Ka zongsat Vs. ka ut:Murlen

Ref- (Rom 7: 14-25; Gal 2: 20)
Posted by: "suang dal" suangdal@yahoo.com suangdal
Tue Jun 9, 2009 12:55 am (PDT)





KA ZONGSAT VS. KA UT (Romans 7: 14-25; Gal 2: 20)
Ka zongsat (what I hate I do is bad habit) Vs. Ka ut (the desire to do what is good)
Â
Introduction
Ka hih nop teng hih kha lo-in, ka hih nop loh teng keek mah hih zawsop kha ka hih manin keima gamtatna mahmah zong ka tel thei kei hi...Romans 7: 15ff
Mihing khat aa ih pian nak leh ih zongsatna le ih utna a na kido den a hihna thu pello-in tuak hamtang ding hi hangh.
Zongsatna cih kammal pen zongsatna hoihlo le zongsatna hoih ci-in kizang thei hi. Zongsat + hoih/hoihlo. Utna cih kammal ah zong tua mah bang ahi hi. Utna dik le Utna diklo ci-in kammal namnih mah-in na kikhen hi. Utna + Dik/ Diklo. Tua ahih manin zongsatna hoihlo le utna diklo pen nupa ahi uh hi. Tua mah bangin zongsatna hoih le utna dik pen nupa mah hipah hi.
Zongsatna hoih + Utna maan vs Zongsatna hoihlo + Utna maanlo zong kici thei hi.
Zongsatna hoih lo pen Utna maan lo ii a gah ahi hi.
Zongsatna hoih pen Utna maan ii a gah ahi hi.
Â
Zongsatna nam nih/ Utna nam nih
Zongsatna hoih le Zongsatna hoihlo ci-in nam nih in kikhen hi. Tua mah bangin Utna hoih le Utna hoihlo ci-in nam nih mah-in kikhen hi.
Zongsatna hoihlo in zongsatna hoih kisam hi. Ahi zongin zongsatna hoih in zongsatna hoihlo kisam lo hi. Tua mah bangin Diklohna le Thumaanlohna in Dikna le Thumaanna kisam hi. Ahi zongin Dikna le Thumaanna in Dikohna le Thumaanlohna cik mah hun-in ki kisam ngei lo hi.
Â
Zongsatna hoihlo (Bad habit)
Hih zongsatna hoihlo pen thu-ummi (believers in Christ) te aa dingin zongsatna lui (the old nature of the believers) kici hi (Pianzia lui). Amau’ pumpi deihna bangin a nungtate, amau pumpi deihna in a lungsim uh a uk hi…Romans 8: 5
Â
Zongsatna hoihlo a pian theihna lampi nih
1. Zongsatna hoihlo ih cih pen sep ding aa kilawm lo teng ih sep teiteina pen zongsatna hoihlo ahi hi (We have done things which we ought not to have done)
2. Zongsatna hoihlo a dang khat pen sep ding aa kilawm nate ih sep tuan lohna pen zong zongsatna hoihlo mah ahi hi (We have left undone things which we ought to have done)...Romans 7: 14-25na mun na sim in. Hih Romans 7: 14-25 in tatkhiatsa thu-ummi (true believers in Christ) te ii dinmun a gen ahi hi.
Â
Zongsatna hoih (Good habit)
Hih zongsatna hoih pen thu-ummi (believers in Christ) te aa dingin zongsatna thak (the new nature of the believers) kici hi (Pianzia thak). Kha Singtho’ deihna bangin a nungtate, Kha Siangtho in amau lungsim a uk hi.
Â
Zongsatna hoih a pian theihna lampi nih
1. Zongsatna hoih ih cih pen sep ding aa kilawm teng ih sep lianlianna pen zongsatna hoih ahi hi (We have done things which we ought to have done).
2. Zongsatna hoih a dang khat pen sep ding aa kilawm lo nate ih sep loh lianna pen zong zongsatna hoih ahi hi (We have left undone things which we ought not to have done).
