THUPHA NGAH ZOMI NAM?

1.Thupha ngah Zomi nam ci si,
Lai leh pau khata zang zo nai mah mah lo Zomi te'n thupha ngah
Zomi ci tang tang lai ding maw?
2.Thupha ngah Zomi nam ci si,
Pasian hong piaksa i pau tawh Pasian takpi zong a bia ngam lo
ten thupha ngah Zomi mah ci tang tang lai ding maw?
3.Thupha ngah Zomi nam ci si,
Gam ke(District Council) khat zong a nei zo nai lo te'n thupha
ngah Zomi mah ci tang tang lai ding maw?
4.Thupha ngah Zomi nam ci si a,
I pianpih i Zo min takpi zong zang ngam lo a, midang te min peuh
i zat koi koi pen eimau min zong a zang ngam nai lo te'n thupha ngah
Zomi mah ci tang tang lai ding maw?
Pasian in Zomi in hong piang saka, Zogamah hong teng sak in
Zo an hong nesaka, Zo inah hong teng saka, Zo puan tawh hong
thuam a, Zola tawh la hong sa saka, Zopau tawh hong pau sak na
pi Zomi te'n a siamtu phawk loin na gam man san ta, Leitungah
Topa Jesu hong pai kik hi leh "Zomi a mau pau leh min takpi zong
a zang ngam lo, minam khata ka na piansak se se kisik mah mah ingh"
ci kha ding hi.

Khamdopau