek tawh kisai a water pump hoih mahmah neih a filter tawh thuah leng ih dam tuam mahmah ding uhi.5. Waste managementIh khuapi lamka a hi ah tuni tak a nin paihna ki cian omlo in Goverment a pan in lah bangmah on lo hin ka thei hi. Ih nin te recycle/garbages leh waste thil tuamtuam te ut nana ah ih pai uhi.Adiakin Hospital leh a seh vel bang enleng mulkim huai mahmah hi. Hiai tawh kisai vengtuamtuam a organisation lian tuamtuam ten Gari zang a a fee piak a nin khawn ni neih a ih nin te paih det ding kisam kasa mahmah hi. Hiai nin te ziak in mosquitos bu ding a bawl saksak ih suak a, tuaziak a a tul a sim bang Mararia natna nei ih om om uhi. Nin paihna lam tawh kisai ih thupi bawl kei ua leh khangno pipi natna tuamtuam vei in, Ih gam khanthouna ding tampi sia sak thei hi.Hihbang tamlo ka muhdan ka hong gen hi a, Ih ngaihsut phat mahmah ding ka deihna a hi.James Thang GuiteJames Thang guite186 Caribou RoadNorth York, ONwww.thangguite. multiply. com

Paunak zuunna: Kam siam sial lei sang, kam sia sial liau

Posted by: "Tual Khan Suan" zolentang@yahoo.com zolentang
Sat Jun 2, 2007 12:32 pm (PST)
Paunak zuunnaTual Khan Suan (Suanpi)Kam siam sial lei sang, kam sia sial liauA zatna: : Kam hoih kam pha zangin thu gen leng thu sia pen zong thu hoih tawh kikhum zo in i deih kingah a, kam sia zangin thu gen leng i deihna i ngah loh bek hi lo in thu hoih kim lai na ngawn thu sia tawh kikhum thei hi.Mihing te khat leh khat kizopna ah gamtat khohek, kampau mukpau te pen nisim a i zat det thu a hihi. Tua gamtat khohekna, kampau mukpauna te pan in mihing khat i zia leh tong hong lah khiat mah bangin mihing te mailam nuntakna ding lampi zong a sial khia a hihi. Gamtat khohek siam, kampau mukpau siam mite in mi lian mi neu te’ maipha ngah a, mi te’n it a hih man in pawl ding mi a hau hi. Lawm leh gual kikal, veng leh pam te leh khua sung gam sungah ki-itna khang sak a kilemna piang sak hi. Gamtat khohek siamlo, kampau mukpau siamlo mi te pen mite tawh kilemlo bek hilo in mite khat leh khat kikal ah ki muhdahna, ki-elna leh a tawp ah ki thahna ciang dong tun thei hi.Nidang lai a i pu leh pa te pen mikangte bangin midang te vai ah kam kikum khollo uh a, a mau vai bek buai pih masa zaw uh hi. A mau tawh kisai lo thu sia thupha ah cialna omlo pi’n va ki guang lut ut lo uh hi. Kamlpau kidawm uh a, gamtat kidek uh hi. Gentehna in khua sung khat ah zawl gai numei khat om teh a mau tawh kisai lo pi a, a ko mite sialpi khat bang na kigaam uh hi.Hih pen tuhun a i theih ahi mikang te dan “mind your own business” a cih tawh kilam danglo hi.Kam khum tawh thupha gen mite pen khat leh khat mawhna kimai sak uh bangin kam hoihlo tawh a kampau mite pen thu neu no khat bek na ngawn ah liau sum kigaam uh hi. Kampauna in kilemna a piang sak bangin kisiatna zong piang sak hi. Zomi te ngeina sungah lakam tawh tehkakna a kigen teh “Sial” pen a gol pen/ a lian pen genna in ki nei hi. Zomi te gan khawi sungah zong sial in ganhing golpen/ lian pen leh a thupi pen in kinei hi. I pu leh pa te pen nidang lai in dangka/ sum leh pilna tawh na kidem lo uh a, lokhawh singpuak leh huangvulh ganta tawh na kidem uhhi. A mimza a taangza kho ing, huang vulh ganta tua zah nei ing ci’n min na sial uh hi. Tua huangvulh ganta sungah zong sial haute ki thupi sak in kizah tak zaw deuh hi. Ton leh lam a om teh zong sial min na lo uh a, liau sum dingin zong sial mah tawh thu na gen uh hi. A lungdam hun un sial na go uh a, lungdamna sang pen lahna in a neih uh bangin liauna baina ding thu ah zong sial mah na kikalh uh hi.Zomi te ngeina sungah sihna manna leh luang leh ban thu zah a thupi a om ciangin zong sial mah tawh thu kimai zo hi. Mihing khat luang man ding pen sial tawh na gen uh hi. Deih loh pen in khut khial ban khial a om a, mihing sihna ciang dong thu a tun leh zong sial tawh na ki thuum uh a, luangman na kigen uh hi. Kampau mukpau siam a thupha gen mite pen “sial lei” kipia in thupha na kileh uh hi. Mihing luang vai a thu genna a kinei sial ki-it lo in kamkhum, kam hoih a zang mite kipia in thu kimai sak uh hi. Kam hoih pen mi khempeuh in za nuam tek a hih manin kam khum tawh thugen mite thu gen pen kisang thei in kilemna piang hi.Tua ban ah kamkhum tawh thugenna in ngah ding a kilam etloh thupha tampi tak kingah thei leh mawhna maisak hi.”Sial lei” tektek a kipia kei uh zongin thubuai khempeuh bei a, ki-itna omsak a hihi.A hizongin kampau mukpau hoihlo zangin thugen leng Zomi te a ding a a manpha mahmah “Sial” kiliau sak in khat leh khat kigawt uhi. Tua a hih manin kampau mukpau siam a thugen thei mite i pu i pa te’n “ kam siam sial lei sang” na ci uh a, kam hoihlo leh kiphat sakna tawh kampau mite “ kam sia sial liau” ci’n na gen teh uhhi.June 02,2007

Zo laimal mahmah in khiatna tuamciat nei thei leh

Posted by: "lamthang7" lamthang7@yahoo.com lamthang7
Sat Jun 2, 2007 9:58 am (PST)
Laisim itteng,Sya Dongbawi in lai hong gelhna ah Ngeisok leh Neisok ci in, koi dik/man zaw ding hiam hong cih ciangin laisim tampi in tampitak mah ih zatdan, ih minlawhdan ih gelh tek hi. Avek in thupi hi.Zogampalpi in ih minamte literature/lai in hong khen ta hi acih mah bangin, ih lai zatte in hong khenkhen ding kipan in a tawhletno pan hong dawkdawkta hi. Ko beh, ko khua pau, ko tua bang bawng te zat deuh, ko tuakualte zat tua bang hi ih cihcih ciang ih mailam ding pen tua nengneng te'n ih theihloh kalin hong dal (hindrances) ahih khak ding deihhuai kasa kei hi. Ko beh ih cihcih a, ih thupitsak ih ultungsak ciangin na beh teng alungdam khamah dinga, a hizong na beh a hilo Zomi sungah sawmah kua sang atamzaw in nang hong koici muh dinga nabehte bangin himah ei hong cihpih takpi ding hiam cih ngaihsut huai hi. Zomite mi mawkmawk hinawnlo ih hih manin ih lai zong a mawkmawk in ih ut bangin ih gelh khakloh ding ih kisinsin ding kisam kasata hi. Asawtlo in Zolai mahmah tawh thukhun/upadi/ law cih khawng ih gelh hong kisam pelmawh dinga tua ni ciangin laimalno khat in thu nakpitak in aneih hong kisam ding hi. Tu masiah pen Zolai puah ding akigen ciangin Zolai pen ih pau dungzui in akitel hilel hi kici-in Zolai malkhat in khiatna tampi nei mawk hi. Tu mahmah-in hi lai nasim kawmin Zolai malkhat nalungsim sungah ngaihsun lecin tua laimal pen a awsuah tuamtuam tawh suaksak leng a khiatna tuamciat hong hipah mai ding hi. Ih zolai mal mahmah in a awsuah dungzui bek hilo in amal mahmah in khiatna aneih ding hong thupi/kisam mahmah ta kasa hi. Tua ahih manin Zomi sungah Taang Zomi bangin lai lam akin asiam mitampitak te'n Zolai tawh kisai hong gelhzelte simin khantohpih tek leng mailam ah ih Zolai hong picing dinga Zolai tawh laikigelhte ih sim ciangin ih sim khialh hong tawmdeuhdeuh ding hi. Hunkhat ciangin Zolai Tongdotbu/dictionar y hong picing dinga Zolai mal ihsim ciangin a awsuah laihzel in tua adeihna aitam cihcih kisam nawnlo dinga malkhat ih muh nakleh hibangin a aw asuak ding hi cih thakhat in kithei pahpah dinga Zolai sim hong nuam mahmah ding hi. Lungdam,Lamthang

Lingpak (Rose) leh Zolia

Mi khem peuh phial in atheih leh hoih asak, pak hoih penpen te sung ah khat ahi hih pak, ei Zomi te’n “Ling + Pak = Lingpak” ci sese. Tuni in amin hong ki kuppih nuam ka hi kei a athu tawm hong ki kuppih nuam ka hi zaw hi. Lingpak ka gen cing in laisim milam in na mitkha ah asan, eng, akang, naipak mel etc. cih bang in zompau tawh ka gen theihloh amel (colour) tam pi tak mu in ka hong um hi. Amel ahoih mahmah zah khat in agim zong namtui vangvang hi. A nuntak na ding mun, ahin khiat na ding mun teel se lo hi. Khamtung ahi a, zanggam ahi zong, mualdawn ahi a, kuamthuk sung ahi zong, khauvot na ahi a, khualum na mun ahi zong I suan na munmun ah hing in pak khia lihleh a hoih mahmah in akim apam et lawm sak mahmah hi. Leihoih na mun ah suan leng apak hoih zaw se hi. Laisim mimal in na mit kha ah apak apalh lihleh sa in a mu a om mah bang in pak ding a akithawi amu zong om in ka hong um hi. Pawlkhat in Pak kizuak na zii/bazal a ki zuak te amit kha in mu in, pawlkhat te in ahih leh innmai kongbiang a, kungkhat kungnih aki suante mu in ka hong um hi. Tuni in tua te ka hong gen nuam kei a inn suang sabuai (table) tung, pakbel/um tawh aki suang Lingpak hoih mahmah palh khat thu ka hong gen nuam zaw hi.Hi bang a inn sung hong tun na ding in pak I lawh lai tak kidawmlo in lo kha leng a ling in I khut hong sun vat thei hi. Tua bang ciang i khut ton vat in nih vei thum vei khawng ki sing saisai a i mut daidai hi. Si aluan leh asi luan na i khut langkhat tawh mekcip in asi i kam sak hi. Aling in hong sut hang in apak ki mudah tuan lo a lei ah ki pai tuan lo hi. Limtak in puah in pak bel sungah suang i hih manin innsung etlawm sak in nam tui sak hi.I tut na pan lai sim kawm in ki en phapah a ki lawng kha zel hi. Apua lam pai khiat nading vai khat peuh om leh zong tuapak ki nam masa a, kong khak pan khat vei en kik in kong i khak pan hi. Tua mah bang in inn sung i lut phet in tua pak mah i en masa hi. Khanglui te’n Zolia palno te “Zoheisa pak” tawh genteh mahtase leh tuni in Zolia palno te Lingpak tawh ka hong genteh nuam zaw hi. Khanglui te thugen athei lo ka hi kei a akhelsak sawm zong ka hi tuan kei hi. Zohiesapak leh Lingpak ateh kak nuam zong ka hi tuan kei hi. Amau a dem nuam ka hi kei a, keima ngaisut (imagination) tawh a gelh ka hi zaw hi. Zolia palno te zong Lingpak mah bang in a om na ding tel tuan lo in, koimun koigam tung ta leh mite nuai ah om tuan lo in nungta thei hi. Ama hoih na tawh a kiim apam et lawm sak a, ama gimnam tui tawh mi te lungnopna pia hi. Na lawh theih kei leh na khut aling tawh ong sun ding a na nasa ding hi. Amah a gilo hi lo in nang ma’n gina bawl lo, lopthop bawl, awlmawhlona lung sim tawh lawng na hih man a hong sun kha ahi zaw hi. Hoih tak in dawm in it bawl le teh nang a ding aki leithei lo lung nopna leh lungkimna ama tung pa’n na ngah takpi ding hi. Sabuai tung ah tua pak a om nawnloh ni in tua innsung ahoihna bei a, nam tui nawnlo ahih man in tua innsung ah ki om nuam nawn lo hi. Lungsim ngaihsutna te a thaksuak sak ding bangmah om nawnlo ahih manin inn sung ah sawt pi ki tu zo lo a, I vak na pa’n I ciah ding zong ki lawp nawn lo hi.Lingpak alo siam leh akem siam ahi ding in Zotaang te tung ah hih lai tawh tha ka hong pia hi.SB. Dongbawi(tawmveisung)London

-------------

This is for all you girls 30 years and over.... and for those who are turning 30, and for those who are scared of moving into their 30's...AND for guys who are scared of girls over 30!!!!... This was written by Andy Rooney from CBS 60 Minutes.Andy Rooney says:As I grow in age, I value women who are over 30 most of all. Here are just a few reasons why: A woman over 30 will never wake you in the middle of the night to ask, "What are you thinking?" She doesn't care what you think. If a woman over 30 doesn't want to watch the game, she doesn't sit around whining about it. She does something she wants to do. And, it's usually something more interesting. A woman over 30 knows herself well enough to be assured in who she is, what she is, what she wants and from whom. Few women past the age of 30 give a damn what you might think about her or what she's doing. Women over 30 are dignified. They seldom have a screaming match with you at the opera or in the middle of an expensive restaurant. Of course, if you deserve it, they won't hesitate to shoot you, if they think they can get away with it. Older women are generous with praise, often undeserved. They know what it's like to be unappreciated.A woman over 30 has the self-assurance to introduce you to her women friends. A younger woman with a man will often ignore even her best friend because she doesn't trust the guy with other women. Women over 30 couldn't care less if you're attracted to her friends because she knows her friends won't betray her. Women get psychic as they age. You never have to confess your sins to a woman over 30. They always know. A woman over 30 looks good wearing bright red lipstick. This is not true of younger women.Once you get past a wrinkle or two, a woman over 30 is far sexier than her younger counterpart. Older women are forthright and honest. They'll tell you right off if you are a jerk if you are acting like one! You don't ever have to wonder where you stand with her.Ladies, I apologize.For all those men who say, "Why buy the cow when you can get the milk for free". Here's an update for you. Nowadays 80% of women are against marriage, why? Because women realize it's not worth buying an entire Pig, just to get a little sausage.