Â
Mi khempeuh zongsatna hoihlo ii sila kihi khin
Ih theih dingah Adam le Eve a puk zawh aa kipanin mihing te ih zongsatna pen a hoihlo nasep sem ding hi den hi (to do evil). We are totally depraved because of the Fall. Tua a hih manin mawhna sila (slaves of Sin) ih hi uh hi. Hi thu hangin tu ni mahmah in zong zu dawndawn zu khamkham mi khat in "kei zong ka ut hi kei veh aw" ci ngaungau thei hi. Matthew 26: 41na ah the spirit is willing, but the body is weak na ci hi. Ih lungsim in a hoih sep ding a ut tei hangin mawhna sila ih pumpi zawngkhal hi. Ih lungsim in nitaak lum baih zing tho baih a ut teei hangin zongsatna hoihlo ahi mawhna sila hangin a zawngkhal pumpi pen nitaak lum hak den keei ahih manin a zawngkhal pumpi khangma den pah hi. Kei ka hih leh ka ut pen nitaak lumbaih zing tho baih mah hi aa, ahi zongin ka zongsat ahih leh nitaak lum hak zing tho hak kha zel kahih manin kei a hong sia sak ding hih lungsim lui panin kua in kei hong honkhia zo ding ahi hiam? (Hih zongsatna hoih lo ii
matcipna mawhna sung panin kua in hong tankhia siang zo ding ahi hiam?) Ih Topa Jesuh in ong honkhia, (ong tankhia in ong gumkhia) zo ding ahih manin Pasian tungah ka lung a dam hi. Kei om zia taktak ahih leh: ka lungsim tawh Pasian ka zui a, ka pumpi in mawhna a piangsak thu a zui hi. Ka ut tawh a kilehngat ahi (nitaak lum hakin zing ka thawh hak) veve ciangin tua a gamta pen kei hi nawn lo-in ka sunga om mawhna a gamta ahihna a hong kilang hi. Romans 7: 15, 16.
Â
Zongsatna hoih vs Zongsatna hoihlo (the new nature vs the old nature)
Ih ngaihsutna ih pumpi deihna uk sak rehang sihna tawh kizom hi; ih ngaihsutna , Kha Siangtho uk sak rehang nuntakna le nopsakna tawh kizom hi. Mi khat peuh in ama pumpi deihna a uksak ciangin Pasian’ thukhamte zui lo ahih manin Pasian’ gal suak a, a zuih nop hangin zong zui thei lo hi. Amau pumpi deihna bangin a gamtate in Pasian lungdamsak thei lo uh hi.
Note sungah Pasian’ Kha Siangtho hong om nak leh nomau pumpi’ deihna bangin gamta lo-in Kha Siangtho’ deihna bangin na gamta ding uh hi. Khrih lungsim a nei lote Khrih tawh kipawl lo hi. Ahi zongin note sungah Khrih ong om leh mawhna hangin na pumpi uh a si veve ding ahi zongin, note pen Pasian tawh kipawl khin na hih manun note aa dingin Kha Siangtho in nuntakna ahi hi (Romans 8: 6- 11).
Pasian’ Kha Siangtho’ deihna tawh nuntaakna pen zongsatna hoih zongsatna thak hi aa, ahi zongin tua zongsakna thak pen zongsakna lui-in kai-awh lai hi. A sawt lo-in bel damdam in tua kai-awhna lui panin suakta ding hi. A vot le a sa om khawm leh puakkham thei hi. Na vot le vot vet inla na sat leh sa vet in. Pianzia lui nei na hih leh Pianzia lui nei te bangin nungta vet inla, Pianzia thak nei khat na hih leh Pianzia thak nei te bangin nungta vet in. Na pianzia lui le na pianzia thak kitawng den hi. Banghang hiam cih leh kilem lo hi. Tua ahih manin mi khat peuh, Khrih tawh a kipawl ciangin mi thak suak a, a mi lui ngeina bei-in a mi thak ngeina a nei ta ahi hi (2Cor 5: 17). No one can serve two masters. Pianzia nih nei ka hih manin ka pianzia khat in Pasian’ naa sem in, na pianzia dang khat in Satan naa sem cih bang thu om thei lo hi. Pianzia khat tawh Pasian khat ii na kisem thei bek hi.
Â
Mawhna sila zongsatna lui pan zongsatna thak ah galkah zawhna lampi
A lui pan'n a thak ah ih galkah zawhna ding lampi khat bek om aa tua pen Jesuh Khrih tungtawn bekin kigalkah zo bek hi. Jesuh bek, Upna bek, Hehpihna bek tawh (by Grace Alone through Faith Alone in Jesus Christ Alone). Ih nun lui pen Adam sungah si (Death through Adam). Ih nun thak pen Khrih sungah nungta (Life through Christ) ahi hi.
