Thucin thutaang theihhuai pawl khat azom zel

Posted by: "suang dal" suangdal@yahoo.com suangdal
Sat Jun 13, 2009 9:38 am (PDT)





Thucin thutang theihhuai pawl khat 3

Ei a nei ih hihna sangin ei hong kinei ahihna lian zaw hi. Topa pen tuu bang-a kei ong cing ong kempa hi-a, bangmah ka kisam kei ding hi. Late 23. Topa neihsa ih hi hi. Hong kinei ahihna, neihsa te ih hihna pen ei a nei ih hihna sangin lian zaw hi.
Pasian in itna hi. Itna in Pasian hi lo hi. Love is not God. But God is love. Don´t ever say love is God. Say God is love. Pasian pen ki-itna hi. God is love...1 John 4: 16. Tua leh Pasian bang hiam? What is God? Pasian in Kha hi (God is Spirit), Pasian pen a kiciangtanlo Pasian hi (God is infinite), Pasian pen kipatna le tawpna omlo tawntung Pasian hi (God is eternal), Pasian pen Ama ii hihna sungah (in his being), a kikheel ngeilo Pasian hi (God is unchangeable) , A ciimna (in his wisdom), A vangliatna (in his power), A siangthona (in his holiness), A thumaanna (in his justice), A hoihna (in his goodness), A itna (in his love) le thumaan-thutak- lampi ahihna (in his truth) cihte ah a kikheelngeilo Pasian ahihi. Pasian pen Mun khempeuh ah om (Omnipotent) , Na khempeuh thei (Omniscient) in Vangliatna khempeuh tawh kidim Omni-power zong kici hi. Pasian ii hihna (attribute) pen hi bang teng hi. Pasian pen itna bek hi lo hi. Itna tungah taangzai zaw lai-in
Pasian´ hihna kiciangtan lo hi. Tua hi-a itna cih kammal zong Pasian ii hihna (attribute) te lakah khat hi lel hi. Itna cih pen namtampi om hi. Tua ahih manin Itna pen Pasian ci ngei kei in. Itna in Pasian control lo-in dictate lo hi. Pasian pen itna bek hi lo hi. Itna pen Pasian´ hihna te lakah khat hi lel ahih manin Pasian itna kici zaw-a, Pasian pen itna ii kipatna ahi hi. Pasian a om ma in itna om masa cih bang om thei lo hi. Pasian in itna hi. Itna mai ah Pasian masak tawntung in.
Na ha na nawt ciangin a nuailam neh zong na nawt ding mangngilh ngei kei in. Ha nawt seisai pongin na neh ah na hanibaal cian nihneh lai thei hi. Check your mouth at least two times in a day. Lenggahtui thuk in ha kimsak a, meikhu in mit a sipsak bangin, mi thadah in a cialpa a nasak hi...Paunak 10: 26. Na ha dam kei leh na pumpi in thuak mahmah hi. Na kam uih leh na gei aa te´n thuak mahmah hi.
Mi´ naa na sep ciangh nangh nasem bangin sem inla, Nang naa na septeh mi´ naa nasep bangin semin. Nang naa na sep ciangh sila bangin semin la, mi´ naa na sep ciangh nang maa naa hong kisepsak ding na ut bangin sepsak in. Nang maa huang sungah nang maa naa na sep ciangh (Malaysia khawng pan hi bangin ih gam ih lei ih khua ih tui ah naa ih sep taakin hau mah lo dia) na cih daanin kisila bawl tawmin la sem in. Nang ma hauh nading hong hi ding hi. Tua ahih manin nang naa na sep ciangh kisila bawl zaw inla, mi´ naa na sep ciangh nang maa nasem bangin kingaihsun inla sepsak in...Nang tungah hong kibawl ding na deih bangin na lawm te´ tungah na bawl in
Mi tawh kikaal ah kilungkimlohna na neih ciangin a hunlap in na cihnop teng ci ngam pah in. Nungsang thangpaih paih kei in. A hun om lai-in ci ngam pah in. Gen ngam pah in. Pulaak ngam pah in. Do not let the sun go down on your anger (Ephesians 4: 26) Ni tum ma in na hehna phisian theihsawm in.
Jesuh Khrih min suang lo-in na thunget mansak kha tawntung ken. Na kam pauna, na gamtatnate kheupeuh uhah, Topa Jesuh´ hangin Pa Pasian tungah lungdam kohna-in Jesuh´ min pau lamin na hih ding uh hi...Colossians 3: 17.