Anbuuklam pan :Numeite pattah ding

Posted by: "Thang Siangh" http://in.mc391.mail.yahoo.com/mc/compose?to=zogampalpi@yahoo.com&Subject=zogampalpi
Thu May 31, 2007 4:55 pm (PST)
May31,2077Zomite khantohna hong zekaisak pen, numeite gakcip lua ihihman ahihi. Numeilam pan a awngkhia ding, amakaih ding kisam lua sa kahihman, minam leh gamthu ahizongin, innkuansung thu ahizongin numei khat in hong gelh ciangin, ka omna mun pan kapakta mahmah hi.Zonet sunga kigelh laite lakah numei kuate kihelthei cih zong kathei hi. A zawdiakin Julia Man Ngaih Hau gelh laite hoih kasak tammahmah hi."Nauluai aveikhut in leitung uk hi" numeite'n zungkan mahmahleh hoih kasa hi. Numeite panmun pen innkuansung hileh, gamvai hileh, cidamnalam hileh, sumzonna hileh thupi mahmah hi. Innkuansung tate apilna dingin nute pilna ihguat kul hi. Ih tate pattah theihna leh cidam khansuahna dingin, cidamnalam leh anlim bawlsiamna atheihkul hi. Tua bek hiloiin neihsunsun zekksiamna (economy) zong kisam hi. Tua khempeuh pen nute in aneih ciangin, innkuansung om tate khempeuh in a nu tungpan ngah ding uh hi.Kazi pen nasep hahkat mahmah leh thudik mahmah hi. Ahih hangin lailam-pilna neilo hi. Ei Zomi atamzaw anhuan limlua cih om khollo hi. Anlim keileh numeite kiphun gaihgaih thei mawk hi. Kei pen anlim duhmahmah kahihmanin nasepdang a om keileh kazi kiang kading hi. Kahilh kawmkawm in kahuh hi. Numei khualzin zawdeuhte bekmah anhuan limzaw deuh a, kongpua pial ngeilo ten aalu, ankam, maiteh-kan tuibawl ciang bekmah hihthei uh hi.Sa nangawn sem ngamlo khong uh hi.Ei Zomite lakah numei sasem khawng amunuamlo tammahmah lai hi. Sasem sa-aat cih khawng pasal bek septheih asa omlai hi.Hih lungsim puakte pen Japangal tawh nutsiat ding ahi hi.Luilua mahmah ta hi.Anhuan siamna pen Home Science pilna ahi hi.Tua pilna pen nupakop aa theihhuai hanciamhuai, sepkhop ding ahi hi. Khamtungah i anlimpen taangnganhuan leh buhnganhuan ahi hi. Tua zong tu ni in tawm kikum ni.1. Ngaanbeel kisam hi. Sensai-ah anamkim om ding hi. Atawm huanna leh atam-huanna nang kisap bangbang lei masa in. Ngaanbeel pen thuapnih thuapthum in kihuan thei hi.2.Buhman huan nasawm leh tuisa tawh zankhat bang diahkhol leeng lim hi. Nakepsiam kei leh na thukk thei hi. Taang huan nasawm leh tuisa zang kei in. tangneu ahihmanin min laklawh kha ding hi.3.Be tawh huan leeng limzaw hi. Be duhte aadingin. Be ui masa in. Helkim dikdekin ngaanbeel sungah guang in. Hen kei in. khusuak zo lo ding hi. Khanglui ten sikha-sawk ci'n khusuaklo thei hi.Sikha sawk hilo hi. Hen lua kha, ahihkeh abeel thuapna huthe hi lel ding hi.4. Khanglui lai iin sasolgep tawh meh thei hi. Aaksa tawh zong lim mahmah hi. Sathau iin kangkik leng zong lim hi.Natutsa iin na zi sawlsawl kei in. Agei-ah ding inla huh in. Nangguak in seemin nazi tu khongsak kei in. Numeite zongsang baih hi. Sepdang naneih kei leh nazi anthuk kuangsen huh in. Kuangsawp nahuhzo kei zongin, nang neekna peuhmah sawp hamtang in.Khamtungah lokhote in ankuang peuhmah numei nasep iin nei uh hi. Pasalte in tuga heiga sui uh hi. Nanglem uh hi. Khamtung lokho te ngeina zompaih ken. Sunthapai in numei tawh pasal tawh na kiseem hi. Sepdang naneih keileh na zi anbuuk nasep huh in.Thang Siangh.

1. "Zo mite khantohna hong zekai sak pen, numei te gakcip lua ih hih man a hihi" na cih pen diksa mahmah ing. Numei te pen ki gakcip lua takpi mawk mah ve aw. Niik te'n puan silh dan mahmah zong namdang te tawh kibang lo pah phot. Ei lam numei te in niik tualpi te'ng in pal lah pipi in lam ih pai teh gakcip gawp a hih manin zekai tuam pah hi. Ki tuailuai pih mahmah hi. Gamdang mite a hih le bel pant mah tengin lampai zong hat pah in, khuadak kawm thei hi. A khe lam free lua mahmah lel a hih teh lungsim nawngkai lo ka cihna hi. Ei mi pasal Vok man ding pa in zong a puante'n a zialto sam ve. Hi na sa hia?2. Mi pil pa a mah le mah kei pil ing ki ci lo aa, a mah le mah pil a ki sa te pen a kisam lai mahmah hi zaw. Mi hau taktak pa in kei hau ing ci ngei lo hi. Ama hauhna pen a sumbung pan in sum om zah ihmuh a hi kei aa, a phadiak in a tanu, a zi te' kipuah kizepna tung tawn in a tam zaw ih mukhia thei hi. Ka gen nop a hih leh :-Ei mi numei laptoh theihna dingin numei mah in a makaih sangin pasal khat peuh in makaih leh mualsuak baih deuh in ka um hi. Mi pil/ hau pa in a mah le mah hau/ pil ing ki ci lo in a pil/ hauhna pen a gei a om mi dang khat peuh in a hoih in a muh sak teh mipil/ hau a hih zawk mah bangin, numei te' hoihna le thupi' na a kilat khiatna dingin pasal khat in hong pat ding pen hoih zaw ding in ka um hi.Tua mah bangin NUTE NI ah numei khat mah in thu a gen sangin, Pasal khat in thu gen hi leh numei te' thupi' na tampi pulak siam zaw in ka um aa, tua mah bang in PATE NI ah pasal khat in thu a gen sangin numei khat in thu gen hi leh pasal te' hoihna tampi pulak siam zaw ding in ka um hi. 3. Hih thu te nang bang na ci ngaihsut a le? Ki kum khawm tek leng maw.

HahauPhil.

Biakna in hong khen hang,Minam in hong gawm

Biakna in hong khen hang, Minam in hong gawm hi.By Tual Khan Suan (Suanpi)I biakna (religion) leh upna ( beliefs) hang in Zomi te sungah kikhenna piang hi, cileng mi tampi te in nial ut in i san theih loh hang mun tampi ah a manna i mu thei hi. Zomi te in a nungta Pasian biakna (Christianity) i up ma hun ( 1899 kum malam hun) in dawi leh kau, pusha pasha leh sing bul suang bul peuh bia in i om hi. Tua bang ngeina biakna (traditional beliefs) sungah Zomi te khat leh khat ki-it uh a, unau sanggam, beh leh phung leh khua khat tui khat ki thu tuak in thu khat in luang khawm diamdiam thei uh hi. A thu tang pek leh lam tuam sat om se lo uh a , thusia thupha ah vaihawm khawm liailiai minam i hihi. A nungta Pasian biakna ah upna a neih loh uh hangin gamtat zia, thupha bawl zia, leh itna neihna zia te a kipan nu leh pa zahtakna ding zia te ah citak mahmah uh hi.I Zogam ah a nungta Pasian biakna thu (Christianity) hong tun ciangin Zomi te in a mau ngeina biakna (traditional beliefs) sangin hoihzaw sa uh a, leh sang thei zaw uh a hih teh mi pawlkhat in Pasian thu sangin pupa biakna nusia uh a, Pasian bia uh hi. Tua bangin Pasian thu um/ zui mi pawlkhat hong om ciangin pupa biakna bia Zomi te leh Pasian bia Zomi te kikal ah buaina piang in biakna hang bek tawh laigui zom Unau khat zong kimel mak/ gal leh sa in ki nei uh a, nopna dahna ah ki kawm nawnlo in khua khat ah tui nak khat nekhawm thei nawnlo uh hi. Hih pen Zomi te sugnah laigui zom Unau khat leh minam khat sungah biakna hang tawh kikhenna masa pen a suak hi. A hizongin dawi leh kau biakna, pusha pasha biakna pan in a nungta Pasian biakna hang a kikhenna a hih manin a manpha kikhenna i ci thei hi.A nungta Pasian biakna (Christianity) bek i Zogam hong thu hi lo a, biakna dangte a hi Muslim, Buddhism, leh a tuamtuam zong hong tung thuah lai hi. Biakna a tuam mah bangin a biak Pasian leh a thu luanzia kibang lo tek a hih manin khat leh khat tui bangin luang khawm thei lo hi. A hoihna a om tek bangin Zomi te in zong tua biakna te kan cian tek uh a, a mau santheih leh a lungkimna pen uh sangin bia tek uh hi. Pawl khat in Muslim, pawl khat in Buddhism cih bangin biakna khat pan biakna dang khat ah tai tek uhhi. Thu guipi leh paizia kibang lo a hih manin tua biakna tuamtuam te bia Zomi te zong khat leh khat thu kituak thei nawnlo in tuam tat tek hong kul ta hi. I up thu kibanglo a hih manin hih kikhenna pen a siangtho kikhenna i ci thei hi. Hih kikhenna pen Zomi te sungah biakna hang tawh kikhenna nihna a hihi.A nungta Pasian biakna ( Christianity) , Muslim leh Buddhism biakna te hang tawh Zomi te kikhenna pen i up Pa kibang lo a hih manin a san theih kikhenna a hihi. Tua biakna te sung pan in i Zogam ah Christianity pen thahat pen a, tua biakna zui mi zong a tam pen hi pah hi. Zomi te pen thu leh la khat peuh a thu cilgil in “ gul hik cil geh a en” minam te i hih manin Christianity zong kantel in i zong hi. Tua bangin thu leh la kan in i sittel zawh teh a kilawm leh a kilawmlo thu tampi mu khia in 1970 kum kim pawl a kipan in a nungta Pasian bia Zomi te sungah kikhenna hong piang leuleu hi. Hih pen Zomi te sungah biakna hang tawh kikhenna thumna i ci thei hi. Christianity pen itna bul phuh a nungta Pasian biakna hi a, tua biakna bia Zomi te in an kuang khat um khawm thei nawnlo zah dongin ki-itna neilo in kikhenna piang a hih manin a dah huai mahmah kikhenna a hihi.Bang zahtak in Zomi te sungah biakna hang tawh kikhenna a om zongin a ki nusia theilo leh a kipai khia thei hetlo thu khat in minam hihna a hihi. Bang biakna bia in thu zui in i om zongin i minam (Zomi) hihna pen bei thei lo leh biakna kibanglo a bia i u leh nau te zong Zomi hihna pan a kihawl khia thei lo thu a hihi. Biakna kibat loh hangin minam tuam i suak thei kei a, zong i suak ngei kei ding hi. Biakna a kibat loh hangin i minam a kibang a hihi. A kikek sia sa biakna pen gawm tuah kik ding hamsa mahmah ding a, zong a piang theilo ding thu a hihi. Tua hi a, Zomi te kigawm kikna ding pen lampi khat bek om hi. Tua pen minam ( Zomi) hihna bek tawh na sem in i kigawm kik thei ding hi. A kibang lo thu genin in kigawm kik ding sangin i kibatna thu gen in kigawm kik ding a baih zaw hi. Tua in minam ( Zomi) hihna a hihi. I biakna hang tawh i ki khen hangin i minam (Zomi) hihna sungah i kibang lai a i kigawm thei hi. May 30,2007

Min icih pen

Leitung ah mihing in, i piankhiat a kipanin, i kisap nading in " MIN "( Name ) khatciat i nei hi. Minamkhempeuhlakpan ZOMI te minthupideuh leh manphadeuh in kamu hi. Banghang hiamcihleh " Mi " khat i nuntak nateng "MIN " in hongtheikhia sakthei hi. Lai siangthosung ahzong Topa jesus mihing in hongpiankhiat mapek in, a" MIN" dingphuahsa in omkhin hi. A min in khiatna thutak in aneihlam Mate 1: 21 ; 23 ah i simkhaciatding hi. A suahma aa, akiphuak " MIN " pen tuniciangdong kikhello hi.Ei mitepen i minte akimawkphuah omlo-in, kitappih pi leh pu kineitek hi. I pianna i pu, i pate' mintawpna la-in min aphuakte i hihi. Ta upapen pasal tebang khangsimna hi cilengkikhiallo ding hi. Banghanghiam cihleh apu, apusawndong in kikanto theipah hi. A phuakte in amaununtaksung atuahkhak, asinkhak, nopsakna, haksakna te ahizong in neilehlam kicingtak aa, aneihna te uh ahizong in amaununtaksungthu te " MIN " tawhhongtheikhiasak theiziau uh hi.Tua ahihman in i minte indeihna, ngimnaneilua ahihman in nakmanphatmahmah hi. Thuthuk theimahmah ahihman in, mi " MIN " khat utbang aa, khelsakziau, laihsakziau cihbangdan in hisakmawkmawk dinghilo hi. Min khatpeuh i phuahciang in midangte lawhtheiding aa, akiphuak hilozaw in, aphuakte in amaununtakzia, amaupianzia te hongsutkhia uh hi zaw hi.Gentehna; ;; Thang - Minthanna, kicinna, vangneihna.Ho - Ki-it kingaihna, kithutuahna.~~~ ~~ ~~~Chin Leh Cin ChinChin in minammin hi a, khiatna neilo hi. Hongpiankhiatnazong teltak in kitheilo hi. Mi minkhat aa zatnading in khiatnaneilo hi. Mangkang ciamnuihhatpa in mangkang bean nacilo in Mr. bean nacizaw hi.Cin Cin cihkam/lai mal inkhiatna thuktakin nei hi. Mihing khat anuntaksung in neihlehlam kicingtak aa, aneihna thuhonglakkhia hi. Nopsakna lunghihmawhna aneihlo lamhongkilangsak hi.Cin = Neih leh lam kicing.Mung = Abulpi, aphungpi, amungpi.Kim = Na khempeuhneikim, mitawhkikim.Mi khatminpen khiatnaneilo in omlo hi. Ei utthutawh va-khelsak ziauthei omlo hi. A mintap pa/nu zahtakding thupizawkhading hi. A phuakte zahtakbawl in, i thupisimding kisammahmah hi. A minphuakte akhasia khadiam? Tua ahihman in " MIN " pen utbangpeuh a behlapsakziau, cihbang omtheilokhading in ummawh mawkmawk ing. Kei munabek hi a, athutheizaw te in honggenleh zongzaknop leh kicianzaw ding hi. Kei theihna kicing lo ahihman in, thuktak in zonghong gelhthei melkeng. Min pen utbangbang in akikhelthei, akibehlap theimah ahi tam. thawthawn( tawm vei )Malaysia.

