Zomi Ka Hi Hi

1. Hoih hi ciin i theih ciang i sep pah leh '"ZOMI HI" hong kici hi.'
2. Hoihlo hi ciin i pelh pah ciang '"ZOMI HI" hong kici hi.'
3. 'By faith' tawh Lai Siangtho sangkah dingin i ki zuih ngetngat ciangin '"ZOMI HI" hong kici hi.' 4. Thuhoih la hoih tawh i kiho ciang '"ZOMI HI" hong kici hi.'
5. Anlim mehlim veng leh pam i kikholh, i ki nekpih ciang '"ZOMI HI" hong kici hi.'
6. I ngeina te Zomi Nam Ni, Khuado Pawi khawng ah i lah ziahziah ciangin '"ZOMI HI" hong kici hi.'
7. I hih theihna tantan ah nik hoih, puan hoih i hanciam vanvan ciang a khangto nuam '"ZOMI HI" hong kici hi.'
8. I phakna ciangciang ah pilna zongin, nek ding a lim a al zongin, sum leh pai neihsa behlap sawm in i diangkhiat ciang '"ZOMI HI" hong kici hi.'
9. Zolai, Zopau i zat ziahziah ciangin '"ZOMI HI" hong kici hi.'
10. Zolia, Zotaang i ngaih ngutngut, i khiatlah ngutngut ciang '"ZOMI HI" hong kici hi.'
11. Zozi, Zopasal i neih teitei ciang minam it '"ZOMI HI" hong kici hi.'
12. I omna pawlpi khat ah om a pawl i taitai loh ciang - a gina, a citak '"ZOMI HI" hong kici hi.' 13. Naumin phuah ciang Zomin mah i phuah tangtang ciang '"ZOMI HI" hong kici hi.'
14. Gal man Sa man hita leh a hun leh mun lo a kisial nuamlo te '"ZOMI HI" hong kici hi.'
15. Gal hang sa hang te a hihna bang tak vua a kipahtawi ciang '"ZOMI HI" hong kici hi.'
16. Eisang piang masa uzaw te 'u' ci a, ei sang piang nunungte 'nau' ci a ki itna kizahtakna tawh i kiho ciauciau, i kisap ciauciau ciang '"ZOMI HI" hong kici hi.'
17. Ni ding, gang ding te Ni, Gang i cih ciauciau ciang '"ZOMI HI" hong kici hi.'
18. Piteek, puteek te Pi, Pu ciin zahtakna pia in a kilawm a namtui in i hopih ciauciau ciang '"ZOMI HI" hong kici hi.'
19. Teek leh mo ki it in, 'Nu', 'Ta' ciin a ki it diamdiam ciang '"ZOMI HI" hong kici hi.'
20. Naute pattah in ute i pahtawi ciang '"ZOMI HI" hong kici hi.'
21. Nu leh pa thu mang in zahtakna i piak ciang '"ZOMI HI" hong kici hi.'
22. Khuasung hoihna ding thu i khual mahmah ciang '"ZOMI HI" hong kici hi.'
23. Gamsung sing leh lopa te nuntakna nei mah hi ci-a i it i kep i khoi ciang '"ZOMI HI" hong kici hi.' 24. Vaphual banga itna, migitna i neih hit hiat pen '"ZOMI HI" hong kici hi.'
25. Hong mudah, hong langpangte i maisak ciang '"ZOMI HI" hong kici hi.'
26. Na hoih lohna pulaklak lo a na hoihna sunsun na pulak ciang '"ZOMI HI" hong kici hi.'
27. A hoih lam vive in thu na ngaihsut ciang '"ZOMI HI" hong kici hi.'
28. Buk teep kawma muitung khau i khek duat duat ciang '"ZOMI HI" hong kici hi.'
29. Kial ann vaimim leh Bal, Kawlkai, etc. te pelh a Buhsih bek nek i sawm teitei ciang - lungsim thupi, hangsan, milian vai, mipil ngaihsut ahih manin '"ZOMI HI" hong kici hi.'
30. Mipil gamtat i kisin tohtoh a, milian, mi thupi omdan i sin toh toh ciang '"ZOMI HI" hong kici hi.'
31. A hoih lam manawh a khang, a thupi ding kipan hi hang cih i mangngilh loh ciang "ZOMI HI" hong kici hi.'