Mipi lakah thu na nget ciangin sawt ngen lua kha ngei kei in. Thu sawt pipi na nget nop leh nang ma private ah sawt pipi ngen zaw in. Private na thunget hun te khawl ngei kei in. 1 Thessalonians 5: 17na aa pray without ceasing "thu ngen niloh unla" a cih pen in thunget neih hun te peel ngei lo ding. Zom suak ding cihna hi. Na sem lo liang aa thu ngen ding cihna hi lo hi. Ni khat thu khatvei ngen te in zom suak hen. Nih vei ngen te in zong zom suak hen. Daniel bangin thum vei ngente in zong zom suak hen. Thu ngen niloh un. Ahi zongin mipi lakah thu ngenin hong kisawl ciangh sawt ngen lua ngei kei in. An nek thunget khawng Piancil pan´n Adam le Eve pan´n pan duatduat ken. Lungdam thu koh ding hi ziau hi.
Zomi te´ ih pu ih pa te ni dangin sa tam man na kidem uh hi. Sa tam matna pen pasal pha ahihna uh kisialpihna hi. Pawl khat te´ mual suang tung bangah Cingpi (Rhino) zong om leh man lai ding hi a cih mah bang lianin tu ni Zomi te bangkua sungah zong buaih (degree) tampi tak ki suang zihziah ta hi. Tu hun a tam zaw Zomi baangkua ah salu kisuang nawn lo-in buaih lu bekbek kisuang hi. Kawlpi bangah innkuan khat ah sangnau pang thum le li nei te´ baangkua bang va hawh kha rehang sangnaupang khat bekbek ii pahtawina ngahna buaih (degree) certificate bekbek pen li bang nga bang hi aa a dang te aa tawh kigawm leh a sawm vaal bang buaih lukhu khukna maan lutang bekbek kawm tungah ki mu phengphang hi. Ahih hang a hawmpi. Hi te pen milim biakna (idolatry) lam ah hong kalsuan pih hi ta hi. Na gilpi pen an pasian hong suak kha ding hi. Banghang hiam cih leh gilpi ding bek kikhual ta hi. Ih sep khiatna ki-en rehang bangmahmah hi het lo. Kumpi lam buaih ngah te
bangin kumpi sungah sem chiamchiam lai. Lai Siangtho sang lam pan buaih la te bel ahih leh a sem lo kitam zaw hi. Kawlte´n naa-mi-kyi-thamin- ngat a cih lin lian. Tu lai Zomi momno te sungah degree kithupi sak lua in a theihna kilunggulh lo mawk hi. Ih lungtup pen buaih sangpipi ngah ding hi mah hi. A hih hangin tua buaih sang pipi ngah naa ii lungdeih pen theihna (ability) ahih lam phawk ni. Quantity (a mal pha zah) sangin, Quality (septheihna a-zi-a-chin) thupi zaw hi. Quality (septheihna a-zi-a-chin) sangin ability (taaksaatna) thupi zaw lai hi. Taaksaatna ih ngah theihna dingin tansawm guk ong tawh kipan nawn kei ni. Tu hun pen taansawm ong te-in lah buaih ngah. Tansawm ong lo te-in lah buaih tam ngah zaw lai. Buai bekbek buaih bekbek. A hawm pi. Fi!!!!!!!!!! !!!!!!! Topa Jesuh in "I came not to be serve but to serve" na ci zaw hi. Buaih lukhu ngah rehang mite in ka naa hong sep sak theih ding cihna lungsim maan lo panin buaih lukhu ngah leng
mite´ naa sem sak thei ding hi ingh cih septheih nopna le taaksaatnopna lungsim man tawh kipan ta ni. Matthew 20: 28 "Mihing Tapa zong nasem nei dingin ong pai hi lo-in mi dangte´ aa ding na semin mi tampi a tankhia dingin a ong pai ahih mah bangin note zong a tuaci ding na hi uh hi," a ci hi. Sepsak buaih le hong kisepsak buaih? Buaih (degree) sang semsem mizawng mihai te tawh kikhawl thei semsem ding Pasian in deih hi. Na sem nei dingin buaih laak ding hi lo-a nasep nei dingin buaih lak ding ahi hi.
Tu hun Kawlgam Christian innkuan sung gen nai loh, eimau Zomi Christian innkuan sung ki-en pak rehang Pawlpi khat in degree thuap thumthum thuap li li a ngah Pastors bekbek li le nga ih nei hi. Pawlpi aa ding nasem cih thadah pawlpi in amau aa ding khasum hamsa tangpi-in kisep sak kizonsak hi. Ahih hangh amau khual hong zitzit san lel gamdang khawng hong paisan lel-in mundang khawngah naa hong sep san lel aa, Pawlpi mite Kha an vak ngei vet lo lai hi. Kha an vaak sun lelah Lai Siangtho tawh kituak lo (unbiblical teaching) peuh, kim le paam thu peuh, ama khualzitna le a nasepna thu peuh, ama´ thusuak peuh teng le thutheih teng peuh a gengen lai Sya kitam mahmah hi. Tua kawmkal ah Pawlpi lah zawng mahmah. Sya te khasum a kham kipia zolo hi. Sya te lah min deih vive. Pawlpi sungah thu nei nuam vive. Sep ding om leh lah ki emem. Hunzat ding le thuneihna ding om lelah ki lungsim tuh pian. Leitung kipawlna (mite ii) thupiitsakna recognize mah ci laanlaan.