Na thu gen hi lua, ' Ei teng khawlkhawm a tuam omlo, Pu Pa khan a ih lellel ciang tuunsungkhat pan pianghi ngei-ngei e, pianghi ngei-ngei eeee. Ih cih ih la pen khang ih kikan teh thudang in kikan zo nawnlo aa, Ih min tawh kikan to diamdiam hi ve hangh.Tu hun teh Piangthak a kisa pawlkhat ten kei Pasian ta hi-ingh ci-in Pu mel Pa mel neisak nawnlo in Laisiangtho sung a om min te phuak ziauziau mawk in tua te khangbel kan hak kik ngel in teh. A hih hang paupih theih in om kei zaw ve uh aw.Piangthak a kisa phadeuh a mi te mi a mulo liang te a hi maw ka cih. Sorry, Khial ka hia, khial lo,Aw tua dan om mah ei,khial sam keng ee.Nacin

Nong lai at te-uh thupi thei mahmah hi. MIN i cih i Zopau kammal pen athupi mahmah kammal khat hi leuleu hi.Theigah,Haigah bangin minnailo,puamlaai, angpan,Min ta cih hilo aa Min cih hi ngiat hi.Min i cih khitciang' ki ne theita cihna hi aa kamkhum mahmah ahihi.Ei ZoMi te' pen Min a thupi sak mahmah te i hihi.Ih tappih i Pu te'n hoih asak mahmah uh a lubuuk un atuah thute,i mailam aa dingzong hong ngaihsutsakin sasi hong luansakin hong puahsak te i hihi.Kawlte, Vaaite bangin biakna sya te hong puahsak ziaute i hi kei-uh hi. Ih Min te atamzaw Min thuum ahi hi.Tua-ah Min malkhat (word) khatin deihna,khiatna anei diimdiam ahihi.A beisa kum 2 hunlaai-in ki pawlna (member) khatah ka lutleh ka Min atawpna amau ut bangin hong atsak ziau-uh ahihman un,tua pawlmi ka hihpen ka thadah pah lel hi.MIN laih / kheel dan kei theihna khat honggen ning.1997 kum in ka khua vuah khat pa-in aMin hong laih hi. A ma Min pen Zen Hen Kap ahihi. Tua pen Zen Kaam Lian in hong laih hi.Bang hangin a Min hong laih hiam cih leh ; amah pen Sa beng / peel ( Hunter man) uk mahmah mi khat ahihi. A Sa beng na-ah a lawm te'n khat vei akhe kaapkha ngei-uh hi.,khat vei leuleu pen akaap kha pa'n amaisantak pan aa akaapdan hituak aa athautangin aneh tawm sukha-in akamsungah lutphei aHapi kha tanphei-in a Dekah athau tang khawl hiau hi.A hizong' amah silo hi.Hi ci bangin Thau vuui /tang tawh nih 2 veitak aki kaapkha hangin silo aa hoihtak mahin damsiang kik thei ahihman' aman'zong ngaihsun in anungta tawntung i PASIAN tungah thungen,adam na lungdamthu ko aa,khuasung U Lian te thu adot ciang' na Min laih / kheel in ci-uh hi.A ma'nzong Vok gehthau mahmah Tuk nga 5 khat tawh sasi luanin amin laihpah hi.Tua ni aa ki pan Zen Hen Kap min pen Zen Kaam Lian a laih / kheel hi. Kaam pen (Lucky) cih na hi.Hi ni a ki pan U Kaam Lian aw,ci-in ka sam uh hi. Tua khitteh,Innkuan laibu-ah,a pawlpi-ah Tedim Matpong teen zumah valaih sawnlaai hi.Min laih / kheel dan kei theihdan hi bang teng hi.Ahizong ei ZoMi tampi' i ut bangtekin Min leh Puam laih in kheel hihangh.Ki dawm ni,mi Min lo pi makai khat na hihhang' na utbangin sam leh atsak ken,na ut bangin na Min phuak ziau ken !ZoMi te Va Phual (PhualVa) in i ki ciamteh aa cihtakna,thumanna, ciampeellohna, hi hi( All Right) hi akici nuam ngiat ZoMi te i hi-uh hi.A hizong'a tam zaw--in Thankik tawh i ki ciamteh ta-uh hi.Thankik zia leh tong atheilo om kei ni.ZoMi tampi Va-ak U Tong ki neih zong tampi i om khin ta hi.Ngaih sun mahmah ni,. i Paunak gilmahmah 2 hong at ning.,1. "Zuau in a khap tawn" 2. " Thaallup ciilsiat ei tung tu"Ka lungdam

SawmpiMalaysia.

Zomi ih it ciat a

Posted by: "Tg. Sianpu" http://in.mc391.mail.yahoo.com/mc/compose?to=sianpu@yahoo.com&Subject=sianpu
Tue May 29, 2007 9:09 pm (PST)
Zomi ih it ciat a Zogam ih puahnuam tek hi.A masa in Zogam sang in Zomi ki puah baih zaw leh kilawm.Zogam pen mun hi in, Zomi pen tua mun (Zogam) pai in puah kul tuanloin, ei mahmah kipuah in, eima kim leh paam, ih veng ih omna a te puahleng Zomi apuah ihi pah hi.Zomi it itna ah muhdan leh sandan tampitak om in hoih kasa kawikawi hi.Zomi Pasian' nasem pawl khat ta leuleu in "Zomi" cih kammal zat dingpen politic a sa bang ki om phial mawk ahih man in khasiat huai kasamahmah hi. Zomi leh Zogam itna lungsim hong guan ding leh honghanthawn dingte pen Zomi Siate, Pastor-te, Pasian' nasemte mah ahi hi.Hih pen Moses nuntakna tung pan in ki en thei hi.Zomi ih itna sung leh Zomi a ding in ih nasepna sung ah bang bangpiang ta leh, pil in pil kei ta leng, thei in thei kei ta leng, mikanglai mal khat zong hoih tak in gelh thei kei mah ta leng "Zomi" mahaci tinten ding, a pom ngiat ding kisam hi hang. Tuate pen extremist/extreme kici hi.Zomi sung ah ZOMI aci tentan den ding a extreme mi pawl khat zongkisama kasa lel mai ta hi. Tua bang mite a om ciang in midangte inhong zothawh ngam nawnlo ding uh hi.Zomi leh Zogam a ding in extreme tak in minam leh gam it ih om mahbang in a extreme hetlo, a pilvang leh a kita kawikawi pawl khat zongkisam veve ahih na mun om cih kimu thei hi. Tua ahih man in Zomi acihtinten te extreme icihte hita leh, a flexible mahmah, a ki laihkawikawi theite hi ta leh ih vek in ih gam leh nam a ding in kipawlkham in ma pang peuh leng Zomi leh Zogam hong paallun ding hi.Zomi sung ah Kipawlna min leh huai tuam tampi om hi.Tuate gensiat ding hilo hi. Thupi hi. Tampi hong om lai mai ta hen.A thupi pen ah tua kipawlna min tampi om mah ta leh ih lungsim leh ihveina, ih itna, ih minam a ding in ih sepkhiatna khat ahih ding kisambek hi.-Kipawlna tam pi om a sia hi khinlo hi.-Zomi a ding in a extreme om pen sia khin lo hi.Bogyoke Aung San bang Kawlgam a ding in a itna leh a veina a Extrememahmah khat nahi hi. Tua ahih man in zong ama' nuntaklai in Kawlgam ading in tampi a sem zo mi muanhuai leh makai hoih khat ahi hi.Ahih hang in Aung San pen Japante leh Mikangte a ding in mi leh khem,mi extreme, mi ginalo khat hi. Ih langkhat a te a ding in mikician loihih hang in ih minam a ding in gal hang, mi muanhuai ih hih peuh lehextremism pen siakhin lo hi.Ih langte a ding in lah extreme, ih minam, ih mipih, ih sapaih te ading in lah mi ginalo ihih khak loh ding bel kidop huai hi.Ezypt mite a ding in Moses pen mi zuak phuak, mi khem (coward) khatahih hi. Ahih hang in ama' minam a itman leh a it luat man in aannkuang nekna minamte khat bang va that kha zawzen hi. Tuni in mithatding leh mi bawlsia ding in aki hanthawn ihi kei hi.Ih gen noppih in ih gam leh nam a ding in a extreme ding pawl khatzong kisama hangh cih thu ahi hi.Zomi leh Zogam a ding in a extreme nuam mahmah ahi zo nailo...Tg. SianpuZangkong

Hih thu pen thupi sa ing. Zomi cih a taisan ngeilo a om bangin, Bak bang khatvei leh vasa, khatvei leh gamsa a suak nuam pawl, Thankik banga khatlam ah a awm san sak, khatlamah a dum sak cih zong a om veve mah hi. Nektawm zong upa te in a cih pawl hilo dia. Zomi cih pen politics hi lo a, i min hi zaw in tuat ing. Tua manin gen loh pen ei leh ei kizumpih cihna hi a, hoihlo zaw hi. Zomi cih gen kei leng ei sanga theilo zaw minam dang te in hong gensak lo ding hi. En mikang, mivom, misan cici lel dingin ei pen a mangthangthang suak ding hi. Amau ei thu gengen khollo ding hi. Mikang te thu khat i theihnop manin i neihsa khempeuh zuak in anngawl khutdawh liangin i kipat kul dinga, va sin taktak leng Zomi te thu sangin na thupi mahmah zaw tuan mello ding hi. Tuapa in tua bang in ci, tua bang in ngaihsun cih teng bek mah lumletlet lel ding hi hang. Nupi khat thunget dan, naupang khat khantoh dan cih teng bek mah na hi kawikawi lel hi. Amau laitawh na gelh uh cih man hi a, a thu a thupi mahmah hi tuan lo hi. A ngaihsutna te uh zong a thupi lua hi tuan mello cih khawng om mawkmawk hi. Tua manin Zomi cih bebek a gengen a samsam a tangkoko i om ding bek hilo in i tavuan, responsibility, duty, mawhpuak, sep ngeingei ding, i maban, i tangtun ding hi takpi hi. Zomi tawh thupi khawm ni. Zomi thupi hi. Zomi. Hau Za CinPhuitong Liim

"Tg.Pau Suan Khai" <http://in.mc391.mail.yahoo.com/mc/compose?to=sianhoih%40gmail.com> wrote: Ih sanggam mizo te nasem a om in Pasian tate hi hang ih cih theih lailai pen lungdam huai sa ing.by ZolawktaZomi te leitung ah thuneu lo hi hang ih veih na ngawn in thu nei hi. by.Pa.Sian Cin ZamNidang in keel bah ni,vok suah ni akicih na mun teng ah Zeisu in Topa hi, Adventist home ,Bethel cih tawh kilaih ta hi.by. Rev.Dam Suan MungZogam ah ka pian khak hampha kisa ing bang hang hiam cih leh leitung abawl anungta Pasian abia kha mite lak ahih hang hi.India gam Hindu tampen na gam, Bangladesh muslim gam, China communist Pasian neimel lo gam, Kawlgam leh Thailand sumngo pasian Budha gam hih gam teng in aum cih gawp aneu liklek Zogam pen bang hang in Christian na hi kha sese hiam? Angtang huai sa mahmah ing. Paakhai

TUAL MUNNUAM**

Gamtualnuam le'nmualdawn

Sunni vangtang nel dikdek

Huihdam nung hiauhiau, damtui luang sialsial

Va namcin te a tualbual na ....

** Simleitung ah Zosuan vontawi te

A khangkhang in pilna siamna, kilbang khang,

Sialbang lianin lawibang thangden.

Angtangpih huai Zongei na te

Beh leh phung tawh kipom khawlkhawm lieiliai

** Etcim theilo mualkuam zatam

Aleng khawm hialhial phualva kopte nuai ah

Tuppak, namtem lek dialdial in,

Namtualpuan tawh va bang tawn keeukeeu

** Sutcim theilo itna bu-kiim

Thangho liando, Cingkhup ngambawm

Ciampello phualva tongciam,

Tuni dongin thangvan dawn ah

Alsi in tangkhawm hilhial lai.

thaw thawn( tawm vei )Malaysia.

