ZOMUS 2008 Yangon: Final Impression [Complete Review]

Posted by: "Carey Suante" mailme_carey@yahoo.com mailme_carey
Tue Jun 16, 2009 1:30 pm (PDT)



Nung deuh in ZOMUS 2008 Yangon: First Impression ci-in a DVD ka et zualzual na pan ka muh pak zia kong gelh zo hi. Tu'n
a kicing piikpeek in etkikna nei leng ka ci hi. (20 vei val bang enta
ding ka'ih ciang a...!:)
2008 in Yangon ah Zomite pawi lian khat ahi Khuado Pawi ZOMUS makaihna tawh kibawl hi. ZOMUS 2008 Yangon DVD pen hih pawi sung programme zatna, thugenna, lasakna leh laamnate lahna ahihi.

Amun: MBC Hall, Yangon
Ahun: November 15, 2008

Hun-ukte (masters of ceremony): Lengtong Kam Khen leh Nu Sangpui-te ahi uhi. U
Kam Khen pen ciamnuih kiva mahmah khat hi ding in ka mu hi.

Khuado Pawi honna Prof Dr C Thang Za Tuang, Advisor ZOMUS in nei hi.

Dr Gin En Cin in Khuado tangthu leh thute genna nei hi.

Zomi Innkuan USA President leh Zomi Innkuan Leitungbup Kipawlna Chairman Rev Dr Chin Do Kham in zong va uap hi.

Music tumte:
Drums: Suan
Lead Guitar: Kham
Keyboard: Thein Khai
Piano: Khupbawi
Violin: Muang
Bassists: Cinpi (Lazy Club) leh Pan(?) Thang

La leh lasiamte:

Ka et kikkik ciang in, lasate siam ka sa tektek hi. La hong kisa masa penpen Dona Lingling cihTg Lianpi leh a lawmte'n hong sak uh zong phuak siam sa in, kilawm ka sa hi. Khuado Pawi mood ah hong koih pah hi.

Lasiam minthang mahmah Zamnu in Sa Sa Ning leh Sangpi in Hong Lam To Pasian cih hong sa uhi.
Ka gensa mah bang in ZOMUS Khuado Pawi-te ah a kihel ngeilo rap hong sa Thein Khai siam ka sa hi. Aman Zolianu leh Lam Thak cih sa a, rap lo la dangte outdated ta hi ci liang hi! Rap ahih man kia hilo in, Thein Khai in Zolianu rap pen Zola, Zola kam/Zo lapau mah zang ahih man kilawm mahmah sese hi. A sakpih Tuatuang zong a aw hoih in, siam mahmah hi.

[Ke'n music lak ah rap (saang ka kah lai in Tupac lasakte ka ngaih mun mahmah khat ahihi),
alternative rock (Red Hot Chili Peppers) leh metal (Metallica, Iron
Maiden, Dream Theatre) cihte ka music deihte hi a, tua man in
rap/hiphop pen ngaihnop sa hi'ng! ]

Lasiam ka zak khak ngeiloh Phat Den Ning cih hong saLia San Nuam zong siam mahmah a, a aw hoih in, siang mahmah sensen hi. It baanglo kei bang lel hong it man phat tawntung ning hong cih ngaungau hang ki-um zo pha mello hi!

Zomite Thupha Hong Pia In cih hong saDalpi pen Lengtong Pauno late puahphat leh re-arrangement siam ka sa hi.

Ka Hu Tawp Dong cih hong sa Lia Nuam Kim zong, Sia Lianpi cih dan in, kilamen lai hang!

Tg Tuangpu hong sak la Ki-itna hong
hoih mahmah leuleu hi. A aw hoih in, a sak siam mahmah a, Metallica-te
late hong sa leh sa thei ding hi veh aw ka ci kha zezen hi. Lamka
nungakte'n Tg Tuangpu pen na thei mahmah vanglak uhi!

Khaipi in zongKhuado La hong sa ziahziah hi.

Zogam a Ding Zomi cih Thein Khai in a phuah, Tg Pausan in hong sa hi.

Teel Tuam Zomi cih la MD Sen in a phuah amah mah in hong sa a, siam mahmah diaidiai hi. Chinese (Sen) la ding bang ngeungeu hi.

Stephen Vocal Bandte hong sak uh Tuun Sung Khat Pan siam mahmah uh a, solo zong hong sa tek le uh ka ci kha zezen hi.

Sia Suan Khan Lian, General Secretary ZOMUS in mailam kalsuan zia ding hong pulak a, thupi ka sa thei mahmah hi. A thu pulakte hiah.

Fashion Show: Zo puan tuamtuam lahna thumvei piikpeek om hi. Ka et phatphat ciang a hoihna leh a kilawmna ka mu pan saan hi.

Ka
ngaihsutna hong om khat pen, Zo nampuante, nam puan dan in silh ding
leh a tuam in, kizepna a silh ding om tuam leh hoih ding ci ka um hi.
Zonet ah zong pawlkhat in nam puan lim leh mel pua nawnlo pi a ci om
hi. Tua zong ngaihsut a kisam thu khat ahihi.

Hih a nuai a bang in kikhen leh hoih kha ding hi:

Traditional dress: Hih ding in nam puante tanglai pan i silh dan lian mah in om lai leh;

Modern/Designer wear: Hihte
pen nam puante pan tualai puan silh dan design; gentehna in - Tg Khaipi
hong silh puanak-lukhu- nei, coat dan a kikhui, etc

* Wedding Dress/Gown: Numeite silh ding kitenna puan.
* Evening wear/formal: Party leh leitung vai a silh ding, a tangpi in numeite a ding.
* Everyday wear: Nisim a silh theih ding gentehna: T-shirt, short-pants, bermuda,
* Accessories: Khi, bilbah, tau (wrist band), lukhu, etc
Zolaam leh Zolasaknate hoih khin lel ahih man in hong gen kik nawnlo hing.

Final Words:

ZOMUS i DVDte en leng la a kisate pen Pasian' la leh gamngaih late
bekbek hi a, zawlla a sa om nawnlo hiam, ZOMUS in phallo zaw hiam ka
thei kei hi. Tua ciang rock music leh gualnopna la tuamtuamte om pha
nailo a, mailam ah hong tamsem ding lamen ing.

Tua ciang in a programme pen cultural programme ahih
mah bang in zong hong formal a, tua zong lasakna leh a sate a ding in a
hoih pen mah hiam cih ka theizo kei hi. Formal kei hen la, la zong khat
peuhpeuh mah sak theihna hi leh khangno leh mipi a tamzaw tam ka ci hi.
Yangon ah Zomi khangno tamlo hiam, Zomi a tamlo mah hiam? ZOMUS in
music lam khantohna ding kipawlna ahih mah bang in music lam bek mah
hong hanciam henla, cultural event/programme sang in concert leh show
mah hanciam leh bang a ci tam? Khangnote hong lawp zaw diam cih
ngaihsutna hong nei sak hi.

Bangbang ahizong in Zomite'n khantoh
lam ki manawh a kal i suannate ka muh ciang in ka angtang a, tua man in
hih thute kong tangko hi. A hoih ding deihna hang hi a, mimal leh
kipawlna demna hilo hi.

Post written by Carey Suante.