Gam nuam peen khat

Gam nuam peen khat ahi ngei gam sia bel suak
Posted by: "Gin Mung" mungno@hotmail.com
Mon Dec 8, 2008 2:20 am (PST)

Zomi a kua maciat:

US gam sung aa thu piiang tuamtuam te akipan leitung gam tuam tuam aa thu piiang te lak ah a diak iin sum leh paai hamsatna te en lengg ih Topa Zeisu hong kum kik baih leh lunggulh huai mahmah sa ingh. World economy tawh kisai a kin te in bel na sim kha tek sam nu cin a diakdiak iin 1980 ciang dong Rhodesia a kici Africa gam aa gam hau peen khat, tu iin leitung ah gamsia bel suak ta hi.

Africa gam aa Rhodesia a kici peen British te khut nuai ah a om laai iin Africa gam ah gam khangto peen khat hi. Robert Mugabe a kici pa in a gam uh it mahmah ahihmanin British kum pi molh leh thau, lum leh tei tawh langdo iin hong kipan iin a tawpna ah 1980 ciang in kiteel na ah zo ahihmanin Britain khut nuai pan suah takna a ngah ahi hi. Tu in suah takna a ngah zawh uh sawt nai het lo, kum 28 bek hi pan sam napi a gam a mi a it mahmah aa kinei Robert Mugabe makaihna tawh gamsung neih leh lamh khan tohna lam ah a nuai aa zah dong iin hong kiam suk zo keei sam ta hi:

1. 1980 kum pawl, suah takna a ngah kum pawl iin Zimbabwe (formerly Rhodesia) $ 1 peen US dollar sang iin man tam zaw hi.
2. 1990/1991 ciang in mi kaang te leitang a langh kumpi in suth iin a mipih mi vom te kiiangh ah hawm khiat sak hi. Thahat thatang, molh leh hiam te zangh iin mi kaang te lo gam khawng sut mawk uh hi.
3. 1996 kum iin US $1 = ZWD $8.00 kikim hi.
4. October 2007 US $1 = ZWD $520,000 hi.
5. March 5, 2008 ni iin US $1 = ZWD $25,000,000 ($25 millions) hi.
6. December 7, 2008 ni in US $1 = ZWD $2,000,000 ($2 millions) bang a kiam kik hi sam hi.

Zimbabwe dollar in man nei lo lua ahihmanin sum dal a nam thak bawl zel uh aa September 17, 2008 ni iin $1,000 laidal bawl uh hi. Thursday, December 4, 2008 ni iin million $100 sum dal (awn zakhat dal) a bawl khit phet un khomun (bread) phel khat (one loaf) ciang iin million 100 sum dal a bawl maa uh aa million 2 man pan million 35 dong kah to pah zau keei hi. Tu ni December 7, 2008 ni iin million 200 sum dal bawl sawm leuleu uh hi. Hih zah ta iin a sum uh in man nei lo hi napi, a kumpi leh Central Reserve bank in ni khat iin ZWD 500,000 = US $0.25 kan thoh theih lo ding cih order aa tua sum tawh bread (khomun or pawng hmoh) khat lei zo lemlem ding hi zel hi.

Inflation:
1. October 22, 2007 ni aa Zimbabwe (Rhodesia) te ii inflation rate peen 30,000% hi.
2. December 7, 2008, tu ni iin Zimbabwe (Rhodesia) te ii inflation rate peen 231 million % (231,000,000) hi. Leitung aa inflation a san peen na gam hi.

A gam leh a minam a it aa kinei hih makai te thu a lung ngai mi te in a mawh sak lo om het lo ding hi. Ei ee leh! Hih Zimbabwe gam makai ukpi te peuh ih bang kha dia?

Zimbabwe gengen loh a hau peen gam US na ngawn a puk dedek hi ta mai mate. Topa Zeisu hong kum mengmeng leh ut huai sam ei. Ih biak Topa a hong pai baih nading lim leh na lamdang (Signs of the Time) zongh ahih meel.

Itna leh deihsakna tawh,

Mungno Gualnam
Riverside, California