Thailand ah kiteen na bawl ding a apai ka hih man in ka pai ma in Thai a om agent (puaisa) te tawh ki ho khit sa a avapai ka hi hi. Ka tun lian uh leh kumpi zum ah kiteen na bawl ding tua teh kal khat sung vak kawikawi ding in ka om na ah ciah kik ding cih gel na ahihi.
Thai kumpi zum ah kiteen na bawl theih na ding in: Nungak/tangval hih na lai ki sam a tua lai pen i om na kumpi te theipih na foreign ministry te seal ki sam sak hi.
Thai ka tun uh ciang in ka it ka zi Dimnu nungak hih na lai tung ah Kawlgam Foreign ministry seal om nai lo hi, bang hang hiam cih leh kawlgam kumpi in tua seal tum nawn lo hi. Tua ahih man in Bath 9000 tawh ka ki thukim sa uh agent te ong bawl sak ding kiteen na piang thei nawn lo hi. Agent dang tuam tuam tawh ka hahkat uh a ahi zong piangthei lo hi.
Hih kumpi zum a kiteen na om lo in British Embassy in kazi Visa hong piak sak lo ding, visa om kei leh ka it ka zi leh ka ta te tawh om khawm thei lo ding?
Kumpi piak nawn loh laidal khat a kisam ka hih manin ngaih sut ham ka sa mahmah hi.
Thu ngen a Topa koh ding sim loh lampi dang om thei nawn lo hi. Topa in a kam ciam om sa mah bang in thu nget na hong dawng a ei mi puaisa khat tawh ka ki tuak uh hi. Innkuanpih nu nungak hih n alai leh kiteen ding teng aki gawm in US$2500 hong ngen in atawp na ah US$1800 = Bh 61,200 tawh bawl ding in ka ki thu kim uh hi. Atom in gen leng tua lai ka ngah thei ta uh hi.
"Keima min pau lamin na hong nget khempeuh uh ka hong pia ding hi. " John 14:13 Topa amin thang tawn tung ta hen!
Hih in, tua ka khual zin na ah Topa tung pan laivuan (test) masa pen ahih hi.
Tun kei a ding British Embassy pan affirmation letter ki sam leuleu ahih manin Thai a om British embassy ah ka va pai hi. Tu nung lawm te khat in ol no tak in ngah ahih hang in kei ong pia nuam lo a 4 vei ka nget khit ciang in email tawh ka ngen lai a hong pia nuam tuan lo hi. Consular pa tawh ki muh ding ka ngen a tua zong a counter a tu Thai nu mei te in ong ki mu sak nuam lo hi.
Bang cih gam tat a bang ci kal suan ding? Innkuanpih nu a ding sum bei ding teng a bei khit ciang, kei a ding ki ngah nawn lo leuleu.
No! hong cih khit uh ciang, van ging in ziin a ling phial zong Yeas! Ci nuam lo te!
Lampi om thei nawn vet lo. Inn kuan pih nu single certificate tawi a ciah ding maw? Bang a mang nawn ding? London pek pan ka nasep khawl a ka zi ka ta te ka it na tawh om khop theih na ding lung gulh na lainpi tawh ka khual zin na a mawk na sauk king keng ta ding. Bang cih peuh mah ding? Ka nupa un an tang in thu ka ngen uh hi.
"Topa tung ah na vai tengap in, amah muang in, amah in hong sem ding hi" Ps. 37:5
Lawm te khat in a cian (diea) hong pia hi. Chiengmai ah British Consulate zum (office) om in va pai un cih thuhi. Ka nupa un azan azan in ka vapai uh a azing sang ciang ka tung uh hi. Zum (office) hon hun in British consulate office ah ka va pai uh a counter a nu in ka form field up dan ding uh hong hilh hi. Ken Bangkok pan ka puak sa ka lah leh; hoih ei zing ciang na lai ding hong la o ci in aki sam ding zah sum hong ngen pah a ka pia pah hi.
A zing caing zum hon phet in tua lai ka va la uh a ka nupa un nuam lua, hotel ah ciah in ka tun lian uh leh kong khak, khukdin in Topa tung lung dam ka koh pah uh hi.
Ka thu nget lai tak un ka phone hong ging a, ka thu nget uh Amen ci in ka phone ka let leh den a laidal hong pia nu na hi hi.
Mr. Hau na hiam hong ci a, hi mah ing ka ci hi.
Den mahmah in Bangkok British embassy phone ka hopih leh!!!!!!!!
Oh!!! ka lu hong khang vat in ka dip hong kua hi.
Bang hang hiam cih leh Bangkok British embassy te in hong nial sitset sa ahih man hi. Thu hoih za ding in ki lam en thei nawn lo.
Apau hong zom in:
Na application form (siauh hlua) sung ah na passport number na at hiam? At mah ing number tua hi... ah ki issue (pia) hi ci in ka gen hi.
OK! Hoih hi, tua hong confirm pak hing!.... hong cih ciang in ka dipkuat na khempeuh paih khait bang hi. Ka gei a om ka zi tung phone kiho na teng ka gen khit ciang in khat vei Topa tung lungdam ka ko pha uh hi.
Ankam tang cia upna tawh Topa in ka mual pi hong hep khiat sak khin ta hi. Topa amin thang tawn tung ta hen!
Hih in Topa ong sitna (test) anih na hihi.
A zom om lai
Lai nong sim sak man in lungdamna lian pi tawh
Dong bawi
No comments:
Post a Comment