Posted by: "Carey Suante" careysuante@gmail.com mailme_carey
Mon Dec 15, 2008 4:59 am (PST)
Sent to you by Carey Suante via Google Reader: Zomi Khuado Pawi New
Delhi Report via Vaphual by Carey Suante on 12/14/08 The Only Zomi
Cultural Event in New Delhi! View AlbumGet your own
Download Latest Vaphual Newsletter: 14 December 2008
Note: Stay tuned for videos! Coming soon!
I lawp mahmah Khuado Pawi 13th December 2008 in MCD Community Centre,
Uttam Nagar ah sun nai 12:30 in kipan hi. Tua ah compere na hong sep
sak Lia Tawi Lun leh Tg. Lucas Mung in kilawm tak in programme hong
makaih uh hi. Mipi in "Tuun sung khat pan" ki sa in, tua zawh in Rev.
Peter Khen in Mangmuhna 5:10 pansan in hun aapna, kisiansuahna leh
minam a dingin thupha ngetna kicing tak in hong neih pih hi.
Khuado Committee Chairman Pa G S Pau Naulak in committee sik leh tang
in vaidawn thugenna leh mipi te muakna hun hong zangh hi. Siapa in hun
tomno sung a bung leh beng a pawi zat ding aki sawm tawm na thu hong
zasak hi. Hong tung ding kum te ah zong Khuado Pawi pen ei aituam pawi
in ngaihsun in kipumkhatna ding leh ki ittuahna ding a hih nak leh a
kuamah peuh ki daangkoih lo-in i pankhop ciat ding hong hanthawn hi.
Meel lahna tomno tawh a hun hong zo hi.
Hatstal veng in ngeina laam Pa Khup´ makaihna tawh Sawngpi Sawngsiit
hong lak uh hi. Tua zom in Bodella veng pan Pa Zam leh a lawmte´n Daak
Lam hong lak leuleu uh hi. TCDS Chairman Pu Thang Sian Mung Lethil in
thu tomno hong zangh hi. Zomite a tuam omlo tuun sung khat a piang i
hihna leh no leh ko, ei lamte amau lamte, cih omlo in EI kici a iki
pumkhatna ding hong gen hi.
Tua khit in special number lasiam tuamtuam te´n lasakna tawh hong zom
uh hi. Tg. Nau Mung in Ngilhloh Zogam Nuam, Lia Cing Seen in Et Lawm e,
Tg. Suum Thang in Nalua e cih hong sa a, Lia Niangbawi leh a lawmte´n
Zogam Zolei Ah cih tawh hong zom in, Nu Siantawng in Pianna Zogam, tua
teh Lia Hoih Niang in Tuibang Gawm Ding cih hong sa hi. Thu genna hun
khat Pa Sian Cin Zam in hong zang in, a khua, a beh, a pawlpi, a pute
hong gen hi. Hih bang a ki theih ding a poimawhna om a sak thu hong gen
hi, bang hang hiam cih leh Zomite pen i hauh leh i zawn, i upat i
naupang hang hilo in i min ki sap zia ngeina a i neih na thu hong hilh
hi. Minam leh ngeina kician nei i hih na hong gen in, i minam i ngeina
kep ding hong hanthawn hi.
CSA te´n Khuakhai Laam lahna tawh hong zom uh a, mipite in muhnop salua
in khut beng in awng in tha pia in pahtawi ngeingai uh hi. Tua khit in
Tg. Mungpi in Itna Khuado cih tawh hong rock ziahziah hi.
Chairman in pawi hong uap thei Ulian tuamtaumte mel lahna anuai a bang
in hong nei hi. Pu Khatchin Langel, Pu Vungzamuan Valte, Pu Kam Za
Lian, Pu Biaklun Shoute, Pu L T Ngaihte, Pu Awn Khen Khup, Pu Lian Khan
Za Siing, Pu Thang Sian Mung Lethil, Pu G Swan Za Lian leh Pu Chinsuum
Naulak.
Bodella veng khangnote´n Zogam Nuam ci-in choreography siam tak in hong
lak uh hi. Tg. Khaipi in Lametna Ni ci in la hong awi hi. Pu L T
Ngaihte in thugenna hun hong zangh in, Zomite´n ngeina hoih i neih te
kem a, i mansuah lohna ding hong theisak hi. Pa Gin Sian Lian in hong
zom in pawi tawh kisai a tha leh zung leh sum leh paai la lo a vanzat
hong zanghsak te pawl khat lungdam lahna in gift piakna hong neihpih hi.
Khuado Pawi Committee a secretary ahi Pa Nang Lian Kham in Vote of
Thanks genna hong nei in, Rev. Vungh Hau Thang in hun khak thungetna
hong neih pih hi. Sia Pau Muan in a ki ngaklah mahmah LAAMVUI kaihna
hong makaih in pawi annek ma dong hong laam pih hi. Mipi 600 val bang
paikhawn te´n laamvui a thuapthuap in kai in, Khuado an niang leh tai
in ne ngaingai in Khuado khialah mahmah in inn lam ki zuan hi.
LUNGDAM KOHNA
Khuado Pawi nuam i sak ciat ding ki lamen hang. Tukum Khuado Pawi kal
nih sung bek vaihawmna ahihhang in picing leh kilawm takin zang thei,
zo thei i hihman in lungdam huai hi.
Khuado Pawi Committee min in Zomi hong kithuahpih leh vai hong hawmpih
u-le-nau, pi-le-pu, nu-le-pate tung ah lungdam kong ko uhi.
Mailam ah zong hih bang in hong huh, hong panpih, hong ki-thuahpih to
zel ding zong kong thum uhi.
Tukum sang maikum ciang a nuam zaw, a kicing zaw, a thupi zaw a i zat
theih ding uh lamen ung.
No thusiamna leh hatna, citna leh sum-le-pai bek tawh hih bang pawi
thupi leh nuam kizang thei a hihman in lungdam mahmah ung.
- Khuado Pawi Committee
Related articles by Zemanta
- Khuado: Harvest Festival of the Zo People
- Zomi Innkuan Oklahoma Proposes a Worldwide Zomi Organisation
- Zo Lengthe - My Favourite Zomi Rock Song
- Big Horn Fest '08 - Yagya with E Tuang Wins
Things you can do from here:
- Subscribe to Vaphual using Google Reader
- Get started using Google Reader to easily keep up with all your
favorite sites
No comments:
Post a Comment