Vondeih-aw!

Zo Khai

Kha-10 sungbang kongpaai hang-in,
Asuk ato-ah vangik bangin kongpuak hang-in,
Ang-ah tawi-in kongkhimden hang-in,
Nungzaang-ah pua-in kong-awihzeel hang,
Na-painana-ah ka-mit nauta-tawh kongzuihden hang-in,
Nang' hang-in ka-khuaul tampi luang-in,
Nang' ading ka-khitui tampi aluan hang-in,

Ka Vondeih-aw, hihtengteng kongsiik ngeikei dinghi,
Nang' kiang pan-in hihte lamet inzong ka-nei ngeikei-hi.
Nang' kiang pan-in sumlehpaai tezong kalunggulh ngeikeihi.
Nang' kiang pan-in lungdamkohna tezong kadeih tuankei-hi.
Nang' kiang pan-in minliatna-leh phatna tezong ka-lamen ngeikei-hi.
Nang' kiang pan-in pilna-leh hauhna tezong ka-lunggulh ngeikei-hi.

Ka Vondeih-aw, na-ngai-in!
Nang' kiang pan-in kadeih, ka-lunggulh, ka lam-et thu-in:::::: ::

Na-neih ITNA, nu-itding zah-a ITNA ahihi.

Thangvaanzawl kongleensan khit hang-in,

Ka-laukha, ka-lungsim nakiaang-ah omdenhi,
Na-omnana-ah ka-maaimit laukha'n hongsuulzuih denhi.
Suun-in zaan-in kongmu tawntunghi.
Gimnasung ahizong-in nopnasung ahizong-in
Nakiang-ah kong-ompih tawntunghi.

Laukei-in! Kei nong-itleh,
Na zuapa, na-ciin, na-tuai, na-laiizomteng it-in khual-in.
Tuabang bawlna-tawh nong-itna honglak-in.
Atawntung-in ka-itna nakiang-ah omdencih phawk-in.
Thangvaan tualnuam tuangnongtun ciang-in,
Hihte na-khamlukhuluundin g ahihlam phawk-in.

Itna khahsuah ngeikei-in.
Akimanglo kitotna sung-ah bualkei-in.
Topa longal kuamah muan-in neikei-in.
Amah'n hongzawhpih dinghi.
Topa it-inla, hongthuhilhna ngai tawntung-in.

Tuahileh kasiang tuang nongtun ciang-in,
Na-ngahding lukhuluun-in nangbek hilo,
Keimahleh naZuapa, leh na-ciin na-tuaite' lungdamna
Natung-ah lianding-a,
Topa' Maaiphapi-in nang hongmuak dinghi.

Hong-it tawntung,
Na-Tuunu.