Pasian in ih nasepna ong recognize hiam cih kingaih sun lo uh. Amau le amau zong ki-check le-uh ki check huai mahmah kha ding hi. Late 118: 8, 9na ah "Mi ih muan´ sangin Topa belh ding hoih zaw hi. Uliante ih muan´ sangin Topa belh ding hoih zaw hi" na ci lel hi. Tedim Zomi te diakdiak pen ih Convention cih te le Association ih cih ngakngakte ii pialpi sungah a awk cip te hi hangh. Cihnopna ah tua kipawlna pen a thupi lo hi lo hi. Ahih hangin tua convention le association ii pualam ah Pasian na kisem thei lo aa ih muh khak leh ih ecumenism sinsin pen a zang thei nai hiau lo ih hi lel ding hi. Tu hun aa ecumenism kim le pam tawh naa sepkhop ding thu a gengen teng kim le paam tawh nasem khawm thei lo teng hi zaw hi. Kim le paam te thu peuh mah thulakah a hel nuam lo teng hi zaw hi. Tu hun khantohna ding thu ngen kuamkuam khem te khantohna ding kikup pih taktak rehang hazaatna le elna tawh kidim in khantohna ding lampi a hong hiau lo te hi lel uh
hi. Pastor Zam Khua Lang in Kawlgam sungah annek le tui dawn haksa mahmah hi. Ahih hang tua sangin kihaazaatna le ki-elna haksa zaw lai ci hi. Kihaazaatna le ki-elna mah hamsa pen. Mi haza mi el namte in khantohna dingin Pasian kiangah thungen (prayer) cih tha dah khantohna ding khat kigeel lezong Kawlte pau leh zii-laa-miang- pyi ding nangawn sem nuam lo-in kilian sak hi. Abaih sa nangawn a mau min kihelna kidawkna ding lam a kaai kei leh el pah haza pah makaai kitam mahmah lai mawk hi. Tua ahih manin khantohna ding na gengen hang ko hong um nawn kei ungh. Pasian in ong khawi khinkhian lai phawt hi. Pasian in ong khawi khinkhian lai-in ih Pharo suang lungtang te Jesuh Khrih min tawh ih tui suak sak kei leh lauhuai kha di hi. Zawng in ama tawkheng en lo-aa mi´ tawkheng ko cih zong Paunaak nei hi hang. Tu lai pawlpi tampi takte ah Pastor thum le li om temtam napi-in va kikhawm rehang Pastor khat zong ki-mu lo hi. Bangzah in dahhuai. Kha an hong vaak
ding om lo hi. Tuu te amau le amau kimai kaih ta hi. Mittaw le mittaw kimakaih sak hi. Nisim kha an hong vak ding Pastor te ih cial hi-a, tua nisim kha an hong vaak cih thadah kal khat sung Sunday ni aa kha an nai lang sung hong vaak ding Pastor nangawn Pawlpi khatkhat te ah om ngei lo lai hi. Pastor bangzah nei nai vua ci rehang li bang nga bang ci-in kisial lai. A hawm pi!!! A hawmpi!!! Banghang ai tam? Pastors teng tai mang uh hi ven. Vak thap uh hi ven. Min zong uh hi ven sial zong uh hi ven. Amau nuntaakna ding zong uh hi ven. A gilpi ding uh zong hi ven. Hi bang teng hangin pawlpi mite a nung tolh tawh a puk tawh a tai mang tawh kitheh thaang hi. Biakinn zong kizuan nawn lo hi. A kha uh gil kial hi. A taksa uh zawngkhal hi. Kha an vaak ding om sun lelah haza in khaktan zel. Dawimang pa´ vanzat hi mai uh!!! Satan´s instrument!! ! Siatna le khantohna pen apualam pan hong kikhaktan lo-in asunglam mah pan´n kikhaktan hi den zaw hi. Tuabang tawh
Pasian kumpi gam zun zo ding maw? Pharisee Pastor maikai kitam lua ta. Secular lam na sem te heuh citaak zaw sawp uh hi. Hong koko ding mah uh hi. Min bekbek!!!Amin bekbek!!! A hawm pi!!! Tua ahih manin hih a cing nei lo tuute aa ding thungetsak ni. Hi bang mite hangin thu thei lo (innocent) mite thuak sak kei ni. Sup lawh sak kei ni. Na hoih ih sep sawm te sem veve ding hi hang. Khantohna a gen kuamkuam uh hangin veina nei lo uh hi. Hong uk kumpi te sangin suk zaw lai uh hi. Tua bang veina maan taktak nei lo te in na sep theihna ding thukimpihna le letmat thuhsak ding na ngawn te ah sem nuam lo hi. Tua bang aa thu baih mahmah nangawn a sem nuam lo mite ii khantohna ding thungen um nawn kei ni maw. Ih gam ih lei ih pawlpi ah tuucing hoih le maikaai hoih mah kisam pen phot hi hangh. John 10: 14-15na ah "Keimah in tuucing hoih ka hi hi....tua ahih manin ka tuute ka sihpih ngam hi" ci hi. Deny yourself. Be a blessing to others. Self-denial kisam hi