32. I let, i neih, i hauh ciang zong mite hong thupi simna sanga ei kiliansak lo zaw, kithupisak lo zaw in i om ciang "ZOMI HI" hong kici hi.'
33. Pahtawi ding khat, pahtawi tuak khat a om ciang nasep ding khempeuh nusia a pahtawi a tha i kipiak ciang "ZOMI HI" hong kici hi.'
34. A hoihlo, a ginalo, a sia khat a om ciang minsiat na hoihlo i do ciangin "ZOMI HI" hong kici hi.'
35. A hoihlo bawlpha a ahoih i kep tohtoh ciang "ZOMI HI" hong kici hi.'
36. Thudik gen a, a kisap leh zong sihpih ngama kal i suan ciang "ZOMI HI" hong kici hi.'
37. Zuau gen pen namneu leh mi cimawhte kammal hi i cih tinten pen mite hong zahtakna leh hong tung etna bek hilo in "ZOMI HI" hong kici hi.'
38. Zawlthu zahtak tak a i suut diamdiam pen mi gina, minam ci tak hi cih hong kithei bek hilo in "ZOMI HI" hong kici hi.'
39. I Topa Jesu hong hilh thute i theihma pekpek in nuntak hoih ding i kisinsak den pen minam kician i hihna bek hilo in "ZOMI HI" hong kici hi.'
40. Paunak kician tampi nei a tuate mitsuan kawma gamtat hoih i sin tawntung, i hanciam den ciang a thupi bek hilo, min hong zahtak hong tung et bek hilo, "ZOMI HI" hong kici hi.'
41. Zi khat, pasal khat i tulpih lianlian ciangin "ZOMI HI" hong kici hi.'
42. A ngaih hi in a ngaihloh hi ta leh Zolia in deidan neilo a tangval nam kim lengla a do siam pen amah a thupi bek hilo in, minam a thupisak, minam tawisang hi a, zahtak huai in it huai a, "ZOMI HI" hong kici hi.'
43. Vantung thu, leitung thu khen dimdiam in i nuntak siam manin "ZOMI HI" hong kici hi.'
44. Khangno khat mi inn ah anne dingin i paipai loh ciang in "ZOMI HI" hong kici hi.'
45. Numei hi in pasal hita leng eima nasep san ciat ah suangsam hetlo a i sep zawh ziahziah (tavuan zo) ciangin "ZOMI HI" hong kici hi.'
46. Lim lo, nuam lo hita se leh hong deihsakte itna theisiam, zahtak a lim hi, nuam hi i cih siam sese pen "ZOMI HI" hong kici hi.'
47. Naupang limtaka pantah a piteek puteek itna tawh i khoi siam pen ei leh ei a ki pahtawi bek hilo in minam thupi ihihna a kilatna hi a, tuate hang mah in "ZOMI HI" hong kici hi.'
48. Khualzin gamvak na khat peuh ah zin i tun ciangin inntekte ading nawngkai khak ding kidawm siamtak a i gamtat ciangin "ZOMI HI" hong kici hi.'
49. Sih leh nat pen thuak ngeina, tang bang dam ding sial bang lianpen cih i theih cian mahmah manin "ZOMI HI" hong kici hi.'
50. Gal leh sa pen i do ngeina, i nuntakna ding, i suahtakna ding ci-a khutsam, khesam, lusam laulo a i do kankan pen tu ni tan i thupina bek hilo in "ZOMI HI" hong kici hi.'
51. Na hoih sep khawlsan lo a ei minam sung bek hilo minam dang lakah zong a kilawm a i gamtat siam mahmah pen "ZOMI HI" hong kici hi.'
52. Thulian, thu gina, khantoh vai i ngaihsut ngiitngeet pen "ZOMI HI" hong kici hi.'
53. 'Vasa tui lai in vasa vai ken' cih mah bangin mikhat siatsak khak ding i kidop mahmah pen minam khangto i hihna hi a, "ZOMI HI" hong kici hi.'
54. Lai Siangtho sim in thu i nget ciang (mimal nuntakna khangto bek hilo in mite in i gamtat hoihna mu uh ahih manin hong zahtak uh a), "ZOMI HI" hong kici hi.'