Â
Thu-umlomite' pianzia (the nature of the unbelievers)
Thu-umlomite pianzia pen mawhna sila pianzia khat bek nei te ahi uh hi (slave to Sin). Tua pianzia nature pen thu-umlo pianzia ahi hi. The only nature of the unbeliever is unbelieving nature.
Â
Thu-ummite' pianzia (the believers nature)
Thu-ummite' pianzia pen diktanna ngah pianzia khat bek nei te ahi uh hi (slave to Righteousness) . Tua pianzia nature pen thu-ummi pianzia ahi hi. The only nature of the believer is a believing nature. It is the nature that is to be holy alone as believer.
Â
Thu-ummi khat in pianzia bang zah taktak nei?
Pianzia khat bek nei a ci pawl le Pianzia nih nei a ci pawl ki-om hi.
Â
1.      Pianzia (one nature theory) te in Gal 2: 20na siksan uh hi. Tua hi aa tu hun aa ka nuntaakna zia pen kei hang hi nawn lo-in ka sung aa om Khrih hang ahi hi ci ziau uh hi. Bangbang ka sem zongin ka sungah Khrih naak litlit lel hi cih bangdaan sanzia manlo tawh kalsuan thei hi. A sep khempeuh a sung aa om pa ngawh tawntung hi. Tua (wrong motive) kici hi.
Â
      2. Pianzia (two nature theory) te in Romans 7: 14-25na siksan uh hi.
Â
One nature theory pomzia a kisaan khialh theihna (wrong motive)
Ka sungah a om pen kei hi nawn lo-in Khrih ahih manin bangbang ka sem zongin phamawh lo hi (he lives in me) ci uh a, Jesuh Khrih sunglam mi aa neihna pen opportunity (mawhna bawl theihna license) le vantunggam tun theihna ticket daan kisa thei hi. Tua hih manin hi bangdaanin ih saan khak leh kikhial hi. Saying that Jesus Christ is in me no matter what I do. This is wrong! Khrih a sungah om khin ahihna tawh kinamtaak ziauh sawmna.
Â
Two-nature theory te ii a khialh theihna (wrong motive)
Pianzia nih nei ka hih manin mawhna ka bawl ciangin kei hi nawn lo-in ka sung aa om mawhna hi ci-in a mi lui hihna pianzia a hi (sinful nature) pen ngawh ziau uh hi. A mi thak hihna ahih leh Kha thu tawh kisai hi-in kitankhia khin hi. Pianzia nih nei mawh nei mi hi lai ka hih manin ka mawh zel ding mah hi cihna tawh amah le amah kimaisak (ki justify) ziau hi. Hih two nature theory leuleu pen in zong a sunglam aa om lai mawhna (sinful nature) pen mawh bawl theih zeuhzeuh zel laina license bang daanin ngaihsun ziau hi. A pianzia thak (new nature) pen ahih leh vantunggam tunna ticket bang daanin ngaihsun ziau hi.
Tua ahih manin enkaak taktak rehang one nature theory le two nature theory a sangkhialte pen a deihna uh a kituak zawh loh uh hangin a sankhialhna a pom khialhna ah kituak uh hi.
Â
Lai Siangtho’ gen thu-ummite’ pianzia
Gal 2: 19, 20ff; 2Cor 5: 17na ah a gen mah bangin Thu-ummi khat in pianzia (one nature) bek a nei ahi hi hi. A hi zongin Rom 7: 14-25na aa a gen mah bangin thu-ummite mawhna in hong kai-awh lai hi. Pianzia thak sungah ih om khit hangin a mihing tua pianzia lui a neipa mah na hi lai hi. Pawlkhat te in one person two nature ci hi. A taktakin one person one nature hi. Thu-ummite tua mawhna in a nawngkai sak lai zenzen hangin tua mawhna pen amau nature hi nawn zenzen lo hi. A mihing bel kikhel lo mah-in a dingmun kikhel hi bek hi. Thu-ummite’ dinmun pen sinful nature kici hi. Thu-umlomite dinmun pen sinner kici hi. Sinful le sinner zong a khiatna meaning kilamdang hi. Thu-umlote pen mawhnei mite hi ngiat uh hi. Thu-ummite pen mawh neilaite ahi uh hi. Mawh nei le mawhneilai cih a khiatna kilamdang hi. Mawh nei mite cih ciangh tatkhiatna a ngah nai lo a piangthak nai lo te ahi uh hi. Mawh neilaite cih ciangh tatkhiatna ngah khinin a pianthak khit hangin
mawhna ii huzaap luatna (consequence) hangin puk thei zel lai cihna hi. Tua ahih man aa Jesuh in Huhpa Kha Siangtho pen tatsa mi mawhneilaite aa ding aa ong sawlna LST in ong gen hi.