makaai ding te. Kei kei kei. Kei bekbek. I I I. Me me me. Pawlpi sung le khua sungah Pasian aa dingin a nuntaakna kipia ngam Pastor le makaai kisam hi hang. Ama deihna a kinial makai kisam hi hangh. A ki commit ngiat. Pasian aa ding aa a citaak a mite aa ding aa a suplawh makaai kisam hi hangh. Tuu te a it Pastor kician kisam hi hangh. Pasian in a kepsak tuute a khualna aa a suplawh ngam Pastor kisam hi hangh. A khua a tui aa ding aa a sup lawh ngam makai kisam hi hangh. Tu lai Pastor tampi takte in ih nuntaakna hamsat luat pen kipaulap pah in mun dang kha sum tamna ah Pasian´ min suang pong in na sem uh hi. Tua bangin naa sem ih hih leh zong a zawng likliak tagah a bang pawl pi ii hawmthawh mahmah khasum duh gawh lailai kei hen. A duh gawh ciang zong pha dawm lai. Pawlpi´ aa ding bangmah sem ngei lo Pawlpi taisanin a tavuan Kha an vaak ding zong a sem ngei lo, Pawl pi pan´n tai khia a pualam ah na sem, tua tapa taimang, bangmah sem lo pa in a
khasum kipia sun teng zong ki suangtaak aa hong pia nawn dah un kei mundang ah a sem hi phot kaih ciangh a cih sangsik aa, a khasum ki khan leh ut in a taisat pawlpi phusan lai hi. A nungsang zuan nupi hi mai. Pawlpi a cinglo tua pastors te Pawlpi in letna in khasum tua zah pia hen cihna Lai Siangtho mun om lo hi. Lai Siangtho in mi khat in To nih naa sem thei lo ding ci hi. No one can serve two masters. Na-may-kyi-tha- min-ngat. A hawmpi! A hawmpi!!!!!! !!!!!!!!! Kipuah pha ding hi hang. Ih gam zawnna ngauna le hamsatna te pen Pasian nasep nading aa hong khaktaan hi ci-in paulapna pen hoih lo hi. Commitment and trusts in the Lord Jesus Christ and faithfulness to the Church pen kisam masa hi. Hi te pen Zomi Christian te sungah thupiang maan takpi te ahi hi. Not all but many. Inn gua hah lo gam gua hah. A u a nau a khua a tui a pawlpi phawk lo aa midang a phawk zaw te. Mi khat peuh in a beh a phung, a diak diakin a innkuan sunga mite a vaak nop kei leh a
upna a nusia hi ta a, thu um lo mite sangin sia zaw lai hi...1 Timothy 5: 8. Sya te in a sia a pha ih khen theih ding hun ta hi. Sanggamte aw, mite tungah thu a hilh eite pen mi dangte sangin a khauh zawin thu hong kikhen ding ahih manin note tampi Sya na suak nuam se kei un. James 3: 1. Comfort bekbek kizong comfort!!!!! ! The most comfort!!!!! ! Oh where is the most comfort!!! I am looking for you!!! Eimau comforts eimau nopsakna ding bek ih zonna pen khialna khempeuh kipatna bulpi hi. Mi te tu hun ah kipum khat in sepkhop theihna ngaihsutna-in amau deihna tek kinial in naa sem khawm ziahziah thei ta uh hi ven. Ei tawmno khat te ki haza ki-el el lai teng tawh ni tumtum lai mawk ci-in na khui sasa ingh. Ken mi ka hazaat leh international level bekin mi haza ing ih cih thei ding thupi ta hi. Sial khe khaap kuak sung aa kihazaatna le ki-elna pen toi lua hi. Ih hazaat ih el nop vauvau lezong a tangzai zaw kihazaatna le ki-elna beek hi hen.
Article gelh siam khat in "A tangzaai zaw kihazaatna le ki-elna" cih thulu tawh article khat ong gelh lecin maw...

Tg. Suang Dal
Zozaang
Zomi-Myanmar
From Chin State
In Myanma
Tawmvei
Manila