Dr Vumkhohau tangthu

Dr Vum Ko Hau was Ambassador for Burma from 1955 to 1977, first in Paris and then the Netherlands, Indonesia, Austria, Hungary and Czechoslovakia. A inn uh pen yangon Khua lai zang ah inn ngol floor pen 4 hiam 5 hiam pha ah a innkuan pih te tawh a om hi.A thucing in a thei nuam te in group sung ah dong le cin hong ngenthei ding mitam pi tak om ding hi.A tate zong Germany ah om hi. 2006 in ong nusia 08 Aug 2006.

Zomi Pastor te Mimal Pawlpi phuan masa hih tuak kei

Posted by: "Hau Za Cin" suante2002@yahoo.com suante2002
Sun May 27, 2007 10:28 pm (PST)
Zomi Pastor te Mimal Pawlpi phuan masa hih tuak kei: Pastor khat in ama aipeng tawh pawlpi khat phuan in, amah sia sempah, makaipi hi pah, ukpi hi pah, ama sep ding zong amah mah in la, cial cihte ka theih tung in lamdang kasa a, tua bang pawlpi om ngei hiam ka ci hi. Pawlpi mi ding zong koisung pawlpi mi hi khinsa te zol khia, samkhia, la khia in ama pawlpi ah a senglut khin hi. Buhlaak, annlaak hun hita cih i Topa Jesu in a gen pen pawlpi dang pan pawlpi thak khat adingin pawlmi lak khiat hun hita acih pen a hi tam maw, thei kei ing. Ka um ngam kei hi. Bangci pawltuamtuam hong piang hiam?Pawlkhatte pen kum tampi hun paisa pan a Gospel hong puakte pawlpi a zui hi a, tua pawlpi mah zuun toto uh hi. Pawlkhat leuleu pen ka zak a dik leh Pastor pawl khat in gamdang pan huhna sum ngah ahih manin pawlpi thak phuan in amah Driver in pang pah, a pawlpi lui, a omna sa pawlpi ah tua huhna pen pia leh amah Driver hi theilo ding (aman zeek kha lo ding) hi maithei, tua mana pawlpi thak kisam.......Pawlkhat leuleu pen a omna pawlpi ah ta nawnlo, kideih nawnlo ahih manin kihawlkhia a, a taikhiat ciangin pawlpi thak a phuan hi kici hi. Tuate pawlpi thak, mimal pawlpi kipat dan hih tuak hi. India gam a Zomi te lakah a kitam zak lo, ahi zongin a om veve hih tuak. Vaigam ah bel mimal pawlpi tamlua mahmah dan hi. Bangalore ah Zomi LS sangkah te in thei mahmah in ka um hi. Mikhat in a phuat tawm pawlpi pen tam hi.Zomi te a pan masa i hi hiam? Ka um kei hi. Hilo hi. Zomi te pat masak hilo ding hi. Koi sung pan hiam a kithei, a kila, a ki copy, a kizui hi kha ding hi. India ah sangkah tampi a ciah ciang a theih uh ahi tam? Ahih kei leh USA pan sangkah te a ciah ciang a theih uh ahi tam? Ahih kei leh mundangah zong ee?India te in a pat uh ahi diam? Mimal leh innkuan nekzonna khat hi thei hi. Dollar tampi tawh huhna ngah leh pawlpi phuan in hi leh nopsak pih thei uh hi. Tua pen mi tampi in ut mawk ding hi. A diak in India bangah vaite bangin phamawh a salo ding tam hi. Tua leh India vaite in mimal pawlpi a pat uh ahi tam? Um kei lai ing. Amau zong kua cih dan hiam khat a zuih uh hi inteh. Gamkhangto masa leh mipil masa gam te (mipil gam hilo in, mipil masa gam) ah tua bang na om hi kha ding hi. Ahang pen tuapa in tua pawlpi na phuan hi. Tua in tua bang na sem hi cih kiza zeuhzeuh hi. Ka gennop takpen, Zomi te in pawlpi tuamtuam i neih pen... ei pat hi kenteh, I theihsa na khat om a, tua te cih dan a la, a zui, a copy hi ni. Zomi te bek khialhna hi tuan kei, Zomi bek a tuabang gamta hi kei, Zomi te bek a sem, a zang hi kei. Kikhenna a om hang kigawmkik hun om ding hi. Hau Za CinPhuitong Liim

Zomi te mi thupi i hia, mi zawngkhal

Sun May 27, 2007 10:27 pm (PST)
Zomi te mi thupi i hia, mi zawngkhal: Gamkhat lutang in a kizang Zomi Pu Vum Kho Hau min i zak ciangin Zomi te mi thupi hi hang ciin i lungnuam hi. Ahi zongin gentheih luat manin a innlum, a lo lum ah teeng theilo in nek ding silh ding ten ding zongin vakkhia in, nu leh pa lawm leh gual zong hopih manlo in natna thuak in leitung nusia a, muh bat loh theih batlohna gam ah kivui hi cih i zak ciangin Zomi te mi zawngkhal i hi hiam ciin i ngaihsun hi. A taktak in Zomi te mi hampha i hi hi. Bang hangin maw?A haksa, a nuam ah kikhawl in kiholim in iki huh den pen lungnuam takin leitung nuntak tomcik i zatdan a manpha hi. Tua banga kikhawl leitungah mi nam tampi om a, Zomi te khat i hi hi. Leitungah "mi lungnuam penpen te" ciin kiciamteh hi. India gam zong tua banga mi lungnuam gam hi in UNO in ciamteh hi. Leitung khantohna neucik zong i ciapkhak lohna pan i mit keuhto a, khuavak i muh pan kum 100 sungin leitung khantohna a sangpen pen zong ciamkha thei a, i khantoh pen i ngaihsut ciang Zomi te mi thupi hi i ci lo thei kei hi. Bang hanga hiciang tung to thei i hi tam cih i ngaihsut ciang i biakna leh thu up, thuzuih hang hi kha peuhmah ding hi. A dang tampi om inteh, tuate research hihte leh thu kan mite in hong gen leh. Thupi hi hang, mi nuih hun in kinui thei, mi kah hun in kikap thei, mi kalsuan bangin kikalsuanta icih hangin i zawn luat manin pilna, ciimna, theihna i khol thei na kei hi. Tua in zawngkhal i hihna khat hong lak leuleu hi. Zomi a zawngkhal i hi hiam?: Gilvah taka nisim nekding i neih loh pen thutuam hi, anngawl lo a i om pen a lungdam huai hi. I ngawl hun a om khak leh Topa in hong kem henla. Minam gilkial penpen kihi lo hi. Nisim nek ding zong a neilo Zomi sanga a zawngkhal zaw mi tampi om hi. Zomi te in Pasian i phawk man ahi tam. Zomi sanga gilkial zaw, genthei zaw, haksa thuak zaw, dangkeu zaw tampi om hi. Africa gamah, Asia gam ah, Latin America ah Zomi sanga gilkial zaw tampi i mu hi. Tampi om, genkhin zo kei ni. Zomi aw, lungdam in: I kimuh ciangin maitai tak in khut kilen in i kiho a, i kikhen ciangin nang tawh kimuh ka lungdam ciin thupha i kipia hi. Tua te sanga lungdam huaizaw tampi om hi. 1. Pilna siamna i sin theih man in Zomi aw, lungdam in. 2. Pasian hing bia i hih manin Zomi aw, lungdam in. 3. Mi zawngkhal pente hilo i hih manin Zomi aw, lungdam in. 4. Mi nuamsa pente hilo in Pasian a bel den mite i hih zawk manin Zomi aw, lungdam in. 5. Sia leh pha khentel thei minam ihih manin Zomi aw, lungdam in. 6. ............ ......... ..... Zomi aw, lungdam in. (tampi omlai, behlap theih lai ka cihna hi.... na ut zahzah behlap in)A zawngkhal pen hilo, a nuamsa pen zong ahi lo, A lungdam Zomi, Hau Za CinPhuitong Liim

"I belong to Jesus"

Posted by: "Hau Za Cin" suante2002@yahoo.com suante2002
Sat May 26, 2007 2:42 pm (PST)
"I belong to Jesus" by Kaka, AC Milan:Europe gam a tukpeng kimawlte kipawlna UEFA te saina tawh kumsimin Champions League Football Championship kimawlna om den hi. Tukum Final pen May 23 niin AC Milan (Italy) leh Liverpool (England) te in Greece khuapi Athens Olympic Stadium ah kimawl uh hi. I theihciatsa mah bangin AC Milan in goal 2-1 in zo in Champion uh hi. "I belong to Jesus" - ciin Kaka in a puan sungsilh ah gelh in a championship uh lungdampih hi. Kaka kua hiam cih i theihsa hi a, a theilo a om khak zenzen leh Brazil te hi a, tu laitak footballer minthang mahmah khat hi. Tuma in nungak khat in, "Pasian in ka thungetna pan nang pen ka pasal dingin hong hilh hi" ciin va beel a, ahi zongin aman "Kei lam pan tua bang hong kitheisak kei, na ciah kik phot in" ciin nolh hi. Theihsa vive ahih hang Zolai in kigelh nailo ahih ciangin gelh zom vet ni. 1994 kum a FIFA world Cup USA ah a om lai in Brazil leh Intaly Final kimawl a, kisikim ahih manin Penalty (sudden death) mi 5 tuak in sui hi. Tua kum pen Italy te Roberto Baggio kicipa minthan laitak hi a, leitungah a siampen ahih laitak hi. A sam sakol mei banga a hawi hang hi tuan ken teh. Mi 5 tuak in penalty a suihna vuah amah a sui nunung hi a, aman a khum leh a zo ding, a khum kei leh a lel ding hita hi. A suih leh kungtungah lengto in vantungah kikhawh to a, khumlo hi. Italy in guallel a, Brazil Champion hi. Tamp in vantung lam enin Pasian tungah lungdam ko uh a, a puan uh suah in a puansungsilh uh a, I love Jesus, I belong to Jesus, Thank you Jesus....... cihte kigelh hi. [Tua ni a leitung Football siampen pa Hero to Zero a suakna hang pen a lamdang hi. A penalty pen u Johny ka cih uh Shillong a ko NEHU ah self style TV Commentator in a genna ah, "Saikot style" ci hi. Tua pen bangcihna hiam cih Lamka khua khanglam a khua khat Tuining kici te in Saikot ah a kimawl uh cianga theih uh hih tuak hi. A genna vuah Saikot te tawh i kimawl leh goal a khum masak ngeingei uh leh Ball pen ut na lamlam ah sui, vantung lamah sangpipi in sui in, kimawl theih nawnloh, hun beisak na ding ci hi........ tua pen thutuam hi....]Brazil te kungpang pa (Goalkeeper or goal stopper) pen Tauffarel hi a, aman inn a tun ciang a biakinn vuah Testimony gen a, "Baggio in penalty a suih ding tak ciangin thu ka ngen hi. Topa aw tu in Jesu leh Buddha kimaingat hi. Nang Pasian hing taktak na hih leh tu in na Pasian hihna leitung muhah hong lak in" ka ci hi ci hi. Baggio pen tuma in RC pawlpi hi ngei hiam khat hi a, ahi zongin RC nusia in Buddhism ah kipia hih tuak hi. Tua ni in Baggio in goal khumlo hi. Khumlo bek hilo in, khial hi. Leitungah bawlung siam penpen in tua ni in amai kal 12 a gamla goal vang lianpi khial mawk hi. Goal khum siam penpen, a gamla pipi, a kiu pekpek pan zong a khum ziauziau pa in tuani in a kihongsa goal mai lianpi khial demdam hi. Brazil kungpang pa Taufferel in a genna ah - "Jesus beat Buddha" ci hi. "Jesu in Buddha zo hi. Pasian nih kimaingat ciang a nungta Pasian gualzo zaw hi" ci hi. Hih mipa testimony gen pen amau pawlpi mah ahi tualaitak a leitungbup Tuiphum Pawlpi kipawlna Baptist World Alliance ah President asem Rev. Dr. Fenani in tua kum World Cup zawh ciang Shillong hong zinin English Presbyterian Church, Police Bazar ah a thugenna ah a gen ahi hi. Tua zawh ciang Champions Leaugue Final 2000 kum hi in thei ing, Brazil te Defender khat Lucio in zong goal a khum ciangin a puan sungsilh hong lemto a, "I love Jesus" cih kigelh hi. Tua pen TV Camera te in limtak na la den ahih manin leitungin JESUS pen thei mahmah ta hi. Kua hiam cih a thei nuam tam semsem hi. Tua dan om toto ci ni, gen khin zo kei ni.... Cameroon te hihte, Brazil te hih te.......... ...FIFA in puan sungsilh ah lai at khaam: Tua banga mi tuamtuam in a biakna, a upna te uh kimawlna ah a zawh uh ciang alah zel uh pen hoih a salo pawl a om ciangin leitung Football kipawlna FIFA ah gen uh a, tua zawh a kum 2na ciang FIFA in tua banga laigelh ding phal nawnlo uh hi. Ahi zongin tu Nilaini zana Kaka in a kimawl khit cianga a puan sungsilh sunga "I belong to Jesus" cih gelh a, a lawmte lungdama a lam ziahziah kikal a amah khuk dina a khutte lamto a Pasian kiangah lungdam a koh pen FIFA lam pan bangmah genna om lo hi. A lungdamkoh khit ciang a puan silh kik in, amah zong a lawmte tawh a lam khawm kik hi. Mi'n Pasian pen gualzawhna in na zang uh a, a gualzawh hun in zong mangngilh loin lungdam na ko uh hi. Leitung mipi tul tampi maiah zong a Pasian zumpih loin na pahtawi uh hi. La phuakpa khat in - "Leitung khempeuh pia thei hi lengTamlua ka ci ngei kei ding hiA hong itna ken ngaihsun lengKa pum ka tak ka pia num hi."[Were the whole realm of nature mine, That were an offering far too small; Love so amazing, so divine, Demands my soul, my life, my all.]Hau Za CinPhuitong Liim

