Taanghaam bot nupa te

> Zogam ah zomi nupa kop khatom uh aa, a lo uh ah taang tang vawhin> hong po khia zihziah hi. Ni khat "taangham" botin kuan uh a, a pasal> in tangvui tampi a phak ding deihna leh ngimna hoih tawh taang kungno> tam bawh khiat ngam lo -in hawi hi. A zi leuleu in taang kungno tampi> bot khia le hang, a vui/gui hong limci ding a, tam kinei zaw ding hi,> ci-in sun thapai kinial lawh ngei uh cioh thu i za ngei tek kha ding> hi. Hih thu ah; A lo kuanna mun uh kibang, a ngimna uh zong kibang> tuak mah hi. Taang hau ding (an hau ding) cih ut tuak uh hi. Ahizongin> a muh dan uh kibang thei lo ahih manin a kinial kha uh ahi hi.>> A tunga thu bang lianin tulaitak Mun tuamtuam a om Zomite sungah> mailam khantoh nading leh ki-pumkhat nading ngimna leh lunggulhna ciat> tawh thu i kikup tuahnate ah a langkai ding tawh a kibang zong om kha> thei ding hi. Hih munte ah thu dam tawh kikup tuah ding leh ki> theihsiam ding zong kisam thei zel kha ding hi hang. Thupi ka sak ah;> i ngimna mansak in, na hoih sepkhiatna tawh lah khiat ding, aphi/a> results hong dawt ding thupi pen dingin ka um hi. Khat en pak lehang;> 2005 kumin sia David Suum' veina leh ngimna hoih a neihna hangin> cikmah hun a om ngei nai lo, Zomi bup Pasian phatkhopna pawipi leh> mawhsutna hun limci kinei thei hi. Tua ban ah, tunung deuh mahin Sia> Tua Mung' phuutkhiatna tah "Zomi Idol" limci takmah kinei a, lawhcing> mahmah hi hang, cih kimu thei hi. Hih te i et ciangin, "phulum phul> nading leikha in petlet" a cih bangin amau in Pasian piak vision a> neihna uh tawh kizui-in hong sem khia uh a, Committee tawh limtakin> ma hong pang to uh ahih manin hong lawhcing uh a, mailam ah zop toh> dingin ngimna leh lunggulhna lianpi mipi in zong kinei ciat pah hi.> Tua danin i minam sungah nam tampi ki sem khia khin a, i sem lai ding> hi. Nambat khatna ah Pasian koihin, a nihna ah mipi tawh pankhop siam> ding, kim-le-pam huai siam ding thupi ngaihsun ing. Kei zong i minam> khangto in, leitung ah gam khat, minam khat in ngah ding a kilawm zah> ciang khat tawh i gam i lei hong kivaihawm ding a ngaklah lua ta ka hi> hi.>> Peter Khampu.