55. I biakna zahtak in citak in i nuntakpih ciang (mi gina i hih na mite in hong thei bek hi lo in Pasian thupha kisang a), "ZOMI HI" hong kici hi.'
56. Pasian thu tangko in Gospel i pai ziahziah ciang "ZOMI HI" hong kici hi.' 5
7. Khangno khat in pilna gina takin a zon ciang "ZOMI HI" hong kici hi.'
58. Khangno hun a khantawn nek ding a kaikhawm hong kimuh ciang "ZOMI HI" hong kici hi.' 59. Nungak tangval siangtho taka kiheel, kikhawl, holim a kimuh ciang "ZOMI HI" hong kici hi.' 60. Nu thumang pa thumang a nahlawhpek cih Zomi paunak a zak uh ciang "ZOMI HI" hong kici hi.'
61. Duh omna leh ngaih omna ci in it leh ngaih a kiveh tantan ciang (itna a thupisak Zomi hi cih hong thei bek hilo in, nuntakna a thupisim mite hi ciin hong kiciamteh a), "ZOMI HI" hong kici hi.'
62. Sakhi in a tatna ding kuamkua khual cih bangin pil tak a i gamtat hialhial ciang "ZOMI HI" hong kici hi.'
63. Sumgum zong dinga innlum pan i zin khiat a, hauhna minthanna leh liatna tawh nu leh pa kiang i tun kik ciang (tanu tapa muanhuai bek hilo in) "ZOMI HI" hong kici hi.'
64. Namdang tawh kitaitehna ah gualzo in i minthan vangvang ciang "ZOMI HI" hong kici hi.'
65. Lungkia lo in maban thupi zaw i delh vanvan ciang "ZOMI HI" hong kici hi.'
66. 'Ciampeel buang lo e' ciin i kamciam i tangtut ciang "ZOMI HI" hong kici hi.'
67. Thu leh la a kin, nek leh dawn a limci a ne, silh leh teen a siangtho a zang "ZOMI HI" hong kici hi.'
68. Kumpi ulian zong sem thei, mite innteng zong sem thei - (koi koi ah omta leh, bang na bang vai sem ta leh minam itna a mangsaklo), lian ta leh kithupisak tuam lo, lianta kei leh kineu koih tuanlo "ZOMI HI" hong kici hi.'
69. A lian sim loh a hanciam lo "ZOMI HI" hong kici hi.'
70. Zum nasemte kamsawl tangzang (peon) tawh a teek sawmlo "ZOMI HI" hong kici hi.'
71. Officer lo peuhmah tawh a pension sawmlo "ZOMI HI" hong kici hi.'
72. Mikang, mivom, misan, te tawh akikhawl kim thei "ZOMI HI" hong kici hi.'
73. Mikang, mivom, misan tawh kikhawl ta leh a minam a itna a kiam tuanlo "ZOMI HI" hong kici hi.'
74. Mikang hita leh mudah tuanlo, mivom hi taleh zahtak tuanlo, misan hi ta leh neu-et tuanlo a 'akibang hi hang' ci-a a nuntak ciang "ZOMI HI" hong kici hi.'
75. Thungen in nakpi a laisimte "ZOMI HI" hong kici hi.'
76. Nop ni, dah ni a kap thei "ZOMI HI" hong kici hi.
77. Nuntak sung teng ki it a, sihni ciang zong ki itna a bei tuanlo '"ZOMI HI" hong kici hi.'
78. Hong kimu ta leh hong kimu kei ta leh muanhuai taka nungta '"ZOMI HI" hong kici hi.'
79. Gal mai sa mai ah a kitaisanlo '"ZOMI HI" hong kici hi.'
80. Lawm te hutna in a si ngam '"ZOMI HI" hong kici hi.'
81. Zawngta leng hauta leng Pasian phatna la a sasa '"ZOMI HI" hong kici hi.'
(82- 89zon tawm kul lai in teh)
90. Kaihseng (slipper, banat, phanat, chappal) a langkhat sia khin, a langkhat ding, a kituah pih ding a om khak leh ciin na Pi in zuaktung peuh, khuamkawm peuh ah a siat, a kep tinten leh '"ZOMI HI" hong kici hi.'