Lai Forum: Be careful in future

Posted by: "Lian Uk" lian1@verizon.net thangrawn04
Sat May 26, 2007 8:13 am (PST)
Dear all,What U Myo Myint Aung wrote is very true. We have to be careful of writing any name in its original form and to make it clarified what the word means. Actually, we write Rangoon, Yangon, but not Yan Gon, Mandalay and not Man Da Lay. As far as we know, it seems if it is the usual way to write the name of places to be in one word. That is why it is not written Yan Gon and it is Rangoon, Yangon, Mandalay. So it should be Kalaymyo town and not Kalay Myo town. Actually Ka-le is more correct in international phonetics than Kalay. But since its original name could be Kalay in Burmese, it should be Kalaymyo town. Myo already is town, so it should be Kalay town. But since Myo is what is added to Kalay, it shoud be Kalaymyo town. In the same way, Rih lake should not be Yih lake as its original name how the native call is Rih lake. All personal names in Burmese should all be written in one word like Myomyint-aung. But we don't know how they write it in several names though the parents who give the name give them as one name. It might be because of the way it is written in Burmese alphabet separately into three words. We, the Chins use Roman alphabet in writing our language for which we are much advantaged in this computer era. We can use any computer any where to write our languange wherever English and Romanalphabet is used around the world . Since our original dialect is wriiten in Roman alphabet and in not the alphabet which is used in writing Burmese language, we are to write all the Chins personal names and other names in one word if the name is supposed to be given in one name.There are many Chin names in more than two or three words, For example: Hauzacinpau, Hauzanangkimlai, Ngunzaborchin, Thangchinbik. In Hauzanangkimlai and Hauzacinpau, Hau could be taken from either parents' name. So it could be written as Hau Zacinpau, Hau Zanangkimlai. This is just to write about the principle of writting system and I donot in the least interfere in their personal preference how they have written their names. Ngunzaborchin and Thangchinbik are just purely given names given as one name by their parents. So such one name should be wriiten as we wrote them here in one word. For those who use their clan names as family names, the personal names and the family names should be written separately like Priscilla Vanbawinei Cinzah, Thangchinbik Hlawnceu, Ngocinthawng SuantakI hope media like Khonu mtung, Laiforum, Chinland , zonet should guide us to use this way . Actually Khonu mtung itself should correct its own name as Khonu mtung. This in Haka/Falam dialect is Khuanu tlang. It is corectly translated in Burmese as Natma taung. But since Khonu mtung is the way how the natives there give it, it should be Khonu mtung. Thank you very much. Lian Uk

Neisokpak hiam Ngeisok pak maw Heisok pak?

Neisok pak kamuh sim in ka lung sim sung ah Vaphual tawh ka gawm a, aging khia lo ka lung sim tawng pan in Zomi ka hihi. “Z - Zomite hanlungciam khangto diam” ka ci kha den hi. A khan khiat na ding mun khuavot mahmah, huih khuah mahmah in guah si tawh ki dim den mual sang dawn. Singkung dang bang mah apo zawh loh na mun Thang mual dawn. A khauh mahmah huih vot in atawntung in mut vengveng mah ta leh thuak zawh na tha a nei veve Neisokpak. Apo na mun ah panmun kip tak leh hangsan tak in la ahih man in khua hun bang zah ta in sia ta leh Awlmawh se lo hi.

Huih mut na tawh apak kia cih om se lo in akungpi tawh kip tak in sawt pi tak aki zom hi. Ausan lihleh in a en khem peuh lung sim la ahih man in tua pak ki lo nuam vanvan hi. I tuan na mawtaw ei thu a aki khawl sak thei hi leh khawl sak pak in tua pak palh khat beek lawh ding ki lung gulh mahmah hi. It huai in i lungsim sung ah aki gen thei lo lungnop na khat hong pia ahih man in a en mi khem peuh in lung nop na ngah hi. Huih sung ah a leng mang ding a namtui gim aneih loh hang in a nam sia gim zong nei tuan lo hi. Zing sang pak in nitak avul pah nam te hi lo in sawt pi tak akiim apametlawm sak pak nam ahi hi.

Hoih cihtak in hoih ahih man in hoih cih sim loh gen dan ding kammal dang siam leng ka ut mahmah hi. Tulaitak England gam mun khempeuh ah neisokpak te palh ahih man in agam etlawm sak mahmah hi. Lamgei singkung dang te kawm pan in etlawm takin hong pal khia hi. Mangbuh lo kawmkil pan in nuih mai sa in hong en hi. Mi te khawnawl, dai kawm pan in hong maitai sim hi. Zogam Neisok zah in a mel san selsal lo ahih manin Zogam neisokpak zah in hoih ka sa kei hi. Kawl te’n neisok pak tammuh lo ahih man in neisok pak hoih na athei kei uh hi. Thu sim lo in en neu kha uh hi.

Mikang te in amau kiang ah tua sang hoih asak zawk uh pak om ahih man hiam ahi kei leh amau kiang a neisok pak te hoih zo lo hiam bang hang hi ding hiam na thupi bawl lo uh hi. Mite in athusim loh hangin ahoihna akiam tuan lo neisokpak. Mite in ahoih na atheih loh hang in a khasia tuan lo neisokpak. Leihoih na ah po in leisia na ah po taleh pha mawh asa selo neisokpak. Huih sia guah sia bangbang hong pai taleh thauk zawh na tha anei neisokpak. Singkung dang in dep cip taleh ahun ciang apak khai veve nei sok pak. A it huai Neisokpak aw na hoihna cikmahun in tai ngei lo ding hi. Na han ciam na khah suah ngei kei in.

Nang hong mu ngei lo te in na hoihna atheih loh hang in ni khat ni ciang hong mu ding uh a hoih hong sa veve ding uh hi. Nang hong dep a om hang in phu khia in pak veve na hih manin mite in na hoihna hong mu uh hi. Mi te’n lonawl ah et loh in hong koih hang in dai kawmpan nuih mai tawh na hoih na lakkhia veve na hih manin ka ki pak hi. Na neisokpak pih dangte phu kha ke’n la na kiim a singkung dangte sang in athuk zaw in zung kha den in. Amau dawn tuite na thahat na ding in dawn in. Na hiang leh na teh tawh deep in la, na geina bang in amau sang a hoih zaw in pak den ta in.

Zomi aw na hoih na leh na hahkatna khah suah kei in la lung kia lo in mai nawt veve in!Khantoh ding a lam en

Dongbawi(tawmveisung)
London

Korea ah Buddhist Birthday kizang

Catholic te Christian hi lo hi cihna tawh kisai pen, Korean peninsula ah Christian Mission atun' cil hun lai 1885 kum pawl in, Methodist le Presbyterian missionaries te'n Christianity na puak ma sa uh a, Protestant khauh pai mah mah pawl ahih mah bang un Jesuit mission pen Christian in na sim lo hih tuak hi. Tu dong ciang mah Protestant Church khempeuh in "Apostle's Creed" ci in upna thu lai gil teng pen service kibawlna mun khempeuhah mi pi in kamtawh pulakkhia tangtang uh hi. Catholic te upna pen thu in sim sak vet lo uh hi. Tua ahihman in ei lam dan a, Protestant and Catholic ci lo in, Christian and Catholic ci lian mawk uh hi. Korea lei dawk ah Sengam lam pan in Buddhism atun hun Silla Dynasty (A.D.668-936) pawl pan kipan Buddhism influence pen Koryo Dynasty(A.D. 936-1392) ciang dong hih tuak a, tua zongh Mahayana Buddhim hi in ah, ei pau leh liberal mah mah zaw cih ding hi. Tua khit ciang Shamanism in Buddhism upna sungah mun la mah mah ahihman in Buddhism pen peeng sak zo mah mah ci hi. Tua khit Yi Dynasty(A.D. 936-1910) hun sung in Buddhism pen kumpi in nial thal a, Confucianism thapia gawp hih tuak hi. Tua hang in Korea gam pen Buddhism gam ih cihnop hang, atatak in hi khol lo zaw hi. 1885 kum Missionary te tun' khit zawh asawt lua lo hun 1907 kum in khuapi Pyungyang ah kha khanlawhna nasiatak in nei uh a, tua tung tawn in Christian khan'pi in khang hih tuak hi. Tu kum thak in 100th Anniversary of Pyungyang Revival ci in pawipi khaam uh hi.Tua ahihman in Korea gam pen Buddhist gam cih sang in Christian gam khat in lei tungin ki mu zaw ta hi. Khua sung mun khemnpeuh ah Biakinn singlamteh ki mu thei a, lei tungah mission sawlkhia anihna (American khit ciang) hi uh hi. Pawlpi tuamtuam te ah lei tung ah alian pen pawl pi te Korea ah om hi. Baptist, Presbytery, Methodist, Full Gospel, etc., lei tungah pawlpi lian pen te om na hi.Mission studies ah tu laitak Church Growth reseach bawlna pan, Protestant te sa'ng Catholic te khang zaw cih ki mu hi. Banghanghiam? cih leh, Catholic te'n mizawng daipaam te huhna le itna pia uh hi, ci hi.Tua teng ciphot leu leu ni ei.Dot nop a om le ut bang bang dot theih lai...kei'n zongh ut bangbang a hong dawng ding..he he..Regards,SuanpiKorea
Korea ah Buddha suahni pen gazetted holiday khat hi a, zum le sang, nasepna thupi te ki khak ngiat hi. Christian gam khat ah Buddha suahni athupitsak pen lamdang ih sak mah bangin, amau zongh Myanmar--Buddhist gam nasia pen ah, Buddha suahni khawng a om sak se loh pen lamdang sa mahmah leu leu uh hi. Korea ah Christian acih nak leh, Catholic te akihel lo hi pah lian mawk hi. Tua ahihman, Christian percentage pen 25% ki ci a, Catholic te simloh hi. Catholic te zong tua zak khat phial mah apha uh hi a, simsak le hang Christian pen 50% phial hi ding hi. 24 May pen Buddha suahni hi a, Korea om Zomi te belhna Pawlpi in tua ni in, kilawmtatna pawi khat hong bawl uh ahihmanin, ei a te zongh Korean nungakte tawh kimawl khawm ngeingai thei uh a, tangval, papi cih tuan om lo in, nuamsa ciat thei mah mah uh hi. Maitai lungtai takin nitak teh om an ciat zuan kik uh a, nasep khawl loh man a, hong kihel thei lo te ading bang pammaih sak sak mah mah uh hi. Nitak khuazin khit teh, std time nai 9:00p.m. pawl in phungzi sang pan rocket kap ziahziah uh a, thanophuai sak zawzen uh...ci ding ih hiam maw....Tuazah ciphot ni.SuanpiKorea

Zomi is not only for Identity

Ka sangkah pih sanggam Falam papi pa tawh Chin le Zomi cih kammal te ah ka gennopna uh ki tuak lo zel hi. Lawmte, siate khawngin thu hong dong thei zel hi. Ken bel Zomi hi ung ci ing. Amah leuleu in hikei ung Chin hi ung ci. Dal zong Chin hi hong ci hi. Dal pen Tedim hi in kei pen Falam hi ing ci hi. Ken zong Kei aadingin amah pen Zomi hi in, kei pen ama aadingin Chin hipak phok ing ci tawh dawng phot ingh. (Just for him I am Chin but for me he is Zomi) ci ingh. Bangci lai ka hiam cih leh Chin State is a Western state of Burma in which Zomi are living and are the inhabitants of it ci ing. The inhabitants of the Chin State are never ever called themselves by the term Chin. They call themselves Zomi ci ing. A mau bang zong Chin ki ci tuan kei "Laimi" ki ci uh ci lai ingh. Tua ban ah Zomite pen Tedim-Zomi, Falam-Zomi, Hakha-Zomi and ect cih bangdan ding hi ung. Ka pau uh pen nam khat le nam khat "easy learned one to another" ci ing. Amah in heuh easy learn lo hi paudangpimidang pi hi ung ci nuam lai dep-a, thutam mulua lo in koih lel ing. Ka siapipa un report khat hong piasak-a, "To be Zomi is to defend our Christianity" cih thulu tawh ka hih theih zah in thu pulaakna na nei ingh. Buddhist kumppi te' ii ngimna pen "To be Myanmar is to be Buddhist and to be Buddhist is to be Myanmar. At the same time to be Chin is to be Buddhist or to be Buddhist is to be Chin" cih bangdante pulaak ingh. Banghang hiam cih leh Zogam ah khanlawhna hong puak pen American missionaries te hi a, Zomite first organization masa penpen pen Zomi Baptist Covention (ZBC) hi cih bangdan in ka gen a, Zomi cihnopna pen politic hi lo in, a omsa thumaan ahih ban ah, ka Christianity hihna uh title zong hi cih bangdan in ka gen a, Ka UK siapipa un they are Zomi hong ci lian hi. Tua zah ci pak ni tam lua leh ki sim manlo thei a'ih teh.Suang Dal (Philippines)"Z.A.M" <http://in.mc391.mail.yahoo.com/mc/compose?to=zomizam%40yahoo.com> wrote:ToZomi khempeuh

Tu ni nitak nai 2 pan in nai 4 dong ZAM makaite leh US political officer Mr. Jeffrey G. Hilsgen-te kimuhkhopna nei uh hi. Zomi tawh kisai thu tampi kikum khawm uh a, a genna a ciamteh huai khat in "We live in Chin State but we are not Chin but ZOMI" cih a hi hi. Tua ban ah document hon khat zong ap in, kilim kup mahmah uh hi. Zomi zam

Dear Sia Sung Dal, You are a Hero. Zomi a minthangsak, Zomi a minthanpih, Zomi a pahtawi, Zomi a galhangpih, Zomi a khangtosak, Zomi a popular sak, Zomi Ka Hi a kici ngam, Zomi a minthanpih ngam, Zomi tawh a thupi khawm, Zomi a liansak semsem, Zomi a vangneisak semsem, Zomi ahih peuhmah leh a pahtawipah hi bang ZOMI Pasal taktak kammal i zak pen thupi mahmah hi. Thupi hi. "Hero" a kici hih kaan hi tuanlo hi. Amah Chin hi a kicih ciang ut vetlo a, dingto a, "Kei Zomi ka hi hi" a kicipa thupina pen mipil ahih man hilo hi, Zomi ahih man hi. Zomi in.... kei tua tua tua hi ing.... kici lo hi. Kei Zomi hi ing ci pah lianlian hi. Zomi na hi hiam, "Zomi ka hi" na kici hiam? Pilna kisam kei, hauhna kisam kei, theihna zong kisam kei, ZOMI na hih lam na kitheih bek kisam hi lel. Zomi, Hau Za CinPhuitong Liim