Thu-umlote in zong nature khat bek nei uh hi. Tua pen thu-umlo nature ahi hi. Tua mah bangin Thu-ummite in zong nature khat bek nei uh hi. Tua pen thu-um nature ahi hi. Thu-ummite in nature khat bek a neih uh pen a siangtho aa nuntaak ding pianzia bek ahi hi. Thu-umlomite in na hoih a sep zel tei uh hangin Jesuh Khrih honpa tanpa le gumpa aa a san kei uh leh tua ana hoih sep zel sam te uh in Pianzia thak (new creation) suak sak ngei lo ding hi. Tua mah bangin Thu-ummite in zong mawhna a bawl khak kik zel uh hangin tua a bawl khak uh mawhna hangin pianzia lui suak kik tuan lo ding uh hi. Tua nisim mawhna pen thungetna tawh kimaisak kik zelzel hi. Mihing kicin siang zawhlohna (imperfection) hong kilangsak hi bek hi. A tua hang mah in Jesuh Khrih ii perfection kicin siang zawhna sungah pianzia thak a nei te ih hi hi. Tua pen Jesuh Khrih ih kisapna hi pah hi. Bangbang ahi zongin thu-ummite pianzia pen perfect ding pianzia le siantho ding pian zia bek ahi
hi.
Perfection cannot be attained here on earth but perfection can be pursuable as our Father in heaven is perfect. Matthew 5: 48na ah “Tua ahih manin vantungah a om na Pa uh a cingtaak mah bangin note zong lungsim citakin na cingtaakna ding uh na hanciam un. Thu-ummite pianzia thak sungah ih om khit hangin ih pianzia lui in ong nawngkaai sak hi. Have been justified but sin still remains in us. Ih sung aa a teng lai mawhna pen ih pianzia ding hi nawn lo hi. Tua mawhna pen damdam in huihpi nung bangin hong theng ding hi. Liamma ih ngah ciangin a damna dingin zatui tawh ih ki khoi hi. Zatui ih nuh khit ciangin dam lam manawh hi. Ahi hangin a tawm pen kaalkhat lo-in dam siang pah lo hi. The consequence of sin zong tua daan hi.
Â
Diktaan na ngahna le nisim kisiansuahna kilamdang (Justification and Sanctification must be understood in each proper rule)
Jesuh khat vei sep a tawntung aa kimang tatkhiatna diktanna hangin a piangthak mite mawh nei mi kici nawn lo hi. Ahi zongin ih sung aa teng a cian lai deuh mawhna (indwelling sin/ the consequences of sin) hangin nisim kisiansuahna (to be sanctified) kisam lai hi. Tua ahih manin thu-ummite in zong ih nisim mawhna pan mawhmai nading thu nget den kul aa tua pen huhpa Kha Siangtho in ong siansuah ahi hi.
Â
A kawt lai ih mawhna keusak aa siansak dingin a kiphopho laite ih hi hi.
Puan ih sawp ciangin a siang dingin kisawp hi. Tua ih sawp na tui hangin a puan pen kawt hi. Puan ih sawp ciangin a keu dingin kipho hi. Ahi zongin a keu siang ma-in kawt lai deuh ahihna puan sawpsawp te in telpah ding hi hang. Tua puan a kisawp khit ciangin pianzia khat bek nei hi. Tua a pianzia pen siangtho aa a keu ding bek hi lai hi. Ahih hang tua a keu ding puan pen kawt lai deuh hi. Because of the consequence of being washed/ wet. Yet the only nature of that washed clothe, that is wet, is to be dry and to be cleanse and holy alone. Tua puan pen siantho na manawh in a kawtna pan damdamin a keu toto ding ahi hi.
Tuamah bangin thu-ummite pianzia zong hong kisawp siang khin hi. Ahih hangin ih kawt lai deuh hi. Sianthona lam zuanin damdamin a kawt puan bangin ih keu toto ding aa a topna ah a siangtho puan bangin Khrih in ong silh thei ta ding hi. The only nature of the wet cloth is to dry alone. Likewise the only nature of the believers also is to be dry and to be holy alone.