91. Mi khempeuh tawh na ki thutuah sawm ciang '"ZOMI HI" hong kici hi.'

92. Na tenna gam ah moto lampi kiziik lo ahih manin vanpua dingin ganno na khawi kei a, nang mahmah in bawm tawh na puak kaihkaih ciang '"ZOMI HI" hong kici hi.'

93. Van lah puak sawm lo, na lah sem nuam lo, kampi leh huihtha bek tawh nekzong a mi khem theih peuh khem a na vial vakvak ciang Kawl leh Vai a suah sawm '"ZOMI HI" hong kici hi.'

94. 'Zomi hi hang' cih pah sangin 'kei Zomi sungah a tuate hi ing' na cih teitei, na cih kherkher ciangin nampi lungsim a nei baan nai hetlo, muhna a toi mahmah, namneu lungsim (or namtom lungsim) a pua kip tinten, a kineuseek, a pil nailo '"ZOMI HI" hong kici hi.'

95. Themkhat khua mu ciaiciai leh ami pih asa pihte hai sa, mawl sa, kihhuai sa-a namdang zia leh gamtat thupi sim-a a minam sung pan a kidaang koih nuam pah leh '"ZOMI HI" hong kici hi.'

96. Themkhat sum leh pai mu in, u lian khat suak in, pilna khat ngah leh biakinn sung na tawm ah van daak nuam pah, ukpi sem nuam pah, vaihawm nuam pah, thu kidong leh ut pah leh '"ZOMI HI" hong kici hi.'

97. Themkhat ama hihna, a hoih lohna khat ahoih kik theihna dingin kigen kha leh tangtel sihtan banga kitom nuam pah, 'kua a hia kei hong simmawh sawm' ci-a a kipei pah nuam leh a khuamu nailo, gensiat a thuak siam nailo, muhdah a thuak siam nailo, namtom lungsim nei '"ZOMI HI" hong kici hi.'

98. Zolai sang kawllai lotngah zaw leh '"ZOMI HI" hong kici hi.'

99. Zolai sangin English tawh laikhak gelh siam zaw leh '"ZOMI HI" hong kici hi.'

100. Zomi gelh laibu sim siamlo in, English tawh kigelh laibu sim thei bek leeng a khangto, educated, a pil, a siam, '"ZOMI HI" hong kici hi.'

101. Zomi khansakna dingin Zomi a zang nuamlo (om lai) '"ZOMI HI" hong kici hi.'

102. A thu a Zomi, a taka ....... (a kici omlai) '"ZOMI HI" hong kici hi.'
103. Mihau ciin i theih te 'sum neilo' ahih citciat ciang "ZOMI HI" hong kici hi.'

104. Innkuan sung pan khasum saang khat om leh inkuanpih, meltheih, u le nau bek thamlo veng le pam, pawlpi leh minam in zong i sawk liailiai ciang "ZOMI HI" hong kici hi.'

105. Kiniam koih hilo in i kiniamkhiat ciang "ZOMI HI" hong kici hi.'

106. Thunget hahkat in biakna thupi sim in Pasian i haipih ciang "ZOMI HI" hong kici hi.'

107. Minam sungah i theih ngei hi in i theih ngei loh hi ta leh amin i zak pan i ngaihnat mahmah pah leh tuun sung khat piang, sisan kibang, laigui kizom hi ciin ki ciamteh a, mi in zong hong muh uh ciang "ZOMI HI" hong kici hi.'

108. Thatang nasep hi in lungsim nasep hi ta leh sep ngap loh neilo, lauh neilo in dian pahpah ciang "ZOMI HI" hong kici hi.'

109. Inn nasep khempeuh numei sep ding hi ciin a zi buaita leh naukap na tawm khem masa lo a kong mailam zuana a vakkhia hiauhiau papi a om ciang "ZOMI HI" hong kici hi.'

110. Naupang thu leh numei thu ciin thudik thumaan gen ta leh thatang hat thu leh zawhthawh thu tawh a kipampaih sak teitei ciang a kipasal sak "ZOMI HI" hong kici hi.'

111. Zinsuk zintohna, vaksuk vaktohna pan a kimang thei ding thu hiam, van hiam, ngaihsutna khat hiam a ciah pih den te "ZOMI HI" hong kici hi.'

112. A meet bek en lo a thudik thumaan a gum te "ZOMI HI" hong kici hi.'

113. Patau ta leh hangsan taka a hak teetaa te "ZOMI HI" hong kici hi.'

114. Patauhna khat a om ciang akpi banga a mi a sate thu thei a tei khat in a huai ciang '"ZOMI HI" hong kici hi.'

115. Kawl ah om ta leh a Ni ngaiin a veh vangvang ciang '"ZOMI HI" hong kici hi.' (Itna ki thupi sak cihna hi).

116. Nop ni dah ni a kinusia ngeilo te '"ZOMI HI" hong kici hi.'



from HZC, Phiotongliim