Na gen dik mah mah hi."Bang hang in Zomi cih seelna, kibukna in zang zang lai ding ihi hiam?"A hih khong mah mah zong a Ngaihsut Huai hi. Zomi kici ci hang a Paite Autonomus District va cih zel pen, kagial a suak nuam mawk hi. Zomi leh Zogam ka itna hang in. Ki pumkhat kik nang nai mah mah lah bang, mangthang dek lah bang sang." Gen teh na in Paite cilo in Zomi min in Autonomus District ngen le hang hong dal hong nang kei ding in mu ing".(A) Hih pen kei zong thukim ing, Zomi a sang thei khempeuh in zong thukim in um ing. (B) Sia J Thang Lian Pau (J Thanglianpau) in hehpihna tawh hong dawng thei leh lungdam huai mah mah ding hi. Zomi cih in a hih theih loh na ding a om leh zong hong gen cian lai thei le teh maw? Khua hun ki khel ta hiam, Pu Vum Son in hong sih san leh? I khuak zong a ngei bang zo non kei e. Ki Ngaihsut Huai, Ki Ngaihsut Huai Hi!Zomi mah hi hang maw....Zomi lungsim pua ciat ni... mataw....Ngaihsut huai mah e maw KhaipuBekanlei

Kei ngaihsutna ah Zogam, Zomi lungsim pua peuh le'ng Zogam, Zomi piang ding hi. Zomi adingin Zogam piang dinga, Zomi hilo te adingin amau hihna ciat gam piang ding hi. Zomi in Zogam mah lunggulh dingin um veng aw. India suahtakna ding a kipat lai in makai Jawaharlal Nehru in professor khat kiangah British te bangci hawlkhiat ding i hi hiam ciin a dot leh Professor in British te tua banga hawlkhiat zawh ding hi kei, thupi lua mahmah uh hi. Nitum zolo gam ah vaihawm uh hi na ci hi. Nehru in bang gen hiam cih leh, "Ko British te hawlkhia nung in, India gam suakta sak nung. Nang a tangthu na gelh in" ci hi kici hi. Zomi adingin Zogam pen up huai hi. Zogam pen it huai hi. Zomi hilo khat adingin Zogam pen thupilo hi. Zong up huai lo hi. Zong ngaihsutna tak lo hi. Zogam pen Zomi ka hi a kici te ading hi. HZC Phuitongliim

Singapore ah tukum Beleng paak

Singapore ah tukum Beleng paak pha mahmah kici: Kumlui-a gah lo Singapore a Beleng kungte pen tukum guahtui kiat hoihin, khuahun zong kihei hoih mahmah ahih manin paak pha mahmah hi kici hi. Kek kia, gial kia in deng khia gawp a, pulh khin ahih kei buang leh a paak zahzah zong gah dingin kilamen hi kici hi. Tua manin tukum pen kumlui banglo in Belengtang tampi kilo thei ding dan hih tuak hi. A thupina - Belenghawng bel nidang pek pan numeite in sam sawpna, puansawpna, kisilna in a zang kici hi. Gammang lakah sing a gah ciang vasa pung, gamsa tuamtuam - vompi, ngaltang, sazuk, sakhi a ne ding pung, zong thau, cidam kici hi ven. Belenghawng pen tui tawh nuai leng phuan a, kizen mahmah hi. A kisapna ah kizang thei pah hi. Belengtang pen gawivui in Ci leh Zasan tawh hel leng Vot laakna dingin hoih mahmah hi. Zomite beleng zatna pawlkhat tua dan hi. PS: Tu lai teng ZONET ah Zolai sang mikang lai sim ding hong tamzaw thei zel ahih mana Zolai sim nuam a om khakleh ci-a kong at pak hi e. Beleng thu bel i theihsa zong hi inteh, i theihsa hilezong i kepna ding cihna hi e!!Hau Za CinPhuitong Liim