A believer is still struggling because he cannot have two natures in him. The new nature is no longer belonged to the old. Thu-ummite in nature nih mah a nei lai hi leh buai kul lo hi. Banghang hiam cih leh a nih aa a nature hi lel hi ven. Tun tua nature nih nature khat bangin zang thei lo ahih manin a ki conflict lai a hi hi. Aktui tawh kibang hi. Akno a keuh ciangin tawmvei sung a tawlam le a aktui hawng kimat lai hi. Aktui in pianzia nih nei hi. Pianzia khat pen aktui hihna hi-a, pianzia a dang khat pen akno aa keuh ding ahi hi. Tua bangin pianzia nih sung aa aktui hawng le aktui daa tawh a kimat cip lai tua akno keuh ii pianzia pen a nungta ak no aa ong pian khiat ding pianzia bek ahi ta hi.
Â
Pasal nei khin zi nei khinte a pasal neih ma a zi neih ma uh tawh gentehna
Lia Zaa Lam Cing pen a pasal neih ma-in nungak ahi hi. Tua pen a pianzia masa hi. Ahi zongin Lia Zaa Lam Cing in pasal ong neih khitteh a pianzia pen pasal nei pianzia hi ta hi. Before married she is a single. After married she is a married woman. A pasal neih ma le a pasal neih khit pianzia pen kilamdang na pi-in a mihing pen Zaa Lam Cing mah hi veve hi. Tua mah bangin piangthak mi khat zong a pianthak khit hang tua a pianthak ma aa mipa pen mah hi den hi.
Lia Zaa Lam Cing pen Lia hong hi nawn lo-in Nu hong hi ta hi. A hi zongin a nungak lai aa a duh theih le a deih theih le a zongsat pawl khat pen nuntaak pihpih lai kha mah ding hi. Ahih zongin a mah pen a kiteenpih khin zi hi ta hi. The only nature of Zaa Lam Cing is now married wife nature.
Tua mah bangin ei thu-ummite zong ong kiteenpih khin te ih hi hi. Tu-in thu-ummite pianzia pen a kitenpih khin pianzia ahi hi. Ih utut ahi Jesuh Khrih tawh ih kiteng khin hi. Eite ii hoihna hang hi lo-in ei ong it ong tel ong tehpih Jesuh Khrih ong itna le ong hehpihna hang in Jesuh innkuanpih ih hi ta hi. Ahi zongin ih nungak ih tangval lai aa ih zongsak na te in khat veivei nupa sung ong nawngkaisak lai thei hi. Tu in ih pianzia pen khat bek hi sak ni. A kiteen pih khin numei nungak hi nawn lo in nupi ahihna tungtawn in a pasal tungah a cihtak ding a tavuan ahih mah bangin ei thu-ummite zong ong kiteenpih khin ahih manin pianzia khat bek, upna khat bek Pasian khat bek mitsuan ni.
Tua ahih leh pianzia khat bek a nei thu-ummite (new creation) te aw hi thu mangngilh tuan kei ni.
Ka zongsat Vs ka ut
Ka zongsat hoihlo le ka utna maan kitawng den lai hi.
Ahi zongin ka utna maan in a zawh ding lam mitsuan in ka nungta ding hi. Tua bang aa ka nuntaakna pen ka pianzia thak ahi hi.
Ih sung lam aa om lai mawhna pen mawh bawl theihna ding license daanin zat ding hi lo hi.
Tua mah bangin ih sung aa teng Khrih hangin mawh bawl theihna ticket ngah ih kisak loh ding a hi hi.
Ih sung aa ong teng Kha Siangtho pen ih sung aa om mawhna ii sila hi sak kei ni. Kha Siangtho na dahsak kei un.
Ih sung aa cian lai mawhna pen ih sunga aa om Kha Siangtho tawh om khawm lo hi. Ih sung aa om lai mawhna pen ih bulpi hi nawn lo hi. Ih bulpi ih mungpi pen Kha Siangtho ahih manin Kha Siangtho gah kilawh theihna thu-ummite ih hih zawh ding Pasian in ong kal hi.
We are struggling because the old nature is no longer the believers’ nature. That’s why struggling.
That’s why ka zongsat vs ka ut
What a wretched man I am! Who will rescue me from this body of death? Thanks be to God—through Jesus Christ our Lord!
Jesuh Khrih sungah nakhempeuh tui suak hi. Amen!
Â
Â
Tg. Suang Dal
Zozaang
Tawmvei
Manila
Â