Zolai Grammar Bu

Zolai Orthography:Bang Kammalte Kinaaisak Ding?(1)By Taang ZomiThupatna [page 1-4]1.. Thu Masa [pages 1-2]2.. Khialhna [pages 2-3]- 3.. Computer leh Word Processing Program zangh-a lai gelhna [pages 3-4]Bang Kammalte Kinaaisak Ding? [pages 4-12]Nungthuap [page 13-17]Thupatna1. Thu Masa1. Hih lai pen, Zolai a puah nuam, a khangtosak nuam i om leh, tua bang mite' aading-a ka gelh ahi hi.2. Hih lai pen, a zaak nop ding-in gelh (Kawllai-in: phway-nway) lo hi'ng. Hun nei leng-a siamna nei leng bel, a zaak nop dingin gelh nuam veve ing.3. Hih lai sung-ah kicin'na om nai lo hi. Kicin' lohna, thaneemna leh khialhna a omte, Zolai itna lungsim tawh, n'ong theihsak kik ding uh, hong thuum ing. Note' hong zaaksak kiknate tungtawn-in, a hoih zaw-in mai lam hun-ah puah toto ni.4. I zat email client program-te khat leh khat kibang lo, i zat email service-te khat leh khat kibang lo, i zat yahoogroup-te khat leh khat kibang lo ahih man-in, hih email pen, nang kiang hong tun' cianging, kei' gelh bang-in nang' email-ah hong suak lo kha thei ding hi. Gentehna: Na email program-ah RTF (Rich Text Format) or HTML (Hyper Text Markup Language) a kizangh thei ding-a na bawl kei leh, hih ka lai sung-a color tuamtuamte, font size tuamtuamte, na mu thei kei ding hi. Na email program-ah tua bangin na bawl hangin, tu laitak-in, virus leh spyware tuamtuam daal nadingin, Zomikhangthak yahoogroup-ah HTML kiphal lo, attachment kiphal lo ahih manin, tua yahoogroup pan-a na ngah email-te-ah, kei' lai pen, ahi bangin hong suak lo ding hi.Tua ahih manin, attachment-a k'ong khak pdf na sim zaw un. 5. Hun i ngah ciangin, Capital Letter Zatna (Capitalization) , Comma Zatna, Apostrophe Zatna cihte gelh toto lai ni. Mailam hun-ah Zolai Grammar bu hoih mahmah khat i neih zawh ding, lamen hang.2. Khialhna (Error)Khialhna (Error) pen, hih ka laigelh tawh kisai-in, nam nih-in khen pak ni:(1) Khialh khaak pakna (Accidental Error; Careless Error; Inadvertent Error; Unintentional Error)I theih hi napi, i khial kha pahpah hi.Pasian in mihingte hong it hi. Pasian in a Tapa khat neihsun hong piak zah dongin mihingte hong it hi. Mi hingte in ahih leh Paisan a it kik khol kei uh hi. Pasian' hong itna i theih ding kisam hi.Hih mun-ah, sentence thumna-a "Paisan" pen, a kikhial kha pak ahi hi. "Pasian" ding, ahi hi.(2) Theih loh man-a khialhna (Error through Ignorance; Error through Being Uninformed)Pa sian in mi hing te hong it hi. Pa sian in a Ta pa khat neih sun hong piak zah dong in mi hing te hong it hi. Mi hing te in a hih leh Pa sian a it kik khol kei uh hi. Pa sian hong it na i theih ding ki sam hi.Hih mun-ah, laigelhpa in grammar, malgawm zia (orthography) , punctuation, cihte tel lo a hihna kithei hi."Pa sian" cih ding hi lo-in, "Pasian" cih ding, ahi hi. "Mi hing" hi lo-in "mihing" hi ding hi. "Ta pa" zong "Tapa" cih ding hi. A tam lahna-a a kizang kammal ahi "te" pen, a vei lam-a om kammal tawh i kimatsak ding, ahi hi: mihing + te = mihingte. Neihsa lahna-in apostrophe zat ding ahi hi. Noun pian'sakna-a a kizangh "na" pen a vei lam-a kammal tawh kimat ding hi. "Ki" pen a taklam-a kammal tawh kimat ding hi.Hih bang hi leh, maan zawdiak ding hi:Pasian in mihingte hong it hi. Pasian in a Tapa khat neihsun hong piak zah dongin mihingte hong it hi. Mi hingte in ahih leh Pasian a it kik khol kei uh hi. Pasian' hong itna i theih ding kisam hi.3. Computer leh Word Processing Program zangh-a lai gelhnaTu laitak-in word processing program a thupi thum (3) kinei hi: Corel WordPerfect, Microsoft Word leh OpenOffice.org Writer.I laigelh a maan leh a khial, computer screen tung-ah, i muh pak theih nadingin, word processor program-ah non-printing character a kimu thei dingin bawl in. A bawl zia na theih kei leh menu bar-a om Help menu sung-ah kimu thei ding hi. Gentehna-in, tu laitak-a ka zat OpenOffice.org Writer 2.2 sung-ah, ka screen tung-ah non-printing chacater-te a suak ding ka deih ciangin, (1) View menu-ah pai-in, Nonprinting Characters ka meek hi; or (2) Ctrl + F10 [Ctrl key leh function key ahi F10 meek khat-in] ka meek hi; or (3) Tool bar tung-a om Nonprinting Character sign ahi ¶ ka meek hi.Non-printing character i cih pen, screen tung bek-a a kimu, i print ciang-a hong suakkhia lo character peen hi. Gentehna-in space a om lam i theih nadingin center dot ahih kei leh middle dot ahih kei leh interpunct [·] pen kammal khat leh kammal khat kikaal-ah [kammal·khat·leh· kammal·khat· kikaal-ah] om hi. Tua pen na printer tawh print khia lecin, hong dawkkhia lo ding hi. Nonprinting character-te leh computer keyboard tung-a a kilangh-a a kikoih lo character-te, na screen tung-ah hi taleh, na print khiatna-ah hi taleh, na suahsak nop leh, keyboard shortcut pawlkhat kizangh thei hi.[·] = Middle dot or center dot or interpunct. Alt + 0183 Main keyboard tung-a om Alt key meek inla, khahkhia nailo-in, keypad tung-a om 0, 1, 8, 3-te meek in. Tua khit ciangin a vek-in khahkhia lecin, na screen tung-ah, middle dot hong om ding hi. Keypad pen, na keyboard a tak lam-ah om hi.[¶] = Paragraph sign. Alt + 0182[-] = en-dash. Alt + 0150[-] = em-dash. Alt + 0151Hyphen [-] bel, keyboard tung-ah om hi. En-dash pen hyphen zah nih bangin sau-a, em-dash pen en-dash zah nih (2) bang leh hyphen zah li (4) bang sau hi.- = hyphen- = en-dash- = em-dashHih ka lai gelhna-ah, a khialte font a san (red) tawh lak-in, a maante pen vanmeel (blue) tawh ka lak hi.BANG KAMMALTE KINAAISAK DING?01. Khaileh, hih a nuai-a lai, sim sin aw!REVTGKHUPZAGOINVAHU IMAGAZINE2006LAI MAI44VEILAMKHAWK AHHIHBANGINGELHH IMIKANGKUMPIHONG KHANGATUATAWHKIT ONINKHRISTIANBIA KNAMKAITEZONGZOG AMHONGTUNGUHHI. TUAHUNLAIINZOMIT EINLAINEINAILOUH HIZOPAUTAMPIOMHI CIHATHEIHCIANGUN KOIPEENTAWHLAIBA WLLENGPHAPEENDIN GHIAMCIINKUMPILA MPANHITALEHBIAKN ALAMPANHITALEHAV AIHAWMUHHITUATHU TAWHKISAIINKAWLG AMLAISIANGTHOTHU VANPIREVSHERRATT ZOGAMAHAZINKAWIK AWIHISHERRATTNLO NDONLAISIANGTHOZ UMAHTHUAPUAKNALA IJULY71913SUNGAH KUMPILAMPANLEHBI AKNALAMMAKAITENG AIHSUTNAPANINTED IMGAMPANINTAANGK AMLINGUAFRANCAPI ANGTHEIPEENLEHKI LAWMHICIINTHUPUA KHITUATHUTAWHKIT UAKINREVJHCOPEIN ATEI1915KUMAKIKH ENMATTHAIBUPENCH INHILLSSUNGZOPAU TAWHAKIKHENMASAP EENLAISIANGTHOHI PAHHITUAHIAMIPIL MASALAITHEIMASAM IKANGTEINZONGZOP AUBULPIKHATAASEH UHTEDIMPAUPENAMA NPHADIAKPAUKHATA HIHI.02. Hih a tung-a lai sung-ah UPPERCASE LETTER (CAPITAL LETTER) vive kizang hi. Punctuation mark (colon, comma, hyphen, period cihte) kizang lo hi. Mun-awn'sakna (Spacing) kizang lo-in kammal (word) khempeuh kimat khin hi.03. Hih a tung-a lai pen, na sim thei kha ahi zongin, a sim dan nuam khol lo ding hi.04. Nidang pek lai-in, Greek pen hih a tung-a bangin na gelh ngei uh hi. Tu dong mahin Hebrew leh Kawllai pen hih a tung-a bang pian-in kigelh lai hi.05. Tuhun ciangin, Greek, Latin, English cihte-ah, kammal khat leh khat kimat ziazua nawn lo-in, kammal khat leh khat kikaal-ah mun-awng (space) kikoih hi. Uppercase letter bekbek tawh kigelh lo hi. Sentence patna-a a kizang kammal (word) sung-a om laimal (letter) masa peen pen uppercase letter hi-a, tua lo teng pen lowercase letter (small letter) tawh kigelh hi. 06. Zolai pen awmal khat a nei kam (monosyllabic language) ahi hi. Awmal khat pen kammal khat hi pah hi.07. Awmal-Khat Kammalte (Monosyllabic Words):ak, be, ci, dawn, en, go, hau, inn, khua, lui, min, neu, ol, pil, siam, tui, ui, vui, zo08. Zokam pen Awmal-Khat Kam (Monosyllabic Language) ahih hangin, Awmal-Tam Kammalte (Polysyllabic or Multisyllabic Words) pawlkhat nei veve hi. 09. Awmal-Nih Kammal (Disyllabic or Bisyllabic Words):awle, baibek, cingsing, dumde, gataam, heisa, innlawi, kaikhuang, lengla, manta, nahtang, pasan, sagih, tawsaw, uiphuk, vaphual, zasan10. Awmal-Thum Kammal (Trisyllabic Words) zong, tawmcik khat nei hi:huihtuuntal, lengmasel, muvanlai, ngalulok, pasialthau, simheisa, vanungak, zoheisa11. Awmal-Li Kammal (Quadrisyallabic ornTetrasyllablicWo rds) pen om pha lo phial hi:khuavailikaapHih kammal pen, Pu Tg. Lian Khan Mung kiang pan, 23 MAY 07 WED ni-a ka ngah, ahi hi.12. Hih Awmal-Nih Kammalte (Disyllabic Words), Awmal-Thum Kammalte (Trisyllabic Words) leh Awmal-Li Kammal (Quadrisyllabic Words) pen, kammal khat (one word)-a a kisim ahih manin, kimat ding uh hi.13. Khua min sung-a om awmalte (syllable) zong, kimat ding uh hi:Anlang, Bizang, Cikha, Dolluang, Gamlai, Hangken, Khuabem, Lailui, Mualbem, Ngennung, Phaileng, Saizang, Tedim, Valvum, Zimpi14. Beh min sung-a awmalte zong, kimat ding uh hi:Ainam, Bawmkhai, Cungphuh, Dopmul, Elsing, Gualnam, Hatlang, Innsun, Khuptong, Lamhau, Manlun, Naulak, Phaipi, Sukte, Taithul, Vahui, ZahlangHih beh minte pen, J. Thang Lian Pau in ZoNet sung-a 30 SEP 2004 THU ni-a a gelh "Zomi beh le phung kaikhopna" sung pan-a ka laak hi.15. Para #01 sung-a lai pen, mat zeizai nawn lo-in, awmal khat teh kammal khat suah-in a tuam ciat-in gual leeuleeu ve ni e:REV TG KHUP ZA GO IN VA HUI MA GA ZINE 2006 LAI MAI 44 VEI LAM KHAWK AH HIH BANG IN GELH HI MI KANG KUM PI HONG KHANG A TUA TAWH KI TON IN KHRIS TIAN BIAK NA MA KAI TE ZONG ZO GAM HONG TUNG UH HI TUA HUN LAI IN ZO MI TE IN LAI NEI NAI LO UH HI ZO PAU TAM PI OM HI CIH A THEIH CIANG UN KOI PEEN TAWH LAI BAWL LENG PHA PEEN DING HIAM CI IN KUM PI LAM PAN HI TA LEH BIAK NA LAM PAN HI TA LEH A VAI HAWM UH HI TUA THU TAWH KI SAI IN KAWL GAM LAI SIANG THO THU VAN PI REV SHER RATT ZO GAM AH A ZIN KAWI KAWI HI SHER RATT IN LON DON LAI SIANG THO ZUM AH THU A PUAK NA LAI JU LY 7 1913 SUNG AH KUM PI LAM PAN LEH BIAK NA LAM MA KAI TE NGAIH SUT NA PAN IN TE DIM GAM PAN IN TAANG KAM LIN GUA FRAN CA PIANG THEI PEEN LEH KI LAWM HI CI IN THU PUAK HI TUA THU TAWH KI TUAK IN REV J H COPE IN A TEI 1915 KUM A KI KHEN MAT THAI BU PEN CHIN HILLS SUNG ZO PAU TAWH A KI KHEN MA SA PEEN LAI SIANG THO HI PAH HI TUA HI A MI PIL MA SA LAI THEI MA SA MI KANG TE IN ZONG ZO PAU BUL PI KHAT A A SEH UH TE DIM PAU PEN A MAN PHA DIAK PAU KHAT A HI HI16. Hih a tung-a lai sung-ah, UPPERCASE LETTER vive kizang hi. Punctuation mark kizang lo hi. Awmal khat pen kammal khat-in la-in, tua kammalte khat leh khat kikaal-ah mun-awng (space) kikoih hi. 17. Para #01 leh Para #15 na etkaak ciangin, Para #15 pen baih zaw na sa ding hi.18. Tua in bang lak hiam cih leh, kammalte tampi a kimat ngeeingaai pen, sim hak hi. A kimat ding, a kigamla ding, na theih kei leh, na kimatsak sangin kigamla sak lecin, tel nop zaw hi.19. Gelhmaan (Grammar) tawh kisai thukhun (rule) pawlkhat enkik ni:19.01 Kamvui (sentence) a kipatna-a a kizangh kammal sung-a laimal masa peen pen UPPERCASE LETTER hi ding hi. Kamvui sung-a om kammal dangte lowercase letter tawh kigelh ding hi.Bang thu om ta leh, ka upna ka khiam kei ding hi. Kamvui patna-a a kizang kammal: bangTua kammal sung-a laimal masa peen: Bbang thu om ta leh, ka upna ka khiam kei ding hi.[Kamvui patna kammal "bang" pen capital letter "B" tawh kipan lo: Khial]19.02 Kamvui a tawpna-a a kizang kammal nung-ah period om ding hi. Tua kammal leh period kikaal-ah mun-awng (space) om lo ding hi.Bang thu om ta leh, ka upna ka khiam kei ding hi.Bang·thu·om·ta·leh,· ka·upna·ka·khiam· kei·ding·hi.Kamvui tawpna-a a kizang kammal : hiTua kammal khit ciang-a hong pai ciaptehna mal: period [.]Bang thu om ta leh, ka upna ka khiam kei ding hi .["hi" leh period kikaal-ah space om: Khial]Bang·thu·om·ta·leh,· ka·upna·ka·khiam· kei·ding·hi· .["hi" leh period kikaal-ah space om: Khial]19.03 Kamvui khat a tawp ciangin, period kikoih hi. Kamvui nihna pen, period khit ciangin kipan pah lo hi. Period khit ciangin mun-awng (space) khat kikoih phot hi. Tua space khit ciangin, kamvui nihna kipan thei pan hi. Cih nopna-ah, period leh kamvui thak kikaal-ah mun-awng (space) khat kikoih hi.Bang thu om ta leh, ka upna ka khiam kei ding hi. Topa lam maingat-in thu ka ngen ding hi.Bang·thu·om·ta·leh,· ka·upna·ka·khiam· kei·ding·hi.· Topa·lam·maingat- in·thu·ka·ngen· ding·hi.Bang thu om ta leh, ka upna ka khiam kei ding hi.Topa lam maingat-in thu ka ngen ding hi.[Period leh "Topa" kikaal-ah space om lo: Khial]Bang·thu·om·ta·leh,· ka·upna·ka·khiam· kei·ding·hi. Topa·lam·maingat- in·thu·ka·ngen· ding·hi.[Period leh "Topa" kikaal-ah space om lo: Khial]Bang thu om ta leh, ka upna ka khiam kei ding hi. Topa lam maingat-in thu ka ngen ding hi.[Period leh "Topa" kikaal-ah space nih tak om: Khial]Bang·thu·om·ta·leh,· ka·upna·ka·khiam· kei·ding·hi.·· Topa·lam·maingat- in·thu·ka·ngen· ding·hi.[Period leh "Topa" kikaal-ah space nih tak om: Khial]19.04 Rev. Dr. Joseph Herbert Cope leh Rev. Sukte Tualhang Hau Go pan Rev. Dr. Kam Khaw Thang leh Pi Lia Luan Za Cing dong-a a kizang suakte sung-ah, "ki" pen a taklam-a om kammal tawh kimatsak hi.Mite in Zeisu that uh hi. Zeisu in thahna thuak hi. Zeisu kithat hi.Zeisu·kithat·hi.Zeisu ki that hi.["ki" leh "that" kikaal-ah space om: Khial]Zeisu·ki·that·hi. ["ki" leh "that" kikaal-ah space om: Khial]19.05 Tua bang-a a kizang suakte sung-ah, "te" pen a vei lam-a kammal tawh kimat hi.Mite in Zeisu that uh hi.Mite·in·Zeisu·that· uh·hi.Mi te in Zeisu that uh hi.["mi" leh "te" kikaal-ah space om: Khial]Mi·te·in·Zeisu·that· uh·hi.["mi" leh "te" kikaal-ah space om: Khial]19.06 Tua bang-a a kizang suakte sung-ah, "na" pen a vei lam-a om kammal tawh kimat hi.Eite in hehpihna hangin upna tawh gupna i ngah hi.Eite·in·hehpihna· hangin·upna· tawh·gupna· i·ngah·hi.Eite in hehpih na hangin up na tawh gup na i ngah hi.["hehpih", "up" leh "gup" cihte leh "na" kikaal-ah space om: Khial]Eite·in·hehpih· na·hangin·up· na·tawh·gup· na·i·ngah·hi.["hehpih", "up" leh "gup" cihte leh "na" kikaal-ah space om: Khial]19.07 Sawlna-a a kizang "in" pen a vei lam-a kammal tawh kimat lo ding hi. Ahih hangin kam zopna lamsang-a a kizang "in" pen a vei lam-a om kammal tawh kimat ding hi. A vei lam-a om kammal pen awmung (vowel) ahih leh, tua kammal leh "in" kikaal-ah hyphen om ding hi.19.07.1Tho in. An huan in. An na neek khit ciangin zum-ah pai in.Tho·in. ·An·huan·in.·An·na· neek·khit·ciangin· zum-ah·pai· in.Thoin. An huanin. An na neek khit ciangin zum-ah paiin.["tho", "huan" leh "pai" cihte leh "in" kikaal-ah space om lo: Khial]Thoin.·An huanin.·An·na·neek· khit·ciangin· zum-ah·paiin.["tho", "huan" leh "pai" cihte leh "in" kikaal-ah space om lo: Khial]19.07.2Amah tho-in an huan pah hi. Ziakaai nuam lo ahih manin an neek khit phetin zum-ah pai hi.Amah·tho-in·an· huan·pah·hi.· Ziakaai·nuam· lo·ahih·manin· an·neek·khit· phetin· zum-ah·pai·hi.Amah tho in an huan pah hi. Ziakaai nuam lo ahih man in an neek khit phet in zum-ah pai hi.["tho", "man" leh "phet" cihte leh "in" kikaal-ah space om: Khial]Amah·tho·in·an·huan· pah·hi.·Ziakaai· nuam·lo·ahih· man·in·an·neek· khit·phet· in·zum-ah·pai·hi.["tho", "man" leh "phet" cihte leh "in" kikaal-ah space om: Khial]19.08 Postposition khat ahi "ah" leh a mai-a om kammal kimat hi. A mai-a om kammal pen awmung (vowel) ahih leh tua kammal leh "ah" kikaal-ah hyphen kikoih hi. [Hih pen zat suak huai hiam, kikup tuak hi.]Tedim khua-ah ka suak hi. Tedim panin Tahanah ka pai hi.Tedim·khua-ah· ka·suak·hi.· Tedim·panin· Tahanah·ka· pai·hi.Tedim khua ah ka suak hi. Tedim panin Tahan ah ka pai hi.["khua", "Tahan" cihte leh "ah" kikaal-ah space om: Khial]Tedim·khua·ah·ka· suak·hi.·Tedim· panin·Tahan· ah·ka·pai·hi.["khua", "Tahan" cihte leh "ah" kikaal-ah space om: Khial]19.09 Pronoun pian-a a kizang "a" leh a mai-a om kammal hitaleh, a nung-a kammal hitaleh, kimat lo hi. Ahi zongin, Conjunction pian-a a kizang "a" leh a mai-a kammal kimat hi. Tua kammal pen awmung (vowel) ahih leh, tua kammal leh "a" kikaal-ah hyphen kikoih hi. [Hih zong a kikup huai khat hi.]19.09.1Kei ka hau hi. (First Person Singular)Ei i hau hi. (First Person Plural Inclusive)Ko ka hau uh hi. (First Person Plural Exclusive)Nang na hau hi. (Second Person Singular)No na hau uh hi. (Second Persona Plural)Amah a hau hi. (Third Person Singular)Amau a hau uh hi. (Third Person Plural)Amah a hau hi.Amah·a·hau·hi.Amaha hau hi. ["Amah" leh "a" kikaal-ah space om lo: Khial]Amaha·hau·hi. ["Amah" leh "a" kikaal-ah space om lo: Khial]Amah ahau hi.["a" leh "hau" kikaal-ah space om lo: Khial]Amah·ahau·hi.["a" leh "hau" kikaal-ah space om lo: Khial]19.09.2Taanglai pek-a kipan tuni ciang dong ki-itna i nei hi. Ciimnuai-a i teen' lai na thei hia?Taanglai·pek- a·kipan·tuni· ciang·dong· ki-itna·i·nei· hi.·Ciimnuai- a·i·teen'·lai· na· thei·hia?Taanglai pek a kipan tuni ciang dong ki-itna i nei hi. Ciimnuai a i teen' lai na thei hia?["pek", "ciimnuai" cihte leh "a" kikaal-ah space om: Khial]Taanglai·pek·a· kipan·tuni· ciang·dong· ki-itna·i·nei· hi.·Ciimnuai· a·i·teen'·lai· na· thei·hia?["pek", "ciimnuai" cihte leh "a" kikaal-ah space om: Khial]19.10 "sak" leh a veilam-a om kammal kimat hi.Ka innteekpa in, ko a leenglate, an leh tui hong nesak, hong dawnsak ziahziah hi.Ka·innteekpa·in,· ko·a·leenglate,· an·leh·tui·hong· nesak,·hong· dawnsak·ziahziah· hi.Ka innteekpa in, ko a leenglate, an leh tui hong ne sak, hong dawn sak ziahziah hi.["ne" leh "sak" kikaal-ah space om: Khial]Ka·innteekpa·in,· ko·a·leenglate,· an·leh·tui·hong· ne·sak,·hong· dawn·sak·ziahziah· hi.["ne" leh "sak" kikaal-ah space om: Khial]19.11 "pih" leh a veilam-a om kammal kimat hi.Pasian in hong hehpih mahmah hi.Pasian·in·hong· hehpih·mahmah· hi.Pasian in hong heh pih mahmah hi.["heh" leh "pih" kikaal-ah space om: Khial]Pasian·in·hong· heh pih·mahmah·hi.["heh" leh "pih" kikaal-ah space om: Khial]Ka lawmpa a za khang ahih manin ka lungdampih mahmah hi.Ka·lawmpa·a·za·khang· ahih·manin· ka·lungdampih· mahmah·hi.Ka lawmpa a za khang ahih manin ka lungdam pih mahmah hi.["lungdam" leh "pih" kikaal-ah space om: Khial]Ka·lawmpa·a·za·khang· ahih·manin· ka·lungdam· pih·mahmah· hi.["lungdam" leh "pih" kikaal-ah space om: Khial]19.12 Gamtatna a kizopzop lam a lak kammalte kimat hi.Amah'n lai simsim hi. A lawmpa pen mawlmawl hi.Amah'n·lai·simsim· hi.·A·lawmpa· pen·mawlmawl· hi.Amah'n lai sim sim hi. A lawmpa pen mawl mawl hi.["sim" leh "sim" kikaal, "mawl" leh "mawl" kikaal-te-ah space om: Khial]Amah'n·lai·sim· sim·hi.·A·lawmpa· pen·mawl·mawl· hi.Amah'n lai sim sim hi. A lawmpa pen mawl mawl hi.["sim" leh "sim" kikaal, "mawl" leh "mawl" kikaal-te-ah space om: Khial]19.13 Tat-huh (Adverb)-a a kizang kammalte pawlkhat, kimat hi.19.13.1Amah pil mahmah hi. (Adverb of Degree)Amah·pil·mahmah· hi. (Adverb of Degree)Amah pil mah mah hi. (Adverb of Degree)["mah" leh "mah" kikaal-ah space om: Khial]Amah·pil·mah·mah· hi. (Adverb of Degree)["mah" leh "mah" kikaal-ah space om: Khial]19.13.2Amah'n la sa hiauhiau hi. (Adverb of Manner)Amah'n·la·sa·hiauhiau· hi. (Adverb of Manner)Amah'n la sa hiau hiau hi. (Adverb of Manner)["hiau" leh "hiau" kikaal-ah space om: Khial]Amah'n·la·sa·hiau· hiau·hi. (Adverb of Manner)["hiau" leh "hiau" kikaal-ah space om: Khial]20. Para #15-a lai pen a ngeina maan-in gual ta ni ei!Rev. Tg. Khup Za Go in Vahui Magazine 2006, laimai 44, veilam khawk-ah, hih bang-in gelh hi:Mikang kumpi hong khanga, tua tawh kiton-in Khristian biakna makaite zong Zogam hong tung uh hi. Tua hun lai-in Zomite in lai nei nai lo uh hi. Zopau tampi om hi cih a theih ciangun koi peen tawh lai bawl le'ng pha peen ding hiam ci-in kumpi lam pan hitaleh, biakna lam pan hitaleh a vaihawm uh hi. Tua thu tawh kisai-in Kawlgam Lai Siangtho thuvanpi Rev. Sherratt, Zogamah a zin kawikawi hi. Sherratt in London Lai Siangtho zumah thu a puakna lai July 7, 1913 sungah: kumpi lam pan leh biakna lam makaite ngaihsutna panin Tedim gam panin taangkam (lingua franca) piang thei peen leh kilawm hi, ci-in thupuak hi. Tua thu tawh kituakin Rev. J. H. Cope in a tei 1915 kuma kikhen Matthai bu pen Chin Hills sung Zopau tawh a kikhen masa peen Lai Siangtho hi pah hi. Tua hi-a, mipil masa, laithei masa Mikangte in zong Zopau bulpi khat-a a seh uh Tedim pau pen a manpha diak pau khat ahi hi.21. Hih a tung-a lai sung-ah, kamvui (sentence) patna kammal sung-a laimal masa peente CAPITAL LETTER kihisak hi. Kamvui sung-a kammal dangte, small letter kihisak hi. Aituam minte bel capital letter kihisak hi. Kamvui tawpna kammal nung-ah period kikoih hi. Period khit ciangin space khat kikoih-in tua khit teh kamvui thak kipan hi. Khiatna (meaning) khat, ngaihsutna (idea) khat a nei kammalte, kammal khat-in kila-in, kimatsak hi. Tu-in a sim dan nuam-in, laigelhpa' deihna zong i thei thei hi.Nungthuap (Appendix)Zomi Orthography:Zomi Polysyllabic WordsZomi Disyllabic WordsZomi Trisyllabic WordsZomi Quadrisyllabic WordsBy Taang Zomikamkeiikawlgiitkawkai (kawlkai)kawlkai (kawkai)kawlmimkawlsingkawlsiing (zasan)keiisiingkeiivomkhankhakhomunkhuaimukhuaingokhuaipikhuaivahkhuaivalikaapkhuakhalkumpikuntalailenlaitoleikhaleikheulengmasellenglalenmuilimsinglingkhawlingminlingpaaklonamsialopalothaanglo-uihlunggammangkawlsingmangtaaksingmantamehkhamehthuukmeimamengkengmiksimualtanmubungmusanemusimuvanlainahtangnamsianaungeeknaupangngagulngahatngalkhuahangngalulokngaltheenngaltuunngapumngamingavokngeitaalnitaaknungaknupipaalpipamuapanaaipapaakpapi (?)pasanpasialthaupatehpatungpeemtaphalbipheisamphialphiahphihtuphingpipiteekpumlumputeeksabuaisagihsahamsahangsahei (heisa)saidaisailisakhisakhuaisakolsakuhsamphoksanangsangaksansiimsaphulipsapisaaptheisathaksatheisazasazuksialkhumsialthawlsikhasimaaisimbusimheisa (heisa; sahei)singlamtehsingsansokvaalsumkuangsumtotaaksingtahumtalaptangngoltangkhatangteuhtangvaltawsawtehnoteisingteembawtengtethahpuangthaithektheihiatheitheekthosithovaitokhomtuitheuilutuiphukuisuuluitawmmukeengukpivasava-akvacimvahuivaimimvakangvakhuvakiangvalahvalukvamimvanungakvaphualvasingdangvasukdukvatawtvokthok (bokthok)vompizasanzatozawhngeuzawngtahzawngthalzingsangzoheisa (heisa; sahei)zozamzuleizusazutangTRISYLLABIC WORDShuihtuuntalengmasellonamsiamusanemuvanlaimangkawlsingmangtaaksingngalkhuahangngalulokpasialthausimheisavanungakvasingdangvasukdukzoheisaQUARDRI-SYLLABIC WORDSkhuaivalikaapZOMI POLY-SYLLABIC WORDSDISYLLABIC WORDSTuipi-Gun-Lui- Cik GanteaisaawlekaikuangngagulngahatngalulokngamingapumngavokpumlumsumkuanguiphukukeengVasabaibekdaivagiittahuihtuuntalkawlgiitkeiisiingkhankhalailenmengkengmubungmusanemusimuvanlaingeitaalphialphiahsimbuva-akvakangvakhuvakiangvalahvalukvamimvanungakvaphualvasavasingdangvasukdukvatawtvacimvahuiZusaleikheusansiimzuleizusazutangInsectdumdekhuaimukhuaingokhuaipikhuaivahkhuaivalikaapleikhalingkhawmiksingaltheenngaltuunsialkhumtengtetuitheGamsa-InnsabilpigampugulchikchilgulhagulpigulngawngsanhumpiinnhikkamkeiikeiivommualtanngalkhuahangpheisamsahamsahangsakhisakhuaisakolsakuhsanangsangaksaphulipsapisathaksazasazuksikhasokvaaltangteuhthahpuangthaithekuitawmmvompizawhngeuLungno-gannogulciinnlawilunggamnamsiatangngolthosithovaiSingkungbaaklawngbanlabanpibanpuangbelengbokthok (vokthok)cingsinggamsaigelsingkawlsinglimsinglingminmangkawlsingmangtaaksingphihtusaaptheisaidaisatheisialthawlsingsantaaksingtawsawtehnoteisingtheihiatheitheekvokthok (bokthok)Paakbipaakheisa (sahei)lingpaakpaalpisahei (heisa)simheisa (heisa; sahei)zoheisa (heisa; sahei)zozamLopalonamsialopalothaanglo-uihtahumzawngthalMehgah mehteh;Angah antehaaluaisanai-enganthuulbe-ikbekanbelawibelibepibesangataamhakaaikaiteemkawkai (kawlkai)kawlkai (kawkai)kawlmimkawlsiing (zasan)lengmasellenmuimantamehkhamehthuukpamuapanaaipapaakpapi (?)pasanpasialthaupatehpatungphingpitangkhasamphoksimaaiuisuulvaimimzasanzawngtahMihingkumpikuntalenglanaungeeknaupangnungaknupipeemtapiteekputeektangvalukpiNatnameimauilutInnlaitosumtotalapzatoVanzatgunkuanghaakkolsabuaisailisinglamtehteembawtokhomHunkhuakhalnitaakphalbiZingsangSimnasagihAnkhomunTRISYLLABIC WORDShuihtuuntallengmasellonamsiamusanemuvanlaimangkawlsingmangtaaksingngalkhuahangngalulokpasialthausaphulipsimheisasinglamtehvanungakvasingdangvasukdukzoheisaQUARDRI-SYLLABIC WORDSkhuaivalikaap=====--Pre-1964Taang (Lakam) = Pasal (naungeek, naupang, tangval, papi, puteek)Lia (Lakam) = Numei (naungeek, naupang, nungak, nupi, piteek)Kamhau gam Ukpipa, Pu Khaw Cin le Sukte' phualpi ahi, Mualbeem Innpite, Pi Lian Dim kiteeng uh-a, tapa nih leh tanu nih nei uh hi. Tua teng lakah Vum Za Cing bek khuasuak-a, a nungak ciangin, Hau Cin Khup' lai-atpa Thual Neng [Hautual/Ngaihte] ' tapa Suan Pum tawh kiteeng uh hi. [p. 29]Tonzang Innpite' maakpa Suan Pum bang Pu Hau Cin Khup' aadingin a naseempa lah hi-a, a maakpa le a khuapih zong hi lai ahi manin lungsim ngaihsutna le thagui thatang kisapna khempeuh-ah a diang pawl ahi hi. [pp. 30, 28]Pu Khup le Tapidawte' thu a laan' laitakin Pa Suan Pum pen a naute Khawl Cin leh Vial Nang [Rev. Vial Nang] Tapidaw suak uh-a, nuam sa het lo ahi manin hih late na sak hi:(a) Miim bang pian'pih TAANG laizomte'n Sianmang kei' aa tuam ci e.(b) Tung Pasian in siam tuam nei lo, ka laizom ci tuam lo e. [p. 28]"Thu I Cih La Hi" by Siapi Mang Za Lian (Pu Suan Pum' tapa), Sukte Chronicle XII, November 2006, pp. 29, 30, 28

Na sim maimai ding

I SURE DIDNT TILL NOW Death is certain but the Bible speaks about untimely death! Make a personal reflection about this..... Very interesting, read until the end..... It is written in the Bible (Galatians 6:7): "Be not deceived; God is not mocked: for whatsoever a man soweth, that shall he also reap. Here are some men and women who mocked God : John Lennon (Singer): Some years before, during his interview with an American Magazine, he said: "Christianity will end, it will disappear. I do not have to argue about that. I am certain. Jesus was ok, but his subjects were too simple, Today we are more famous than Him" (1966). Lennon, after saying that the Beatles were more famous than Jesus Christ, was shot six times. Tancredo Neves (President of Brazil ): During the Presidential campaign, he said if he got 500,000 votes from his party, not even God would remove him from Presidency. Sure he got the votes, but he got sick a day before being made President, then he died . Cazuza (Bi-sexual Brazilian composer, singer and poet): During A show in Canecio ( Rio de Janeiro ), while smoking his cigarette, he puffed out some smoke into the air and said: "God, that's for you." He died at the age of 32 of AIDS in a horrible manner. The man who built the Titanic After the construction of Titanic, a reporter asked him how safe the Titanic would be. With an ironic tone he said: "Not even God can sink it" The result: I think you all know what happened to the Titanic. Marilyn Monroe (Actress) She was visited by Billy Graham during a presentation of a show. He said the Spirit of God had sent him to preach to her. After hearing what the Preacher had to say, she said: "I don't need your Jesus". A week later, she was found dead in her apartment . Bon Scott (Singer) The ex-vocalist of the AC/DC. On one of his 1979 songs he sang: "Don't stop me, I'm going down all the way, down the highway to hell". On the 19th of February 1980, Bon Scott was found dead, he had been choked by his own vomit . Campinas (IN 2005) In Campinas , Brazil a group of friends, drunk, went to pick up a friend..... The mother accompanied her to the car and was so worried about the drunkenness of her friends and she said to the daughter holding her hand, who was already seated in the car: "My Daughter, Go With God And May He Protect You.." She responded: "Only If He (God) Travels In The Trunk, Cause Inside Here..... It's Already Full " Hours later, news came by that they had been involved in a fatal accident, everyone had died, the car could not be recognized what type of car it had been, but surprisingly, the trunk was intact. The police said there was no way the trunk could have remained intact. To their surprise, inside the trunk was a crate of eggs, none were broken . Christine Hewitt (Jamaican Journalist and entertainer) Said the Bible (Word of God) was the worst book ever written. In June 2006 she was found burnt beyond recognition in her motor vehicle . Many more important people have forgotten that there is no other name that was given so much authority as the name of Jesus. Many have died, but only Jesus died and rose again, and he is still alive . "Jesus" P.S: If it was a joke, you would have sent it to everyone. So are you going to have courage to send this?. I have done my part, Jesus said "If you are embarrassed about me, I will also be embarrassed about you before my father." ~God didn't promise days without pain, laughter without sorrow or sun without rain, but He did promise strength for the day, comfort for the tears, and light for the way~Love, Pau Khan Thawn